04-Dec-2021

ସାଲେପୁର:ଆଜି ସାଲେପୁର ବ୍ଲକ୍ ଅନ୍ତର୍ଗତ କଟରପା ପଞ୍ଚାୟତ ର ଜପକୁଦ ବଜାରରେ ଘଟିଯାଇଛି ଛାତିଥରା ଦୃଶ୍ୟ ।ଜଣେ ମଦ୍ୟପ ଡ୍ରାଇଭର ଗୋଟେ ଟ୍ରାକ୍ଟର ଚଳାଇ ଘଟାଇଛି ଅମାନବୀୟ ଘଟଣା ।ଜପକୁଦ ବଜାର ର ମୁଖ୍ୟ ଛକ ଓ ଜପକୁଦ ଫାଣ୍ଡି ପାଖରୁ କେବଳ ୧୦୦ ମିଟର ଦୂରରେ ମଦ୍ୟପ ଡ୍ରାଇଭର ୪ଟି ଦୁଇଚକିଆ ଯାନ ଓ ଗୋଟିଏ ସାଇକେଲ ଓ ଦୋକାନ ଘରକୁ ଗାଡି ଚଢାଇ ନଷ୍ଟ ଭ୍ରଷ୍ଟ କରିଦେଇଛି ।ଆଜି ବରଷା ହେଉଥିବାରୁ ଲୋକେ ଆଶ୍ରୟ ନେବାକୁ ଗାଡି ରଖି ଦୋକାନ ରେ ଛିଡା ହୋଇଥିଲେ ଏହି ସମୟରେ ମଦ୍ୟପ ଡ୍ରାଇଭର ଟି ଅଚାନକ ଗାଡି ଆଣି ୪ଟି ବାଇକ ଓ ଗୋଟେ ସାଇକେଲ ଉପରେ ଚଢାଇ ଦେଇଥିଲା ଓ ପରେ ଗାଡିଟିକୁ

ନେଇ ଫେରାର ହୋଇଯାଉଥିଲା ବେଳେ ଲୋକେ ମାଡିବସି ଉତ୍ତମ ମଧ୍ୟମ ଦେଇ ପୋଲିସର ଜିମା ଦେଇଥିଲେ ।ବାରମ୍ବାର ଏହି ଜପକୁଦ ଅଞ୍ଚଳରେ ମଦ ବିକ୍ରି ଓ ମଦୁଆଙ୍କ ପାଦ୍ରୁଭାବ ବଢୁଥିଲା ବେଳେ ପୋଲିସ ଏଠାରେ ନିରବଦ୍ରଷ୍ଟା ସାଜି ରହୁଛି ।ପୋଲିସ ଫାଣ୍ଡି ଠାରୁ ମାତ୍ର ୧୦୦ ମିଟର ଦୂରରେ ଏଭଳି ଘଟଣା ଘଟିଯାଇଛି ମଦ୍ୟପ ଡ୍ରାଇଭର ଓ ଗାଡିକୁ ପୋଲିସ ଜବତ କରି  ଫାଣ୍ଡିରେ ରଖିଛି ମଦ ବିକ୍ରି ଓ ମଦୁଆଙ୍କୁ ସାବାଡ କରିବାରେ ଏଠାକାର ପୋଲିସ ବାରମ୍ବାର ବିଫଳ ହେଉଛି ।ପୋଲିସ ର କାଯ୍ୟଦକ୍ଷତା ଉପରେ ଏବେ ଲୋକେ ପ୍ରଶ୍ନ ଉଠାଇଲେଣି ଯାହା ହେଉ ଏହି ଘଟଣାରେ କୈାଣସି ଲୋକଙ୍କର ଜୀବନ ହାନି ହୋଇନାହିଁ ସୂଚନା ମୁତାବକ ବର୍ତମାନ ପଯ୍ୟନ୍ତ ଟ୍ରାକ୍ଟର ର ମାଲିକ ର ପତା ମିଳିନାହିଁ ।