10-Dec-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଳକ ଅନ୍ତର୍ଗତ ଭରୁଆପାଲି ଗାଁ ରେ ସହୀଦ ବାଜି ରାଉତ କ୍ଳବ ପକ୍ଷରୁ ଚାଲିଥିବା ୧୮ ତମ ଫୁଟବଲ ଟୁର୍ଣ୍ଣାମେଣ୍ଟ ର ଆଜି ଦ୍ବିତୀୟ ସେମିଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଅଛି। ଏଥିରେ ମୁଖ୍ୟ ଅତିଥି ଭାବେ କାନୁଟ ସରପଞ୍ଚଙ୍କ ସ୍ବାମୀ କେଶବ ହିଆଁଲ ଯୋଗଦାନ କରି କାର୍ଯ୍ୟକୁ

ଆଗେଇ ନେଇଥିଲେ। ସମ୍ମାନୀତ ଅତିଥି ଭାବେ ନୁନହାଡ ସମିତି ସଭ୍ୟ ତଥା ଭରୁଆପାଲି ସରପଞ୍ଚ ଙ୍କ ସ୍ବାମୀ ତଥା ପ୍ରତିଯୋଗିତାର ସର୍ବେସର୍ବା ପୁରୁନ୍ଦର ବାଗ, କ୍ଷେତ୍ର ଛତ୍ରିଆ,ପୁସ୍ତମ ହାତୀ, କେତୁ ରାଜ କେତକୀ, କ୍ଷମା ମାଝୀ,ଭୂଜବଳ ମାଝୀ ପ୍ରମୁଖ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରୁଥିଲେ। ଦ୍ଵିତୀୟ ସେମିଫାଇନାଲ ମ୍ୟାଚ କର୍ଲାକୋଟ ଦଳ ଓ ଜରିଙ୍ଗ ବରଗଡ଼ ଦଳ ମଧ୍ୟରେ ସଂଘର୍ଷ ପୂର୍ଣ୍ଣ ମ୍ୟାଚ ହୋଇଥିବା ବେଳେ କର୍ଲାକୋଟ ୫.୦ ବିଜୟୀ ହେଲେ ଏବଂ ଫାଇନାଲ ମ୍ୟାଚ ପାଇଁ ଉତ୍ତୀର୍ଣ୍ଣ ହୋଇଥିଲେ। ଆସନ୍ତା କାଲି ରାଉଲକେଲା ଓ ସୁନ୍ଦରଗଡ଼ ମହିଳା ଦଳ ମଧ୍ୟରେ ଏକ ଦିନିଆ ପ୍ରଦର୍ଶନୀ ମ୍ୟାଚ୍ ହେବ ବୋଲି ସଭାପତି ସୀତାରାମ ମହାଖୁଡ ଓ ସମ୍ପାଦକ ଶଙ୍କର କରୁଆଁ ସୂଚନା ଦେଇଛନ୍ତି। ଉକ୍ତ କାର୍ଯ୍ୟକ୍ରମରେ ରାଜ ମଣ୍ଡଳ ୪ର୍ଥ ଅମ୍ପେୟାର ଓ ନୀଳ ନାଏକ ଦ୍ବିତୀୟ ରେଫରୀ , ସୁଜିତ ରାଜହଂସ ଦେବେନ୍ଦ୍ର ଥନାପତି ଲାଇନ୍ ମେନ୍ ଦାୟିତ୍ଵ ତୁଲାଉଥିବା ବେଳେ ଉମାକାନ୍ତ ପୁଟେଲ ସ୍କୋର ସିଟ୍ ମ୍ୟାନେଜମେଣ୍ଟ କରୁଥିବା ଜଣାପଡିଛି। ଖେଳ ଆରମ୍ଭ ରୁ ଶେଷ ଯାଏଁ ଅତିଥି ମାନଙ୍କୁ ଯେଉଁ ଉପଢ଼ୌକନ ଦିଆଯାଏ ତାହା ସବୁ ପୂର୍ବତନ ସହୀଦ ବାଜି ରାଉତ କ୍ଳବ ର ସଭାପତି ଶ୍ରୀ ମୁକୁନ୍ଦ ହଂସ ଙ୍କ ଅନୁଦାନ ରେ ହେଉଛି। ଆଗାମୀ ୧୨/୧୨/୨୧ ରବିବାର ଦିନ ରାଜ୍ୟ ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ର ଫାଇନାଲ ମ୍ୟାଚ ନକ୍ଟାସର ଦଳ ଓ କର୍ଲାକୋଟ ମଧ୍ୟରେ ପ୍ରତିଯୋଗିତା ହେବ।