08-Nov-2020

 ବଲାଙ୍ଗିର, (ସନ୍ତୋଷ କୁମାର ଠାକୁର),- କେନ୍ଦ୍ର ତଥା ରାଜ୍ୟ ସରକାରଙ୍କ ଆଦିବାସୀ ବିରୋଧୀ କାର୍ଯ୍ୟପନ୍ଥା ଯଥା ଆଦିବାସୀମାନଙ୍କୁ ବିଭିନ୍ନ ଖଣି ଖଦାନ, ନଦୀବନ୍ଧ , ଅଭୟାରଣ୍ୟ, ଶିଳ୍ପ କଳକାରଖାନା, ମୁର୍ତ୍ତି ପ୍ରତିଷ୍ଟା ଆଳରେ ବଳ ପ୍ରୟୋଗ କରି ବିସ୍ଥାପିତ କରିବା, କ୍ଷତିପୁରଣ, ଥଇଥାନ, ପୁନର୍ବାସ ର ବ୍ୟବସ୍ଥା ନକରିବା , ଆସିବାସୀମାନଙ୍କୁ ଜୋର ଜବରଦସ୍ତି ଜଙ୍ଗଲରୁ ଉଚ୍ଛେଦ କରିବା, ନକଲି ଆଦିବାସୀମାନଙ୍କୁ ବହିଷ୍କୃତ କରିବାରେ ଅହେତୁକ ବିଳମ୍ବ କରି ଉଚ୍ଚତମ ନ୍ୟାୟାଳୟର ଆଦେଶ ଅବମାନନା କରିବା ଅନ୍ୟାନ୍ୟ ପାରମ୍ପାରିକ ବନବାସୀ ଜଙ୍ଗଲ ଜମି ଅଧିକାର ସ୍ୱିକୃତି ଆଇନ ୨୦୦୬ ଅନୁସାରେ ଆଦିବାସୀ ଜମି, ବେନାମି ଜମି, ବେଆଇନ ଖର୍ଦି ସ୍ରୋତ ଦଖଲ ଜମିକୁ ଆଦିବାସୀମାନଙ୍କୁ ଫେରସ୍ତ କରିବାରେ ବିଳମ୍ବ କରି ସଂରକ୍ଷଣ ଆଇନ ୧୯୫୪ର ଉଲ୍ଲଂଘନ କରିବା, ଓଡିଶା ସ୍ଥାନ ସଂରକ୍ଷଣ ଆଇନ ୧୯୭୫ ଅନୁସାରେ ୨୩ ପ୍ରତିଶତ କୋଟା ଉଚ୍ଚଶିକ୍ଷା, ଟେକନିକାଲ ଶିକ୍ଷା,ମେଡିକାଲ କଲେଜ ଏବଂ ନିଯୁକ୍ତିରେ କାର୍ଯ୍ୟକାରି ନକରିବା ଭଳିଆ ଆଦିବାସୀ ବିରୋଧୀ କାର୍ଯ୍ୟକ୍ରମକୁ ପଶ୍ଚିମ ଓଡିଶା ଆଦିବାସୀ ମହାସଂଘ ତିବ୍ର ପ୍ରତିକ୍ରିୟା ପ୍ରକାଶ କରିଛି । ମହାସଂଘ ଆହୁରି ଦାବୀ କରିଛି ଯେ, କରୋନା ଭୁତାଣୁ ଜନିତ ମହାମାରୀ ରେ ସେମାନଙ୍କୁ ସ୍ୱତନ୍ତ୍ର ପ୍ୟାକେଜ ପ୍ରଦାନ କରି ସେମାନଙ୍କ ଆର୍ଥୀକ ଉନ୍ନୟନ କରାଯାଉ ।କୋଭିଡ୧୯ ଯୋଗୁଁ ସମସ୍ତ ଶିକ୍ଷା ନୁଷ୍ଠାନ ରେ ଅନଲାଇନ ବ୍ୟବସ୍ଥା ଦିଆଯାଉଥିବାରୁ ଗରିବ ଆଦିବାସୀ ଛାତ୍ରଛାତ୍ରିମାେ ଫୋର୍ ଜି ସ୍ମାର୍ଟଫୋନ, ଲାପ ଟପ ଆଭାବରେ ଅନଲାଇନ ପାଠ ପଢିପାରୁ ନାହାନ୍ତି ତେଣୁ ସରକାର ସେମାନଙ୍କୁ ମାଗଣାରେ  ମୋବାଇଲ, ଲାପଟପ ଯୋଗାଇ ଦେବା ସହ ମାଗଣା ନେଟ ପ୍ୟାକ ମଧ୍ୟ ଯୋଗାଇ ଦେଉ । ଉଚ୍ଚଶିକ୍ଷା କ୍ଷେତ୍ରରେ ଆଗରୁ ଥିବା ଷ୍ଟାଇପେଣ୍ଡ କୁ ସରକାର ୫ ଗୁଣ କମାଇ ଦେଇଛନ୍ତି, ତେଣୁ ବଜାର ଦର ବୃଦ୍ଧି ଅନୁସାରେ ଆଦିବାସୀ ଛାତ୍ର ଛାତ୍ରୀଙ୍କ ଷ୍ଟାଇପେଣ୍ଡ ପୁର୍ବ ଭଳିଆ ବୃଦ୍ଧି କରାଯାଉ ବୋଲି ମହାସଂଘ ଦାବୀ କରିଛି । ଏହି ମର୍ମରେ ଆସନ୍ତା ୧୧ ନଭେମ୍ବର ୨୦୨୦ ରେ ପଦ୍ମପୁ୫ର ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ ପୂର୍ବକ ଏକ ସ୍ମାରକ ପତ୍ର ରାଷ୍ଟ୍ରପତି, ରାଜ୍ୟପାଳ, ପ୍ରଧାନମନ୍ତ୍ରୀ, ମୂଖ୍ୟ ମନ୍ତ୍ରୀ ଉଦ୍ଦେଶ୍ୟରେ ପ୍ରଦାନ କରାଯିବ ବୋଲି ମହାସଂଘର ସଭାପତି ବିଜୟ ରଞ୍ଜନ ସିଂ ବରିହା, ଉପସଭାପତି ବ୍ରଜ କିଶୋର ସିଂ ଭୋଇ, ଯୋଗେନ୍ଦ୍ର ଭୋଇ,ଭାନୁ ପ୍ରତାପ ସିଂ ମାଝୀ, ମହାସଚିବ ନିରଞ୍ଜନ ବିଶି , ଉସମନ ମୁଣ୍ଡା, ବାଳକୃଷ୍ଣ ଶବର, ପ୍ରମୋଦ ଝାଙ୍କର , ଭଦ୍ର ଚରଣ କିଶାନ,ଭଗବାନ କୁଅଁର ଓ କିଶୋର ଚନ୍ଦ୍ର ଭୋଇ ଜଣାଇଛନ୍ତି ।