04-Dec-2021

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ଆଗଲପୁର (ଡୁଡୁକା) ବ୍ଲକ ଜିଓଟେଗ ସଂଘ ତରଫରୁ ବିଭିନ୍ନ ସମସ୍ୟାକୁ ନେଇ ଆଗଲପୁର ବିଡ଼ିଓଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି l ଜିଓଟେଗଙ୍କ କହିବା ଅନୁଯାୟୀ ପଂଚାୟତିରାଜ ଓ ପାନୀୟ ଜଳ ବିଭାଗର ଚିଠି ନମ୍ବର 11927/dt. 5.7.2017 ଅନୁଯାୟୀ  ନିୟୋଜିତ ଅଛନ୍ତି l ବିଗତ 5 ବର୍ଷଧରି ଗ୍ରାମୀଣ ବାସଗୃହ ଯୋଜନା ଅନ୍ତର୍ଗତ PMAY(G), BPGY, IAY, NSPGY ଯୋଜନାରେ କାର୍ଯ୍ୟ କରୁଛନ୍ତି l ହିତାଧିକାରୀଙ୍କ ଠାରୁ କାଗଜପତ୍ର ସଂଗ୍ରହ କରିବା ସହ ସେମାନଙ୍କ ଅନଲାଇନ ରେଜିଷ୍ଟ୍ରସନ କରିବା, ଆବାସ ଆପରେ ଜିଓଟେଗିଙ୍ଗ କରିବା, ବାସଗୃହ ସମ୍ପୂର୍ଣ କରିବାରେ ହିତାଧିକାରୀଙ୍କୁ ସହଯୋଗ କରିବା l ଆମଘର ଆପରେ ସମ୍ପୂର୍ଣ,ଅସମ୍ପୂର୍ଣ ଘର ଗୁଡିକ ଜିଓଟେଗିଙ୍ଗ କରିବା, ପଂଚାୟତର ସମସ୍ତ ପ୍ରକାର ଅନଲାଇନ ଡାଟାଏଣ୍ଟ୍ରି କାମକରି ପିଇଓଙ୍କୁ ସମ୍ପୂର୍ଣ ସହାୟତା କରିବା l ଏହାଛଡା କୋଭିଡ-19 ମହାମାରୀ ସମୟରେ ଟିଏମସି ମାନଙ୍କରେ ନିୟୋଜିତ ରହି ସମସ୍ତ ପ୍ରକାର କାର୍ଯ୍ୟ କରିବା ସହ ଘର ଘର ବୁଲି ସରକାରଙ୍କ ସାମାଜିକ  ସୁରକ୍ଷା ଯୋଜନାରେ ଭତ୍ତା, ରାସନ ବଣ୍ଟନ କରିବାରେ ସମ୍ପୂର୍ଣ ସହଯୋଗ l ବର୍ତମାନ ସରକାରଙ୍କ ବିଭିନ୍ନ  ଜନ କଲ୍ୟାଣକାରି ସଫଳ ରୂପାୟନ ପାଇଁ କାର୍ଯ୍ୟରେ ଜଡିତ ହେବା ଇତ୍ୟାଦି ଅନେକ ଗୁଡିଏ କାର୍ଯ୍ୟ l କିନ୍ତୁ ଦୁଃଖର ବିଷୟ ଏହା ଯେ ଏତେସବୁ କାର୍ଯ୍ୟକରି ମଧ୍ୟ ସରକାର ଜିଓଟେଗଙ୍କ ପ୍ରତି ଉଦାସୀନ ମନୋଭାବ, ଆବାସ ଆପରେ ମାତ୍ର 50 ଟଙ୍କା ଜିଓଟେଙ୍କୁ ଦିଆଯାଉଛି l ଏଣୁ ଜିଓଟେଗ ସଂଘର ସରକାରଙ୍କ ଠାରେ ମୁଖ୍ୟଦାବୀ ଏହା ଯେ ମାସିକ ମାନଦେୟ ସହିତ କାର୍ଯ୍ୟ ଚିଠା ପ୍ରଦାନ କରାଯାଉ l ପଂଚାୟତି ସ୍ତରରେ ଜିଓଟେଗଙ୍କୁ ଡାଟାଏଣ୍ଟ୍ରି ପଦବୀ ସହ ଏକାଉଣ୍ଟାଣ୍ଟ ପଦବୀରେ ନିଯୁକ୍ତି କରାଯାଉ l ମାସିକ ମୋବିଲିଟି ସପୋର୍ଟ ଦିଆଯାଉ l ଟେଗ ଅଫିସର ବୋନସ ପ୍ରଦାନ କରାଯାଉ l ଦାବିପତ୍ର ପ୍ରଦାନ ସମୟରେ ଜିଓଟେଗ ସଭାପତି ଆଶିଷ ବିଶି,  ସମ୍ପାଦକ ଭରତ କୁମାର ସାହୁ, ସହ ସମ୍ପାଦକ ସଦାନନ୍ଦ ମହୀସାଲ, କୋଷାଧ୍ୟକ୍ଷ ଅଶ୍ୱିନୀ ବିଶ୍ୱାଳ, ଦୁଷ୍ମନ୍ତ ପଧାନ, ସତ୍ୟବ୍ରତ ବନଛୋର, ଦେବାଶିଷ ପୁରୋହିତ ପ୍ରମୁଖ ଉପସ୍ଥିତ ରହି ଦାବୀ ପ୍ରଦାନ ବେଳେ ସହଯୋଗ କରିଥିଲେ l