13-Dec-2021

ସୋନପୁର(ପ୍ରେରଣା ଖବର) ::ପଶ୍ଚିମାଞ୍ଚଳ ଅବସରପ୍ରାପ୍ତ ସରକାରୀ କର୍ମଚାରୀ ମହାସଂଘ ଓଡ଼ିଶା ର ନିଷ୍ପତ୍ତି କ୍ରମେ   ସୁବର୍ଣ୍ଣପୁର ଜିଲ୍ଲା ଶାଖା ତରଫରୁ ଏକ ଦାବିପତ୍ର  ମାନ୍ୟବର ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ୟ ଜିଲ୍ଲାପାଳ ଙ୍କ ଜରିଆରେ ପଶ୍ଚିମାଞ୍ଚଳ ଅବସରପ୍ରାପ୍ତ ସରକାରୀ କର୍ମଚାରୀ ମହାସଂଘର ଉପସଭାପତି ତଥା  ସୁବର୍ଣ୍ଣପୁର ଜିଲ୍ଳା ଶାଖାର ସମ୍ପାଦକ ସିତାଂଶୁ ଶେଖର ମିଶ୍ର ଓ ସଭାପତି ନୀଳମାଧବ ଗୁରୁ ଙ୍କ ନେତୃତ୍ୱରେ ପ୍ରଦାନ କରାଯାଇଛି।
ସ୍ୱଳ୍ପ ପେନସନ ଭୋଗି ଅବସର ସରକାରୀ କର୍ମଚାରୀଙ୍କୁ ବିଜୁ ସ୍ୱାସ୍ଥ୍ୟ ଯୋଜନାରେ ସାମିଲ କରିବା ଏବଂ ଅବସର କର୍ମଚାରୀ ଙ୍କୁ  ୧୦ ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱାସ୍ଥ୍ୟ ବୀମା ଯୋଗାଇ ଦେବା କୁ ନେଇ ଦାବିପତ୍ର ରେ ଉଲ୍ଲେଖ ରହିଛି l
ସେଥିପାଇଁ ଅବସର ପ୍ରାପ୍ତ କର୍ମଚାରୀ ମାନଙ୍କୁ ମଧ୍ୟ ସ୍ୱାସ୍ଥ୍ୟ କାର୍ଡ଼ ପ୍ରଦାନ କରିବା ଦାବିକୁ ଯଥାର୍ଥ ମନେ କରି ଦାବି କରାଯାଇଛି l
ଏହି ଦାବିପତ୍ର ପ୍ରଦାନ ସମୟରେ ବହୁ ସଂଖ୍ୟାରେ ଅବସର

ପ୍ରାପ୍ତ କର୍ମଚାରୀ ଗୁଣନିଧି ପାତ୍ର , ରାଜ କୁମାର ସାହୁ,ନୀଳମଣି ନନ୍ଦ,ନୀଳମାଧବ ମହାପାତ୍ର,ଚିତ୍ତରଞ୍ଜନ ମିଶ୍ର,ଘାସିରାମ ମିଶ୍ର,ଚନ୍ଦ୍ର ଶେଖର ମେହେର,ବାସୁଦେଵ ପୁରୋହିତ,ମଙ୍ଗୁଲୁ ମେହେର,ନବଘନ ସାଣ୍ଢ ,ଉମେଶ ପଣ୍ଡା,  ନିତ୍ୟା ନନ୍ଦ ମହାଣା, ନାରାୟଣ ଦାସ  ସମେତ ଅନ୍ୟମାନେ ସୋନପୁର ଜିଲ୍ଲା ଏଡିଏମ ଙ୍କୁ ଭେଟି ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ଉଦ୍ଦେଶ୍ୟ ଦାବିପତ୍ର ପ୍ରଦାନ କରିଛନ୍ତି lଦାବିପତ୍ କୁ ମୁଁ ମାନ୍ୟବର ମୁଖ୍ୟମନ୍ତ୍ରୀଙ୍କୁ ତୁରନ୍ତ ପଠାଇଦେବି ବୋଲି ଉପସ୍ଥିତ ସମୁହ ଅବସରପ୍ରାପ୍ତ କର୍ମଚାରୀଗଣଙ୍କୁ ପ୍ରତିଶ୍ରୁତି ପ୍ରଦାନ କରିଛନ୍ତି ବୋଲି ସମ୍ପାଦକ ଶ୍ରୀମାନ ମିଶ୍ରଙ୍କ ଠାରୁ ପ୍ରକାଶ l