15-Dec-2021

ଲୋଇସିଂହା, (ବିନୋଦ କୁମାର ଦୀପ) କରୋନା ପରିସ୍ଥିତିରେ କଳାକାରଙ୍କୁ ଗୋଟିଏ ପ୍ରକାର ନିରାଶ ହେବାକୁ ପଡିଥିଲା l କଳାକୁ ନେଇ ଜୀବନ ଓ ଜୀବିକା କରିଥିବା କଳାକାର ନିଜ କଳାର ନିଜ କଳାର ପ୍ରଦର୍ଶନ କରିବାର ସୁଯୋଗ ନ ପାଇବାରୁ ଅନେକ ଗୁଡିଏ କଳାକାର ବିଷାଦଗ୍ରସ୍ଥ ହୋଇ ପଡ଼ିଥିଲେ l ବର୍ତମାନ କରୋନାର ବିପତ୍ତି ଅନେକ ମାତ୍ରାରେ କମିଥିବାରୁ ଏପରି ସମୟରେ ବଲାଙ୍ଗୀର ଜିଲ୍ଲାର ଏକ ଅଗ୍ରଣୀ ସାମାଜିକ ଓ ସାଂସ୍କୃତିକ ଅନୁଷ୍ଠାନ ସୁସଙ୍ଗମ ସାଂସ୍କୃତିକ ସଂଘ ଲୋଇସିଂହା ପକ୍ଷରୁ ଲୋକକଳା ସଙ୍ଗମ ୨୦୨୧ ର ଆୟୋଜନ

ଲୋକ କଳାକାର ମାନଙ୍କ ମନରେ ଖୁସି ପ୍ରଦାନ କରିଛି l ଲୋଇସିଂହା ବ୍ଲକର ୨୦ ଟି ପଂଚାୟତରୁ ପ୍ରାୟ ୫୦୦ ରୁ ୭୦୦ ବିଭିନ୍ନ ଲୋକକଳା ବଳରେ ଏହି କାର୍ଯ୍ୟକ୍ରମରେ ସାମିଲ ହୋଇ ନିଜର କଳା ପ୍ରଦର୍ଶନ କରିଥିଲେ l ଏଥିରେ ଏ ଅଂଚଳର ବିଶିଷ୍ଟ ମାନ୍ୟଗଣ୍ୟ ବ୍ୟକ୍ତି ତଥା ବଲାଙ୍ଗୀର ଉପ ଜିଲ୍ଲାପାଳ ଲମ୍ବୋଦର ଧରୁଆ ମୁଖ୍ୟଅତିଥି ଭାବେ ଯୋଗଦାନ କରିଥିଲେ l ଏହି ପରିପ୍ରେକ୍ଷୀରେ ସରୋଜ ବିଶ୍ୱାଳଙ୍କ ନେତୃତ୍ୱରେ ଏକ ସୁସଙ୍ଗମର ସଦସ୍ୟ ମାନେ ଚକ୍ଷୁଦାନ ପ୍ରତି ଲୋକଙ୍କୁ ସଚେତନ ଏବଂ ଅଧିକରୁ ଅଧିକ ଲୋକେ କେମିତି ଚକ୍ଷୁଦାନ ପ୍ରତି

ଇଛାପ୍ରକାଶ କରିବେ ଏହି ଉଦେଶ୍ୟରେ ଏକ ନିଆରା ପଦକ୍ଷେପ  ମୋ ପରେ ମୁଁ କରାଯିବା ସହ ଚକ୍ଷୁଦାନ କରିଥିବା ୫ ଜଣ ବ୍ୟକ୍ତିଙ୍କ ପରିବାରକୁ ସମ୍ମାନିତ କରାଯାଇଥିଲା l କାର୍ଯ୍ୟକ୍ରମର ଉଦଘାଟନ ମୁଖ୍ୟଅତିଥିଙ୍କ କରକମଳରେ ହୋଇଥିଲା l ସମସ୍ତ କାର୍ଯ୍ୟକ୍ରମକୁ ଜ୍ୟୋତିପ୍ରକାଶ ସାହୁ ଓ ସସ୍ମିତା ସାହୁ ସଂଯୋଜନା କରିଥିଲେ l କାର୍ଯ୍ୟକ୍ରମରେ ସହଯୋଗ କରିଥିଲେ ଲୋକକଳା ସଙ୍ଗମର ଚେୟାରମେନ ନିହାରରଞ୍ଜନ ବେହେରା, ନିଶାର ଅହମ୍ମଦ ନିଶାର, ସରୋଜ ମହାକୁର, ଦିବ୍ୟାରଞ୍ଜନ ପଣ୍ଡା, ଉପଦେଷ୍ଟା ରାଜେନ୍ଦ୍ର ବିଶ୍ୱାଳ, ଚମରା ଚୌହାନ ସମେତ କ୍ଲବର ସମସ୍ତ କର୍ମକର୍ତା ସହଯୋଗ କରିଥିଲେ l