17-Dec-2021

ପଦ୍ମପୁର/ପାଇକମାଳ:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ  ପାଇକମାଳ ବ୍ଲକ  ଅନ୍ତର୍ଗତ ଛିନ୍ଦେଇକେଲା ଗ୍ରାମ ଠାରେ ଜାମସେଠ ପ୍ରାଥମିକ କୃଷି ସମବାୟ ସମିତି ପକ୍ଷରୁ ଏକ ମଣ୍ଡିର ବ୍ୟବସ୍ଥା ହୋଇଛି । ଏହି ମଣ୍ଡିକୁ ଛିନ୍ଦେଇକେଲା ପାଖରେ ଥିବା ଟେମରିମାଲ ଗ୍ରାମର  ପ୍ରହଲ୍ଲାଦ ରାଉତ(୭୫) ଅବସରପ୍ରାପ୍ତ ଶିକ୍ଷକ ତାଙ୍କ ଧାନ ବିକ୍ରୟ ଟୋକନ ବିଷୟରେ ବୁଝାବୁଝି କରିବାକୁ  ଆସିଥିଲେ । ସେ ନିଜ ଘରୁ ସକାଳ ୯.୩୦ ମିନିଟ ସମୟରେ ବାହାରି ଛିନ୍ଦେଇକେଲା ଠାରେ କିଛି ସମୟ ନିଜନିଜ ଲୋକ ଙ୍କ ସହ କଥାବାର୍ତ୍ତା କଲାପରେ ୧୧.୩୦ ମିନିଟ ସମୟରେ ଛିନ୍ଦେଇକେଲା ମଣ୍ଡି ଠାରେ ଯାଇଥିଲେ l ମଣ୍ଡିରେ ପହଞ୍ଚି  ଉପସ୍ଥିତ ଥିବା ପ୍ରାଥମିକ କୃଷି ସମବାୟ ସମିତି, ଜାମସେଠ ର କର୍ମଚାରୀ ଙ୍କୁ ତାଙ୍କ ଟୋକନ ବିଷୟରେ ପଚାରିଥିଲେ । ପ୍ରାପ୍ତ ସୂଚନା ଅନୁଯାୟୀ ପ୍ରହଲ୍ଲାଦ

ରାଉତଙ୍କ ନାମରେ ଆଗରୁ ଧାନ କାର୍ଡ ଆସିଛି । ସେ ପ୍ରତିବର୍ଷ ପାଖାପାଖି ୩୦ ରୁ ୪୦ କୁଣ୍ଟାଲ ଧାନ ମଣ୍ଡିରେ ବିକ୍ରି କରିଥାନ୍ତି । କିନ୍ତୁ ଏହି ବର୍ଷ ମଣ୍ଡିରେ କେବଳ ୬ କୁଣ୍ଟାଲ ୬୩ କିଗ୍ରା ଧାନ ବିକ୍ରି ପାଇଁ ଟୋକନ ଆସିଥିଲା । ଏହା ଜାଣିବା ପରେ ପ୍ରହଲ୍ଲାଦ ବହୁ ମାତ୍ରାରେ ରାଗି ଯାଇଥିଲେ। କେମିତି କେଉଁଠି କଷ୍ଟ ରେ ଉପାର୍ଜିତ ଧାନ କୁ ବିକ୍ରି କରିବି ବୋଲି ଚିନ୍ତାଗ୍ରସ୍ତ ହୋଇ ବହୁ ମାତ୍ରାରେ ରାଗି ଯିବା ଫଳରେ ପ୍ରହଲ୍ଲାଦଙ୍କ ରକ୍ତ ଚାପ(ବ୍ଲଡ଼ ପ୍ରେସର) ଅତ୍ୟଧିକ ବଢି ଯାଇଥିଲା । ରକ୍ତ ଚାପ ଅତ୍ୟଧିକ ବଢି ଯିବା ଫଳରେ ପ୍ରହଲ୍ଲାଦଙ୍କ ହାଟ ହୃଦଘାତ ହୋଇ ମୃତ୍ୟୁ ହୋଇଥାଇ ପାରେ ବୋଲି ସନ୍ଦେହ କରାଯାଉଛି । ଘଟଣା ବିଷୟରେ ଖବର