09-Dec-2021

ପଦ୍ମପୁର(ନିରଞ୍ଜନ ତ୍ରିପାଠୀ):ବରଗଡ଼ ଜିଲ୍ଲା ପଦ୍ମପୁର ସ୍ଥିତ ଗୋରୁ ବଜାର ପ୍ରାଙ୍ଗଣରେ ରାଜବୋଡାସମ୍ବର କୃଷକ ସଂଗଠନର ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି l କରମଚାନ୍ଦ ମେହେରଙ୍କ ସଭାପତିତ୍ବରେ ଅନୁଷ୍ଠିତ ଏହି ବୈଠକରେ ସଂପ୍ରତି ଚଳିତ ବର୍ଷ ଖରିଫ ଫସଲ ପାଇଁ ଅଞ୍ଚଳର ଚାଷୀ ମାନେ ନିଜ ଫସଲକୁ ବୀମାଭୁକ୍ତ କରିଥିଲେ l ଦୁର୍ଭାଗ୍ୟକୁ ଚଳିତ ବର୍ଷ ଇନ୍ଦ୍ରଦେବଙ୍କ କୋପଦୃଷ୍ଟି ହେତୁ ସ୍ୱଳ୍ପ ବୃଷ୍ଟିପାତ ଯୋଗୁଁ ଅଞ୍ଚଳ ରେ ଭୟାବହ ମରୁଡି ଗ୍ରାସକଲା l ବୀମା ଦାୟିତ୍ଵରେ ଥିବା ଏଚଡିଏଫସି କମ୍ପାନୀ ତାର ଗାଇନଲାଇନକୁ ପ୍ରତ୍ୟାଖ୍ୟାନ କରି ମନମୁତାବକ ପ୍ରିମିୟମ ଖାରଚ କରି ଚାଲିଛି ଲ ଗାଇଡଲାଇନ ଅନୁସାରେ ବୀମା ଭରିବାର ୧୫ ଦିନ ମଧ୍ୟରେ ଋଣୀଚାଷୀଙ୍କ ପାଇଁ ଏବଂ ୩୦ ଦିନ ଭିତରେ ଅଣଋଣୀ ଚାଷୀଙ୍କ ବୀମା ଗ୍ରାହ୍ୟ କିମ୍ବା ଅଗ୍ରାହ୍ୟର ସମୟସୀମା ଉଲ୍ଲେଖଖନୀୟ ହୋଇଅଛି କିନ୍ତୁ ପ୍ରିମିୟମ ନେବାର ଦିର୍ଘ ୪ ରୁ ୫ ମାସପରେ ଏବେ ବୀମା ପ୍ରିମିୟମକୁ ଅଗ୍ରାହ୍ୟ କରିଚାଲିଛି lଏହାକୁ ନେଇ ଚାଷୀଙ୍କ ମଧ୍ୟ ରେ ତିବ୍ର ପ୍ରତିକ୍ରିୟା ପ୍ରକାଶ ପାଇଛି lଉକ୍ତ ପ୍ରସଙ୍ଗକୁ ନେଇ ବ୍ୟାପକ ଆଲୋଚନା ପ୍ରଯ୍ୟାଲୋଚନା ପରେ ସଂଗଠନ ଏକ ନିଷ୍ପତ୍ତି ନେଇଛି lଆସନ୍ତା ୧୫.୧୨.୨୦୨୧ଦିନ ପଦ୍ମପୁର ଠାରୁ ଏକ ବିରାଟ ବାଇକ ରାଲିରେ ବାହାରି ବରଗଡ ଜିଲ୍ଲାପାଳ ଙ୍କ କାର୍ଯ୍ୟାଳୟ ପର୍ଯ୍ୟନ୍ତ ଯାଇ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବାକୁ ନିଷ୍ପତ୍ତି ନେଇଛି lଏହି ବୈଠକରେ ଜୟକିଶାନ ଆନ୍ଦୋଳନର ରମେଶ ମହାପାତ୍ର, ସଂଗଠନର ଆବାହକ ଅଶୋକ କୁମାର ସାହୁ, ରୋହିତ ପ୍ରଧାନ, ଶୁକଦେବ ମେହେର, ସଂଗଠନର ଉପଦେଷ୍ଟା ତଥା ଯୁବ ଓକିଲ ଅଜିତ ଶତପଥି, ଚିନ୍ମୟ ପଣ୍ଡା, ବାଳକୃଷ୍ଣ ବନଛୋର,ମଳୟ ଭୋଇ, ନାରାୟଣ ବେହେରା,ଧନମାଳୀ ହାତୀ,ବିରନ ପ୍ରଧାନ ପ୍ରମୁଖ ଉପସ୍ଥିତ ଥିଲେ l