06-Dec-2021

ବଲାଙ୍ଗିର,(ପ୍ରେରଣା ଖବର)- ସହରର ବରିଷ୍ଠ ଆଇନଜୀବୀ, ପୁର୍ବତନ ପୌରାଧିକାରୀ ତଥା ବଲାଙ୍ଗିର କ୍ରୀଡାସଂସଦର ଉପସଭାପତି କୃଷ୍ଣଚନ୍ଦ୍ର ମିଶ୍ରଙ୍କ ପିତୃ ବିୟୋଗ ଘଟିଛି । ପିତା ସର୍ବେଶ୍ୱର ମିଶ୍ର ବିଗତ କିଛି ଦିନ ହେବ ବାର୍ଦ୍ଧକ୍ୟ ଜନିତ ଅସୁସ୍ଥତା ଭୋଗୁଥିବାବେଳେ ରବିବାର ରାତି ୧୦.୩୦ ସମୟରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ସମୟରେ ତାଙ୍କୁ ୯୭ ବର୍ଷହେଉଥିଲା । ସ୍ୱର୍ଗତ ସର୍ବେଶ୍ୱର ସିଭିଲ କୋର୍ଟରେ ପେଶାଦାର ଭାବେ କାମ କରି, ୧୯୮୩ ମସିହାରେ ଅବସର ଗ୍ରହଣ କରିଥିଲେ । ପରେ ପରେ ସେ ଆଜୀବନ ଧର୍ମକର୍ମରେ ଲିପ୍ତ ରହିଥିଲେ । ୨୦୧୫ ମହସିହା ମାର୍ଚ୍ଚ ୧୫ ରେ ଏକ କୋଟିବାର ରାମ ଲେଖି ନାମ ଯଜ୍ଞ କରିବା ଭଳିଆ ବିରଳ କୃତିତ୍ୱ ମଧ୍ୟ ସେ ଅର୍ଜନ କରି ପାରିଥିଲେ । ତାଙ୍କର ଅନ୍ତିମ କ୍ଷଣରେ ସ୍ତ୍ରୀ କିଶୋରୀ, ଭାଇ ଯଜ୍ଞଶଙ୍କର, ଯୋଗୀକର, ଭଗବାନ, ପୁତୁରା ବାବୁଲା, ଭଉଁଣି ଜ୍ୱାଇଁ ଶ୍ରୀକର ମିଶ୍ର, ପୁତ୍ର କୃଷ୍ଣଚନ୍ଦ୍ର, ମୋହିନୀ, ଉଭୟ ପୁତ୍ରବଧୁ, ଝିଅ ଶୋଭାଗିନୀ, ବିଲାସିନୀ, ବିନ୍ଧ୍ର ବାସିନି, ଜ୍ୱାଇଁ ସୁରେନ୍ଦ୍ର ପୁରୋହିତ, ଗୋପବନ୍ଧୁ ମିଶ୍ର,  ଜାତୀନ୍ଦ୍ର ପାଠୀ, ନାତି ସନ୍ଦୀପ, ସୁମୀତ, ସୌମିକ, ଅବିନାଶ, ବୁଲୁ ବାବୁ, ନାତୁଣୀ ଦୀପା ଓ ସୋମି ଉପସ୍ଥିତ ଥିଲେ । ଆଜି ସକାଳୁ ସ୍ଥାନୀୟ ବିଭୁତି ପଡା ସ୍ୱର୍ଗଦ୍ୱାରରେ ତାଙ୍କର ଅନ୍ତିମ କ୍ରିୟା କରାଯାଇଥିଲା । ବଡ ପୁଅ କୃଷ୍ଣଚନ୍ଦ୍ର ମୁଖାଗ୍ନି ଦେଇଥିବା ବେଳେ ପରିବାର ଓ ବନ୍ଧୁବର୍ଗଙ୍କ ସମେତ ସହରର ଅନେକ ଗଣ୍ୟମାନ୍ୟ ବ୍ୟକ୍ତି ଶେଷ ଦର୍ଶନ କରିଥିଲେ ।