ପାଇ ପାଇକମାଳ ଥାନା ଅଧିକାରୀ ଓ ତାଙ୍କ ସହକର୍ମୀ ସଙ୍ଗେ ସଙ୍ଗେ ଘଟଣା ସ୍ଥଳରୁ ପହଂଚିଥିଲେ । ପ୍ରାଥମିକ ତଦନ୍ତ କରିବା ସହ ଶବକୁ ଜବତ କରି ଶବ ବ୍ୟବଚ୍ଛେଦ କରିବା ସକାଶେ ପଦ୍ମପୁର ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ । ତାଙ୍କର ଗୋଟେ ପୁଅ ଓ ଗୋଟେ ଝିଅ ଅଛନ୍ତି । ତାଙ୍କ ପୁଅ ଖୋର୍ଦ୍ଧା ରେ ରହୁଥିବା ବେଳେ ଆଜି ସକାଳେ ସେ ଦୁର୍ଘଟଣା ଗ୍ରସ୍ତ ହୋଇଥିବା ସୂଚନା ମିଳିଛି । ପ୍ରହଲ୍ଲାଦ ଙ୍କ ଝିଅଙ୍କ ସ୍ବାମୀ ଶବ ସାଙ୍ଗରେ ରହିଥିଲେ । ଶବ ବ୍ୟବଚ୍ଛେଦ ପରେ ଶବକୁ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ବୋଲି ପାଇକମାଳ ଥାନା ଅଧିକାରୀ ବିଶ୍ୱଜିତ ମନବୋଧ ସୂଚନା ଦେଇଛନ୍ତି । ବିଡମ୍ୱନାର ବିଷୟ ଏହି କିଯେ ଜନସାଧାରଣ ତଥା ଅନ୍ୟ ଚାଷୀ ମାନେ କହିବା ହିସାବରେ ଆଗରୁ ପ୍ରହଲ୍ଲାଦ ରାଉତ ମଣ୍ଡିରେ ଧାନ ବିକ୍ରି କରିଆସୁଛନ୍ତି ଏଵଂ ଆଗରୁ ତାଙ୍କ ନାମରେ ଧାନ କାର୍ଡ ମଧ୍ୟ ରହିଛି । କିନ୍ତୁ ପ୍ରାଥମିକ କୃଷି ସମବାୟ ସମିତି, ଜାମସେଠ ର ସମ୍ପାଦକ କହିବା ହିସାବରେ ପ୍ରହଲ୍ଲାଦ ରାଉତ ଚଳିତ ବର୍ଷ ପ୍ରଥମ ଥର ପାଇଁ କାର୍ଡ ସକାଶେ ଆବେଦନ କରିଥିଲେ ଓ ସେ ଏହି ବର୍ଷ ପ୍ରଥମ ଥର ପାଇଁ ଧାନ କାର୍ଡ ପାଇଥିଲେ । ଏଠି ପ୍ରଶ୍ନ ଉଠୁଛି ଯେ ସମ୍ପାଦକ ନିଜ ଭୁଲ ଲୁଚେଇବି ପାଇଁ ଏମିତି କହୁ ନାହାନ୍ତି ତ ? ତାଙ୍କ ବିୟୋଗ ରେ ଚାଷୀ ନେତା ଶ୍ରୀମାନ ରମେଶ ମହାପାତ୍ର ତଥା ରାଜବୋଡାସମ୍ବର କୃଷକ ସଂଗଠନ ର ଆବାହକ ଶ୍ରୀମାନ ଅଶୋକ କୁମାର ସାହୁ ଙ୍କ ସମେତ ଆଞ୍ଚଳିକ କୃଷକ ମହାସଂଘ ମାଣ୍ଡୋସିଲ ର ସଭାପତି ଶ୍ରୀମାନ ଗିରିଶ ଚନ୍ଦ୍ର ଡନସନା ପ୍ରମୁଖ ଗଭୀର ଭାବେ ମ୍ରିୟମାଣ ହୋଇ ଦୁଃଖ ପ୍ରକାଶ କରିଛନ୍ତି l