04-Dec-2021

ବରଗଡ଼ ଜିଲ୍ଲାର ସୀମାନ୍ତ ଜିଲ୍ଲା ନୂଆପଡ଼ା ଜିଲ୍ଲାରୁ ଆସୁଥିବା ଦୁଇଟି ଧାନ ବୋଝାଇ ଗାଡ଼ିକୁ ବରଗଡ଼ ଜିଲ୍ଲା ଯୋଗାଣ ବିଭାଗ ଜବତ୍ କରିଛି।ସୂଚନା ଯୋଗ୍ୟ ଯେ - ବରଗଡ଼ ଜିଲ୍ଲାର ସୀମାନ୍ତ ଅଞ୍ଚଳରେ ମଣ୍ଡୋସିଲ,ଛିଣ୍ଡେକେଲା ଓ ବରତୁଣ୍ଡା  ଧାନ ମଣ୍ଡି ରହିଛି।ଏହି ମଣ୍ଡିକୁ ଅଂଚଳର ଚାଷୀ ମାନେ ଧାନ ବିକ୍ରୀ କରିଥାଆନ୍ତି।କିନ୍ତୁ କେତେକ ଲାଭଖୋର ବ୍ୟବସାୟୀମାନେ ବାହାର ଅଞ୍ଚଳରୁ ଧାନ ଆଣି ଏହି ବରଗଡ଼ ଜିଲ୍ଲାର ମଣ୍ଡି ମାନଙ୍କରେ ଧାନ ବିକ୍ରୀ କରି କଳା ବ୍ୟବସାୟ କରୁଥିବା ଅଭିଯୋଗ ହୋଇଆସୁଥିଲା। ଯାହାକି ବରଗଡ଼ ଜିଲ୍ଲା ଯୋଗାଣ ବିଭାଗରେ ତତ୍ପରତା ପ୍ରକାଶ ପାଇଥିଲା।ଆଜି ବରଗଡ଼ ଜିଲ୍ଳା ମୁଖ୍ୟ ଯୋଗାଣ ଅଧିକାରୀ ରଜନୀକାନ୍ତ ଦାସଙ୍କ ନିର୍ଦ୍ଦେଶକ୍ରମେ ପଦ୍ମପୁର ସହକାରୀ ଯୋଗାଣ ଅଧିକାରୀ ସନ୍ତୋଷ କୁମାର ପ୍ରଧାନ ଙ୍କ ତତ୍ତ୍ଵାବଧାନରେ ପାଇକମାଳ ବ୍ଲକ ଯୋଗାଣ ଅଧିକାରୀ ପ୍ରମୋଦ କୁମାର ପଣ୍ଡା ଓ ଝାରବନ୍ଧ ବ୍ଲକ

ଯୋଗାଣ ଅଧିକାରୀ ରଶ୍ମୀରଞ୍ଜନ ଘଡେ଼ଇ ରାତ୍ର ପେଟ୍ରୋଲିଙ୍ଗ କରିବା ସମୟରେ ପ୍ରାତଃ ପ୍ରାୟ୬:୩୦ସମୟରେ ଦୁଇଗୋଟି ଧାନ ବୋଝେଇ ଗାଡ଼ିକୁ ଅଟକାଇ ଥିଲେ।ସେହି ଗାଡ଼ିରେ ଥିବା ସବୁଧାନ ନୂଆପଡ଼ା ଜିଲ୍ଲାରୁ ଆସୁଥିବା ଓ ଧାନ ସମ୍ବଦୀୟ କୌଣସି କାଗଜ ପତ୍ର ନ ଥିବାରୁ ଗାଡ଼ି ଦୁଇଟିକୁ ଜବତ କରାଯାଇଥିଲା।ଏହି ଧାନ ବୋଝେଇ ଗାଡ଼ି ନମ୍ୱର୍ C.G.04 J A 2010(709) ଗାଡ଼ିରେ 160 ବ୍ୟାଗ୍ ଅର୍ଥାତ୍ Q55.90kg ନୂଆପଡ଼ା ଜିଲ୍ଲାର କୁରୁମପୁରୀ ଗ୍ରାମର ରାଜେଶ୍ ୟାଦବ ଙ୍କ ଠାରୁ ମଣ୍ଡୋସିଲ ଗ୍ରାମର ତାପସ ସାହୁ ଘରକୁ ଆସୁଥିବା ବେଳେ ଗାଡ଼ି ନମ୍ୱର୍  OD 17 Q 8867(pick up)ରେ 60 ବ୍ୟାଗ୍ ଅର୍ଥାତ୍ Q23.49Kg ନୂଆପଡ଼ା ଜିଲ୍ଲାର ମହୁଲଭଟା ଗ୍ରାମର ରମେଶ ସେଠ୍ ଙ୍କ ଘରୁ ଜାମସେଠ ଗ୍ରାମର ନାରାୟଣ ପ୍ରଧାନ ଘରକୁ ଆସୁଥିବା ସୂଚନା ମିଳିଛି।ବାହାର ଜିଲ୍ଲାରୁ ବରଗଡ଼ ଜିଲ୍ଲାର ମଣ୍ଡି ମାନଙ୍କୁ ଧାନ ଆସି ପ୍ରବେଶ କରୁଥିବା ଓ ତତ୍ ଜନିତ ଉପୁଜୁଥିବା ସମସ୍ୟାକୁ ରୋକିବା ପାଇଁ ଜିଲ୍ଲା ପ୍ରଶାସନର ଏଭଳି ପ୍ରାୟାସକୁ ଜନସାଧାରଣରେ ପ୍ରଶଂସା କରାଯାଇଛି।