13-Dec-2021

ପାଟଣାଗଡ଼ :  ବିଦ୍ୟାଳୟ ହେଉଛି ଏକ ମନ୍ଦିର ତାକୁ ପରିଷ୍କାର ପରିଚ୍ଛନ୍ନ ରଖିବା ପ୍ରତ୍ୟେକ ନାଗରିକଙ୍କ କର୍ତ୍ତବ୍ୟ। ଏହି ବିଦ୍ୟାଳୟରୁ ସମସ୍ତେ ବଡ଼ ମଣିଷ ହୋଇ ବାହାରିଥାନ୍ତି। ହେଲେ ବିଭିନ୍ନ ସ୍ଥାନରେ ପ୍ରଶାସନିକ ଅଧିକାରୀ ଓ ପ୍ରଧାନ ଶିକ୍ଷକ ମାନଙ୍କର ଅବହେଳା ଯୋଗୁଁ ବିଦ୍ୟାଳୟ ମାନେ ପରିତ୍ୟକ୍ତ ଅବସ୍ଥାରେ ପଡ଼ିରହିଛି। ସୂଚନା ଅନୁଯାୟୀ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଗମ୍ଭାରୀ ପଞ୍ଚାୟତ ଅନ୍ତର୍ଗତ କର୍ଲାବାହାଲି ପ୍ରାଥମିକ ବିଦ୍ୟାଳୟ ଭୂତକୋଠୀ ପାଳଟିଛି। ଏହି ବିଦ୍ୟାଳୟରେ ମୋଟ ୬୫ ଜଣ ଛାତ୍ରଛାତ୍ରୀ ପଢ଼ୁଥିବା ବେଳେ ମାତ୍ର ଗୋଟିଏ କୋଠରୀ ଭଲ ଅଛି। ଏହି ବିଦ୍ୟାଳୟଟି ବେଲପଡା ବ୍ଳକ ଶେଷ ସୀମା ଓ ଖପ୍ରାଖୋଲ ବ୍ଳକ ପାଖରେ ଥିବା ଯୋଗୁଁ କୌଣସି ପ୍ରଶାସନିକ ଅଧିକାରୀଙ୍କ ଦୃଷ୍ଟି ପଡୁନାହିଁ ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ବିଦ୍ୟାଳୟ ରେ ନାଁ ଅଛି କାନ୍ଥ, ନାଁ ଅଛି ଭଲ ଭାବେ ଶ୍ରେଣୀ ଗୃହ, ନାଁ ଅଛି ଛାତ୍ରଛାତ୍ରୀ ମାନଙ୍କ ପାଇଁ ପାଇଖାନା। ବିଦ୍ୟାଳୟ କୁ ସଫାସୁତୁରା ନ ରଖିବାରୁ ତାହା ଭୂତକୋଠୀ ପାଳଟି ଯାଇଛି। ଆଜି ପର୍ଯ୍ୟନ୍ତ କରୋନା ମହାମାରୀ ସମୟର ଛାତ୍ର ଛାତ୍ରୀ ଙ୍କ ମଧ୍ୟାହ୍ନ ଭୋଜନ ଟଙ୍କା ମିଳିନାହିଁ , ପୋଷାକ ବିତରଣ କରାଯାଇନାହିଁ।ଏ ବିଷୟରେ ଗ୍ରାମବାସୀ ବିଇଓ କାର୍ଯ୍ୟାଳୟ ରେ ଆଗରୁ ଅଭିଯୋଗ କରିଥିଲେ ସୁଦ୍ଧା କୌଣସି ସୁଫଳ ମିଳି ନଥିଲା।ଏ ବିଷୟରେ ପ୍ରଧାନ ଶିକ୍ଷୟିତ୍ରୀ ଶ୍ରୀ ମତୀ ସଙ୍ଗୀତା ପରିଚ୍ଛା ଙ୍କ ପ୍ରତିକ୍ରିୟା ନେଇଥିଲୁ ଯେ ସେ କହିଲେ ମୁଁ ଏକା

ସବୁ କାମ କରୁଛି ଏବଂ ମୋ ସହିତ ଜଣେ ମହିଳା ସହକାରୀ ଶିକ୍ଷୟିତ୍ରୀ ଅଛନ୍ତି ଯେ ସେ ନାମ କୁ ମାତ୍ର। ସେଥିପାଇଁ ମୁଁ ଆଉ ଗୋଟିଏ ସହକାରୀ ଶିକ୍ଷକ ଦେବା ପାଇଁ ବିଇଓ ଙ୍କୁ କହିଥିଲି। କିନ୍ତୁ ଆଜି ପର୍ଯ୍ୟନ୍ତ ଦେଲେ ନାହିଁ। ଆହୁରି ମଧ୍ୟ କହିଥିଲେ କରୋନା ସମୟରେ ଏହି ବିଦ୍ୟାଳୟରେ କ୍ବେରେଣ୍ଟଟାଇନ କେନ୍ଦ୍ର ଖୋଲା ଯାଇଥିଲା ସେ ସମୟରେ ମଧ୍ୟ ପଞ୍ଚାୟତ କାର୍ଯ୍ୟାଳୟ ପାଇଖାନା ତିଆରି କରିନଥିଲେ କି ବିଦ୍ୟାଳୟ ର ରଙ୍ଗ କରିନଥିଲେ। ଏଠି ପ୍ରଶ୍ନ ଉଠୁଛି ଯେ ଦୋଷ କାହାର , ସେଥିପାଇଁ ଛାତ୍ରଛାତ୍ରୀ ଓ ଗ୍ରାମବାସୀ ଦାୟୀ କି ?ସେ ସମୟରେ ପ୍ରଧାନ ଶିକ୍ଷୟିତ୍ରୀ ଚୁପ୍ କାହିଁକି ଥିଲେ ଆଜି ଏପରି ଅବସ୍ଥା ଦେଖାଗଲା ଯେ ଏଭଳି କହିଛନ୍ତି।ଏଠି ଛାତ୍ରଛାତ୍ରୀ ମାନଙ୍କ ଭବିଷ୍ୟତ ପ୍ରତି ଖେଳ ଚାଳିଛି ବୋଲି ଗାଁ ବିଦ୍ୟାଳୟ ଛାଡି ଅନ୍ୟ ଗାଁ ପାଠ ପଢ଼ାଇବା ପାଇଁ ଛାତ୍ରଛାତ୍ରୀ ଙ୍କୁ ଅଭିଭାବକ ମାନେ ପଠାଉଥିବା ଶୁଣିବାକୁ ମିଳୁଛି।ଏଥି ପ୍ରତି ଜିଲ୍ଲା ପ୍ରଶାସନ ଧ୍ୟାନ ଦେବା ସଙ୍ଗେ ଉଚିତ ପଦକ୍ଷେପ ନେବାକୁ ଅଞ୍ଚଳବାସୀ ଦାବି କରିଛନ୍ତି।