08-Dec-2021

ତୁଷୁରା ରେଜିଷ୍ଟ୍ରି ଅଫିସ ରେ ଚୌକିଦାର ସାଜିଛନ୍ତି ସର୍ବେସର୍ବା । ତାଙ୍କ ନାମ ହେଉଛି ଡି. କେ. ମିଶ୍ର । ସେ ତୁଷୁରା ତହସିଲ ଅଫିସ ରେ ଅସ୍ଥାୟୀ ରାତ୍ର ଜଗୁଆଳି ଭାବେ କାର୍ଯ୍ୟରତ । ଦିନିକିଆ ମଜୁରୀ ରେ ସେ କାମ କରନ୍ତି । ତାଙ୍କ ନାମରେ ପ୍ରମାଣ ସହ ଅଭିଯୋଗ ଥିବା ବେଳେ ବର୍ତମାନ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ । ଗତ ୩୧.୮.୨୦୨୦ ରେ ବଲାଙ୍ଗୀର ର ଜୈନେକ ଆଇନଜୀବୀ ଗୋଟିଏ ଜମି ରେଜିଷ୍ଟ୍ରି କରିବା ପାଇଁ  ତୁଷୁରା ରେଜିଷ୍ଟ୍ରି ଅଫିସ କୁ ଯାଇଥିଲେ । ନିୟମ ମୁତାବକ ସମସ୍ତ ସରକାରୀ ଫିଜ୍ ପଇଠ କରିଥିଲେ । ଚୌକିଦାର ମିଶ୍ର ବାବୁ ରେଜିଷ୍ଟ୍ରି ସମୟରେ ଜମି ମୂଲ୍ୟ ର ୧ ଶତକଡା  ପି ସି ମାଗିଥିଲେ । ଆଇନଜୀବୀ ଦେବା ପାଇଁ ମନା କରିବାରୁ ତାଙ୍କ ରେଜିଷ୍ଟ୍ରିକୁ ହଇରାଣ

କରିବେ ବୋଲି କହିଥିବା ତାଙ୍କ ଅଭିଯୋଗରୁ ଜଣାପଡିଛି ।ଏହାପରେ ଓକିଲ ଜଣକ ଏହି ମିଶ୍ର ବାବୁଙ୍କ ନାମରେ ତୁଷୁରା ତହସିଲଦାର, ବଲାଙ୍ଗୀର ଜିଲ୍ଲାପାଳ,ଡି ଆର, ଡି ଏସ ଆର ଏବଂ ଆଇ ଜି ଆର ଙ୍କୁ ଲିଖିତ ଅଭିଯୋଗ କରିଥିଲେ । ସର୍ବେସର୍ବା ମିଶ୍ର ବାବୁ ତାଙ୍କ କରିତକର୍ମା କର୍ମ ଲୁଚାଇବାପାଇଁ ଓକିଲ ଙ୍କୁ ଫୋନରେ କାକୁତି ମିନତି ହୋଇଥିବା ଅଡିଓ ଭାଇରାଲ ହୋଇଥିଲା ।  ଯଦି ବୁଦ୍ଧିଜୀବୀ ମାନଙ୍କ ସହ ଏପରି ବ୍ୟବହାର କରିଛନ୍ତି ତେବେ ସାଧାରଣ ଜନତା ଙ୍କୁ କଣ କରୁ ନ ଥିବେ । ଏଭଳି ଅସାଧୁ ଅସ୍ଥାୟୀ କର୍ମଚାରୀ ମାନଙ୍କୁ ତାଙ୍କ କାର୍ଯ ରୁ ବହିଷ୍କାର କରିବା ପରିବର୍ତ୍ତେ କାର୍ଯ୍ୟାଳୟର ମୁଖ୍ୟ ସ୍ଥାନରେ ଅବସ୍ଥାପିତ କରିବା କେତେଦୂର ସମିଚୀନ । ଡି ଆର ଏବଂ ଡି ଏସ ଆର  ଆଇନଜୀବୀ କରିଥିବା ଅଭିଯୋଗକୁ ତର୍ଜମା କରି ଦୋଷୀ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କଲେ ଅସାଧୁ କର୍ମଚାରୀ ମାନଙ୍କୁ ଏକ ସବକ ମିଳିବ ।