17-Dec-2021

(ଢେଙ୍କାନାଳ) ଢେଙ୍କାନାଳ ବନ ବିଭାଗ ର ମନମୁଖୀ ଭାବେ କପିଳାଶ ଅଭୟରଣ୍ୟ ଆଇନ ର ଖିଲାପ କରି ଧନିଆନାଳୀ -ଛୋଟତେନ୍ତୁଳିଆ ଜଙ୍ଗଲ ରାସ୍ତା  କୁ ବନ୍ଦ କରିବା ପ୍ରତିବାଦରେ ଆମରଣ ଅନଶନ ରେ ଢେଙ୍କାନାଳ ର ପୂର୍ବତନ ବିଧାୟକ ନବୀନ ନନ୍ଦ l  ଢେଙ୍କାନାଳ ସ୍ୱାଭିମାନ ସୁରକ୍ଷା ମଞ୍ଚ, ଢେଙ୍କାନାଳ ର ଆହ୍ୱାନରେ ଢେଙ୍କାନାଳ ଜିଲ୍ଲା  ଷଡ଼ଙ୍ଗୀ ରେଞ୍ଜ ଅଫିସ ନିକଟରେ ଆଜି ଠାରୁ ସମସ୍ୟା ର ସମାଧାନ ନ ହେଲା ପର୍ଯ୍ୟନ୍ତ ଅନଶନ ରେ ରହିବେ ନବୀନ ନନ୍ଦ l ସୂଚନା ଅନୁସାରେ ଧନିଆନାଳୀ ଠାରୁ ଛୋଟତେନ୍ତୁଳିଆ ଜଙ୍ଗଲ  ରାସ୍ତା କୁ ଅଭୟରଣ୍ୟ ଆଖ୍ୟା ଦେଇ ବନ୍ଦ କରିବା ଦ୍ୱାରା ଉକ୍ତ ରାସ୍ତା ଉପରେ ନିର୍ଭର କରୁଥିବା ପାଖରେ ଅଖାରେ ଥିବା ପ୍ରାୟ 10 ରୁ ଉର୍ଦ୍ଧ ଗ୍ରାମ ର ଗ୍ରାମ ବାସୀ ମାନେ 6ମାସ ରୁ ଉର୍ଦ୍ଧ ସମୟ ଧରି ହଇରାଣ ହଉଥିବା ର ପ୍ରକାଶ କରିଛନ୍ତି l ଉକ୍ତ ଜନଜାତି ର ଲୋକ ମାନଙ୍କୁ ସରକାର ଙ୍କ ତରଫ ରୁ ଜଙ୍ଗଲ ଜମି ପଟା ମିଳିଥିଲେ ମଧ୍ୟ୍ୟ ଉକ୍ତ ଜାଗାକୁ ଯିବା ପାଇଁ ଜଙ୍ଗଲ ବିଭାଗ ରାସ୍ତା ଦେଉନଥିବା ର ଅଭିଯୋଗ ହୋଇଛି l ବନ ବିଭାଗ ଭାରତ ସରକାର ଙ୍କ ଆଇନ କୁ ଖୋଲାଖୋଲି ଉଲଂଘନ କରୁଥିବା ବେଳେ ରାସ୍ତା ରେ ବେଗା, ଲାଉଲଇ, ଖଙ୍କିରା, ରତନପୁର ଓ ଲେଥେକା ଗ୍ରାମ ର 25000 ରୁ ଅଧିକ ଜନସାଧାରଣ ଉକ୍ତ ରାସ୍ତା ରେ ଯାତାୟାତ କରନ୍ତି l ଉକ୍ତ ରାସ୍ତା ଟୀ ପୂର୍ବରୁ ଢେଙ୍କାନାଳ ରାଜା ଙ୍କ ଦ୍ୱାରା ନିର୍ମିତ ହୋଇଥିବା ବେଳେ କେଉଁ ଆଇନ ବଳ ରେ ଉକ୍ତ ରାସ୍ତା କୁ ଢେଙ୍କାନାଳ ବନ ବିଭାଗ ବନ୍ଦ କରିଛି ତା ନେଇ ସାଧାରଣ ରେ ପ୍ରଶ୍ନ ଉଠୁଛି l ଉକ୍ତ ସମସ୍ୟା କୁ ବାରମ୍ବାର ନବୀନ ନନ୍ଦ ଙ୍କ ଦ୍ୱାରା   ଲୋକଲୋଚନ ଅଣାଯାଇଥିଲେ ମଧ୍ୟ୍ୟ ଢେଙ୍କାନାଳ ବନବିଭାଗ ଏଥିପ୍ରତି ଧ୍ୟ୍ୟନ ଦେଇନଥିଲେ l ଯାହା ଦ୍ୱାରା ଜନସାଧାରଣ ଙ୍କ ସ୍ୱାର୍ଥ କୁ ଆଖିରେ ରଖି ଆମରଣ ଅନଶନ କୁ ଉଲ୍ହାଇ ଠିକେ ନବୀନ ନନ୍ଦ l ତେବେ ଢେଙ୍କାନାଳ ବନବିଭାଗ ସମସ୍ୟା ର ସମାଧାନ କରି ଉକ୍ତ ରାସ୍ତା କୁ ଜନସାଧାରଣ ଙ୍କ ପାଇଁ ନ ଖୋଲିବା ଯାଏଁ ଅନଶନ ଜାରି ରହିବ ବୋଳି ନନ୍ଦ ପ୍ରକାଶ କରିଥିଲେ,ଏସ. ଡ଼ି. ପି. ଓ ଢେ଼ଙ୍କାନାଳ ଙ୍କ ହସ୍ତକ୍ଷପ ଫଳରେ ଏକ ମାସ ପାଇଁ ଅନଶନ କୁ ସ୍ଥଗିତ କରାଗଲା |