09-Dec-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଭରୁଆପାଲି ଗାଁ ରେ ସହୀଦ ବାଜି ରାଉତ କ୍ଳବ ପକ୍ଷରୁ ଚାଲିଥିବା ୧୮ ତମ ଫୁଟବଲ ଟୁର୍ଣ୍ଣାମେଣ୍ଟର ଆଜି ପଞ୍ଚମ ଦିନ ରେ ପହଞ୍ଚି ଅଛି। ଆଜି ଏହି ପ୍ରତିଯୋଗିତାରେ ପ୍ରଥମ ରାଉଣ୍ଡ ରେ କର୍ଲାକୋଟ ଦଳ ଓ ମୌସୁମ ୱରିଅର ବଲାଙ୍ଗିର ମଧ୍ୟରେ ପ୍ରତିଯୋଗିତା ହୋଇଥିବା ବେଳେ ଏଥିରେ ବଲାଙ୍ଗିର କୁ ଗୋଟିଏ ଗୋଲ ଦେଇ କର୍ଲାକୋଟ ଦଳ ବିଜୟ ହାସଲ କରିଛି। ଦ୍ଵିତୀୟ ରାଉଣ୍ଡ ରେ ଜରିଙ୍ଗ ଓ ବୋଡାସମ୍ବର ପଦ୍ମପୁର ମଧ୍ୟରେ ପ୍ରତିଯୋଗିତା ହୋଇଥିବା ବେଳେ ଏଥିରେ ପଦ୍ମପୁର କୁ ଦୁଇ ଗୋଲ୍ ଦେଇ ଜରିଙ୍ଗ ବିଜୟ ଲାଭ କରିଥିଲା। ଆଜି ର ଖେଳ ରେ ମୁଖ୍ୟ ଅତିଥି ଭାବେ ନୁନହାଡ ସମିତି ସଭ୍ୟ ତଥା ଭରୁଆପାଲି ସରପଞ୍ଚ ଙ୍କ ସ୍ବାମୀ ପୁରୁନ୍ଦର ବାଗ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟ କୁ ଆଗେଇ ନେଇଥିଲେ। ସମ୍ମାନୀତ ଅତିଥି ଭାବେ ଶ୍ରୀ ଯୁକ୍ତ କ୍ଷେତ୍ର ଛତ୍ରିଆ ପୂର୍ବତନ ଖେଳାଳୀ ତଥା ଗାଁ ଗନ୍ତିଆ,ଥବିର ଛତ୍ରିଆ ପ୍ରଧାନ ଶିକ୍ଷକ ଭରୁଆପାଲି ସରକାରୀ ଉଚ୍ଚ ବିଦ୍ୟାଳୟ,ସୁଦଣ୍ଡ ପ୍ରସାଦ ନନ୍ଦ ସହକାରୀ ଶିକ୍ଷକ,ସୃତି ରଞ୍ଜନ ସ୍ବାଇଁ ସରକାରୀ ଶିକ୍ଷକ, ରାକେଶ ଚନ୍ଦ୍ର ସ୍ବାଇଁ ସହକାରୀ ଶିକ୍ଷକ,ଅଞ୍ଜୟ ମେହେର ସହକାରୀ ଶିକ୍ଷକ,ଗୁରୁ ପ୍ରସାଦ ଛତ୍ରିଆ ପ୍ରଧାନ ଶିକ୍ଷକ ପ୍ରାଥମିକ ବିଦ୍ୟାଳୟ ମହନୀଲହ, କାର୍ତ୍ତିକ ବନଛୋର ପୂର୍ବତନ ସମିତି ସଭ୍ୟ,ବସୁ ନାଏକ ସହକାରୀ ଶିକ୍ଷକ, ବୃନ୍ଦାବନ ପୁଟେଲ ଏକ୍ସ ଲାଇନ୍ ମେନ୍ ପ୍ରମୁଖ ଯୋଗଦାନ କରି ଖେଳାଳି ମାନଙ୍କୁ ଉତ୍ସାହିତ କରୁଥିଲେ। ଆସନ୍ତା କାଲି କର୍ଲାକୋଟ ଦଳ ଓ ଜରିଙ୍ଗ ବରଗଡ଼ ଦଳ ମଧ୍ୟରେ ସେମିଫାଇନାଲ ମ୍ୟାଚ ଅନୁଷ୍ଠିତ ହେବ ବୋଲି ସଭାପତି ସୀତାରାମ ମହାଖୁଡ ଓ ସମ୍ପାଦକ ଶଙ୍କର କରୁଆଁ ସୂଚନା ଦେଇଛନ୍ତି।