06-Dec-2021

ବରଗଡ ଜିଲ୍ଲା ଅତାବିରା ବ୍ଲକ ଲରମ୍ଭା ମହାବିଦ୍ୟାଳୟ ଖେଳପଡିଆ ଠାରେ ସଂବଲପୁର ବିଶ୍ବବିଦ୍ୟାଳୟ ପକ୍ଷରୁ ଆନ୍ତହ ମହାବିଦ୍ୟାଳୟ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି। ଏହା କୁ ଲରମ୍ଭା ମହାବିଦ୍ୟାଳୟ ର ଅଧ୍ୟକ୍ଷ ଡଃ ପ୍ରମୋଦ କୁମାର ଭୋଇ ଉଦଘାଟନ କରିଥିବାବେଳେ ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ପୂର୍ବତନ ଲୋକସଭା ସଦସ୍ୟ ପ୍ରଭାସ କୁମାର ସିଂ ଯୋଗ ଦେଇ ଖେଳାଳି ମାନଙ୍କୁ ଉତ୍ସାହିତ କରିଥିଲେ। ସମ୍ମାନୀତ ଅତିଥି ଭାବେ ଅବସରପ୍ରାପ୍ତ ଅଧ୍ୟାପକ   ରମଣୀ ରଞ୍ଜନ ସାହୁ, ପରିଚାଳନା କମିଟୀ ର ସଭାପତି ରବିନାରାୟଣ ପଣ୍ଡା ଓ ମହାବିଦ୍ୟାଳୟ ର ପରିଚାଳନା ସଂପାଦକ ସରୋଜ କୁମାର ନାୟକ କଂ  ତତ୍ବାବଧାନରେ ଖେଳ ଅନୁଷ୍ଠିତ ହୋଇଥିଲା। ଫାଇନାଲ ମ୍ୟାଚରେ ଝାଡେଶ୍ବରୀ ମହାବିଦ୍ୟାଳୟ ଓ ତୋରା ମହାବିଦ୍ୟାଳୟ ମଧ୍ୟ ରେ ଅନୁଷ୍ଠିତ ହୋଇଥିଲା, ଏଥିରେ ଝାଡେଶ୍ବରୀ ମହାବିଦ୍ୟାଳୟ ୨/୦ ଗୋଲ ରେ ବିଜେତା ହୋଇଥିଲେ ଓ ଉପବିଜେତା ତୋରା ମହାବିଦ୍ୟାଳୟ ହୋଇଥିଲେ ଓ ପୁରସ୍କୃତ ହୋଇଥିଲେ। ଖେଳ ପରିଚାଳନାରେ ସହଯୋଗ କରିଥିଲେ ସୁରେଶ ଦାସ, ଶୁଭମ ପାତ୍ର, ଶଶିକାନ୍ତ ଦାସିଆ, ଲିଙ୍ଗରାଜ ପ୍ରଧାନ, ପ୍ରଶାନ୍ତ କୁମାର ବେହେରା, ନିରଞ୍ଜନ ମହାକୁଡ଼, ପଞ୍ଚାନନ ପାତ୍ର। ଉଦଯାପନୀ ଉତ୍ସବରେ ନିମନ୍ତ୍ରିତ ଅତିଥି ଭାବେ ଅଶ୍ଵିନି କୁମାର ପ୍ରଧାନ, ଅବସର ପ୍ରାପ୍ତ ପ୍ରଧାନ ଶିକ୍ଷକ ବିନୟ କୁମାର ନାୟକ, ଚିତ୍ତ ରଞ୍ଜନ ଛନ୍ଦ ଯୋଗ ଦେଇଥିଲେ। ଏଥିରେ ମହାବିଦ୍ୟାଳୟ ର ଡଃ ଅମୃତା ସାମନ୍ତ, ପବିତ୍ର ମହାରଣା, ପ୍ରମୋଦ ସେଠ୍, ମନୋରଞ୍ଜନ ତ୍ରିପାଠୀ, କିଶୋର ଚନ୍ଦ୍ର ହୋତା, ଅନ୍ତର୍ଯ୍ୟାମୀ ବେହେରା, ସୁଶୀଲ କୁମାର ମହାକୁଡ, ଲିଙ୍ଗରାଜ ପୋଢ, ସମେତ ଛାତ୍ରଛାତ୍ରୀ ଓ କର୍ମଚାରୀ ମାନେ ଯୋଗଦାନ କରି ସହଯୋଗ କରିଥିଲେ।