11-Dec-2021

ପାଟଣାଗଡ ( ପୁର୍ଣ୍ଣ ଶଶୀ ଶେଖର ରାଓ): ବଲାଙ୍ଗୀର ଜିଲା ପାଟଣାଗଡ଼ ବ୍ଳକ ମରୁଆଁ ପଞ୍ଚାୟତ ପାଢେଲ ଗ୍ରାମର ନବ ନିର୍ମିତ ଜଗନ୍ନାଥ ମନ୍ଦିରର ରତ୍ନମୁଦ ଉତ୍ସବ ଭକ୍ତିମୟ ପରିବେଶ ମଧ୍ୟରେ ରତ୍ନ ମୁଦ ସ୍ଥାପନ ସହ ଷୋଳପ୍ରହର ଅଖଣ୍ଡ ନାମ ଯଜ୍ଞ ଅନୁଷ୍ଠିତ ହୋଇଯାଇଛି । ତା ୮ .୧୨ .୨୦୨୧.ବୁଧବାର ରୁ ୧୧.୧୨ .୨୦୨୧ ଶନିବାର ପର୍ଯ୍ୟନ୍ତ ୪  ଦିନ ଧରି ଅନୁଷ୍ଠିତ ହେଉଥିବା ରତ୍ନ ମୂଦ ଉତ୍ସବରେ ସ୍ଥାନୀୟ ପୋଖରୀକୁ ଯାଇ  ପୂଜାର୍ଚ୍ଚନା ସହ  ଇନ୍ଦ୍ର ଇନ୍ଦ୍ରାଣୀ ଓ ଗଙ୍ଗା ନିମନ୍ତ୍ରଣ କରିବା ସହ ପୂର୍ଣ୍ଣ କଳଶ ଆଣି ପୂଜା ନାମ ଯଜ୍ଞ ଓ ପୂଜା ମଣ୍ଡପରେ ସ୍ଥାପନ ସହ ପୂଜାର୍ଚ୍ଚନା କରାଯାଇଥିଲା । ଏହାର ପରଦିନ ଜଗନ୍ନାଥ ମନ୍ଦିର ସମ୍ମୁଖରେ ଅନୁଷ୍ଠିତ ହୋମ ଯଜ୍ଞ କରି ନଗର ପରିକ୍ରମା କରି ରତ୍ନମୁଦ ଆରମ୍ଭ ହୋଇଥିଲା । ଏଥିରେ ମୂଖ୍ୟ ଯଜ୍ଞ କର୍ତ୍ତା କାର୍ତ୍ତିକ ସରାଫ ଓ ତାଙ୍କ ଧର୍ମପତ୍ନୀ ଅଞ୍ଜଳି ସରାଫଙ୍କ ସହ ଷୋଳ ପ୍ରହର ଅଖଣ୍ଡ ନାମ ଯଜ୍ଞ ର ୧୬ ଜଣ ଯଜ୍ଞ କର୍ତ୍ତା ଭାବେ ଭାଗିରଥି ପଟେଲ ତାଙ୍କ ଧର୍ମପତ୍ନୀ ତୃଷ୍ଣାମୟୀ ପଟେଲ ,ଟଙ୍ଗଧରଭୁଏ ତାଙ୍କ ଧର୍ମପତ୍ନୀ ରାମ୍ଭା ଭୂଏ,  ଭଗବାନ ମେହେର ଓ ଧର୍ମପତ୍ନୀ ସରୋଜିନୀ ମେହେର , ଦିଲିପ ରଣା , ମିଥୁନ ସାହୁ ଧର୍ମପତ୍ନୀ ହିମାନ୍ଦ୍ରୀ , ଲକ୍ଷ୍ମୀ ନାରାୟଣ ସରାଫ,ଟିକୁ ବନଛୋର,ଭିକ ବନଛୋର, ଲୋକନାଥ ସରାଫ, ଶେଷ ବନଛୋର , ମନୋରଞ୍ଜନ ମେହେର,ମଣ୍ଟୁ ସରାଫ,ସୁଦାମ ସରାଫ ପ୍ରମୁଖଙ୍କ ସହ ତାଙ୍କ ଧର୍ମପତ୍ନୀ କର୍ତ୍ତା ଭାବରେ କାର୍ଯ୍ୟ

ନିର୍ବାହ କରିଥିଲେ l ପଣ୍ଡିତ ଜଡୋଲାମଣି ରଥ, ପଣ୍ଡିତ ଭୀମ ରଥ, ପଣ୍ଡିତ ସୁଧିର ରଥ, ପଣ୍ଡିତ ଚୁଡ଼ାମଣି ରଥ ପୂଜାର୍ଚ୍ଚନା କରିଥିଲେ । ରହି ପ୍ରହର ଅନୁଯାୟୀ ପୂଜା କାର୍ଯ୍ୟ ନିର୍ବାହ କରିଥିଲେ ।  ଏଥିରେ ବିଭିନ୍ନ ଗ୍ରାମ ରୁ କିର୍ତ୍ତନ୍ୟ ଦଳ ଯୋଗ ଦେଇ ସଂକିତ୍ତନ ପରିବେଶଣ କରିଥିଲେ ।ଜଗନ୍ନାଥ ପରିଚାଳନା କମିଟି ସଭାପତି ଭାଗିରଥି ପଟେଲ , ସମ୍ପାଦକ ସମ୍ପଦ ପୋଢ, ମୂଖ୍ୟ ସଂଯୋଜକ ଜିତୁ ମହାନ୍ତି , ଜଗବନ୍ଧୁ ସରାଫ, ମଙ୍ଗଳ ସାହୁ, ପଦ୍ମନାଭ

ଖୁଣ୍ଟିଆ,ମୁରଲିସରାଫ,ଲାଲମନଲୁହା,ଉଦୟ ପଟେଲ, ରାମ ପ୍ରସାଦ ପଟେଲ, ବୈକୁଣ୍ଠ ପଟେଲ, ସର୍ବେଶ୍ଵର ପଟେଲ ମିତ୍ରଭାନୁ ପଟେଲ, ବିଶେଶ୍ୱର ସରାଫ, ଅନ୍ୟ ସଦସ୍ୟ ସହ ଗ୍ରାମବାସୀଙ୍କ ଉଦ୍ୟମରେ ରତ୍ନମୁଦ ଉତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଆଖପାଖ ଅଞ୍ଚଳର ହଜାର ହଜାର ଭକ୍ତ , ଶ୍ରଦ୍ଧାଳୁ ଧାନ,ଟଙ୍କା, ସୁନା, ଅଷ୍ଟଧାତୁ,ଶସ୍ୟ ଅର୍ପଣ କରି ମନ୍ଦିର ର ରତ୍ନମୁଦରେ ସହଯୋଗ କରିଥିଲେ । ମୀନାବଜାର ଦୋକାନରେ ଶ୍ରଦ୍ଧାଳୁମାନେ ବେଶ ମଜା ନେଇଥିବା ବେଳେ ପ୍ରତ୍ୟେକ ଦିନ ଶ୍ରଦ୍ଧାଳୁମାନଙ୍କ ପାଇଁ ଅନ୍ନ ଭୋଗର ବ୍ୟବସ୍ଥା କରାଯାଇଥିଲା । ହଜାର ହଜାର ଭକ୍ତ ସମାଗମ ହୋଇଥିବା ବେଳେ   ଗ୍ରାମର ଯୁବଗୋଷ୍ଠୀ ପୂର୍ଣ୍ଣ ଭାବରେ ସହଯୋଗ କରିଥିଲେ ।