13-Dec-2021

ପାଟଣାଗଡ଼: ସରକାର ଗରିବ, ଅସହାୟ ଓ ବିଙ୍ଗଳାଙ୍ଗ ପାଇଁ କେତେ କଣ ଯୋଜନା କାର୍ଯ୍ୟକାରୀ କରୁଛନ୍ତି। କିନ୍ତୁ ପ୍ରଶାସନିକ ଅଧିକାରୀ ଓ ନେତା ମାନଙ୍କ ଅବହେଳା ଯୋଗୁଁ ଅନେକ ଲୋକ ଏ ସୁବିଧା ସୁଯୋଗ ପାଇବାରେ ବଞ୍ଚିତ ଅଛନ୍ତି।ଏଭଳି ଏକ ଦୁଃଖଦ ଘଟଣା ସମ୍ପର୍କରେ ଆପଣ ମାନଙ୍କୁ କହିବା କୁ ଯାଉଛୁ। ତାହା ପୁଣି ବ୍ଳକ ପ୍ରଶାସନ ପାଖରେ ଥିବା ଗାଁ ର। ବଲାଙ୍ଗିର ଜିଲ୍ଲା ପାଟଣାଗଡ଼ ବ୍ଳକ ଅନ୍ତର୍ଗତ ମରୁଆଁ ପଞ୍ଚାୟତ ତାଲପଦର ଗାଁ ର ଲକ୍ଷ୍ମୀପ୍ରିୟା ବାରିକର କଥା। ବାପା ହେଉଛନ୍ତି ବାବୁଲାଲ ବାରିକ ଓ ମାଁ ଭଗବତୀ ବାରିକ । ତାଙ୍କ ୧୬ ବର୍ଷ ର ଝିଅ ଲକ୍ଷ୍ମୀ ପ୍ରିୟା, ସେ କିଛି କହିପାରନ୍ତି ନାହିଁ କିମ୍ବା କିଛି ଶୁଣିପାରନ୍ତି ନାହିଁ।ବାପା ଜଣେ ଗରିବ ଶ୍ରେଣୀର ଲୋକ ତାଙ୍କ ରହିବା ପାଇଁ ଭଲ ଘର ଖଣ୍ଡିଏ ନାହିଁ ସେ ବହୁ କଷ୍ଟରେ ପରିବାର ଚଳାଉଛନ୍ତି। ତାଙ୍କ ସାତଟି ସନ୍ତାନ ମଧ୍ୟ ରୁ ତାଙ୍କ ସମସ୍ତ ଙ୍କୁ କଷ୍ଟ ରେ ବିବାହ କରାଇଥିଲେ ଓ ଏବେ ବିକଳାଙ୍ଗ ଝିଅକୁ ଘରେ ରଖିଛନ୍ତି। ଆଜି ସିନା ସେ ସବଳ ଶରୀର ଥିବାରୁ ଝିଅକୁ ପୋଷିବାରେ ସମର୍ଥନ ଅଛନ୍ତି। କିନ୍ତୁ କାଲି ତାଙ୍କର କ'ଣ ହୁଏ ତାହେଲେ ଝିଅ କିପରି ରହିବ ତାହା ଚିନ୍ତା।୨୦୧୧ ମସିହାରେ ତାଙ୍କୁ ଡାକ୍ତର  ୭୦% ବିକଲlଙ୍ଗ ଘୋଷଣା କରିଥିଲେ ଓ ବର୍ତ୍ତମାନ ମଧ୍ୟ ୮୦% ମୂକ ବଧିର ଘୋଷଣା କରିଛନ୍ତି। ହେଲେ ଝିଅଟି ସରକାରୀ ସୁବିଧାରୁ ବଞ୍ଚିତ ହେବା 

 କେତେ ଦୂର ଠିକ୍ ? ଏ ବିଷୟରେ ଅନେକ ଥର ପଞ୍ଚାୟତ ଓ ବ୍ଳକ ପ୍ରଶାସନକୁ ଜଣାଇଥିଲେ ସୁଦ୍ଧା କୌଣସି ସୁଫଳ ମିଳିନାହିଁ ବୋଲି ବାପା ଆମ ପ୍ରତିନିଧି ଆଗରେ କୋହଭରା କଣ୍ଠରେ କହିଥିଲେ। ଯଦିଓ ପାଟଣାଗଡ଼ ବ୍ଳକ କାର୍ଯ୍ୟାଳୟ ଠାରୁ ପାଖରେ ଥିବା ପଞ୍ଚାୟତ ର ଲୋକେ ଅସୁବିଧା ହେଉଛନ୍ତି ତେବେ ପାଟଣାଗଡ଼ ବ୍ଳକ କିଭଳି ଭାବରେ ଲୋକଙ୍କ ସମସ୍ୟା ସମ୍ପର୍କରେ ବୁଝୁଛି ତାହା ଅନୁମାନ କରନ୍ତୁ। ଏହି ଝିଅକୁ ବଲାଙ୍ଗିର ଜିଲ୍ଲାପାଳ ଓ ପାଟଣାଗଡ଼ ଉପଜିଲ୍ଲାପାଳ ଦୃଷ୍ଟିରେ ରଖି ଝିଅକୁ ସୁବ୍ୟବସ୍ଥା କରନ୍ତୁ ବୋଲି ଜନସାଧାରଣରେ ଦାବି ହେଉଛି।