04-Dec-2021

ପାଟଣାଗଡ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଳକ ଫଟାମୁଣ୍ଡା ପଞ୍ଚାୟତ ପାଣ୍ଡେସରା ଗ୍ରାମ ର ସୁନାମଧନ୍ୟ ଅବସରପ୍ରାପ୍ତ ବିଶିଷ୍ଟ ଶିକ୍ଷକ ବାବାଜୀ ଦାସ( ୭୮) ବୟସରେ  ଆଜି ତାଙ୍କ ବାସଭବନରେ ପରଲୋକ ହୋଇଯାଇଛି । ସେ ଦୀର୍ଘ ଦିନ ଧରି ଅସୁସ୍ଥ ଥିଲେ ।  ସେ ଜଣେ ଶାନ୍ତ ଶିଷ୍ଟ ମେଳାପୀ ଧର୍ମ ଶାସ୍ତ୍ରରେ ତାଙ୍କର ଗଭୀର ପାଣ୍ଡିତ୍ୟ ଥିଲା । ଅଞ୍ଚଳରେ ସ୍ଵର୍ଗତ ଦାସ ଜଣେ  ସୁଗଠକ , ବାଗ୍ମୀ ଆଧ୍ୟାତ୍ମିକ ପ୍ରବକ୍ତା, କୋଶଳ ଆନ୍ଦୋଳନ ପରୋଧା, ଚାଷୀ ନେତା , ସମାଜସେବୀ ଭାବେ ବେଶ ଜଣାଶୁଣା ଥିଲେ । ସେ ଅନେକ ଅନୁଷ୍ଠାନ ରେ ଜଡିତ ଥିଲେ । ତାଙ୍କର ଶିକ୍ଷକତା ଜୀବନ ରେ ତାଙ୍କ ଠୁଁ  ଶିକ୍ଷାଲାଭ କରିଥିବା ଅନେକ ଛାତ୍ରଛାତ୍ରୀ ବହୁ ଉଚ୍ଚ ପଦପଦବୀରେ ନିଯୁକ୍ତି ପାଇଛନ୍ତି ବୋଲି ଅଞ୍ଚଳ ବାସୀ ପ୍ରକାଶ କରିଛନ୍ତି । କିଛି ବର୍ଷ ପୂର୍ବରୁ ତାଙ୍କ ର ଧର୍ମପତ୍ନୀଙ୍କ ଦେହାନ୍ତ ହେଇଯାଇଥିଲା । ତାଙ୍କର ପଛରେ ଦୁଇ ପୁଅ ବଡ଼ ପୁଅ ଜନଜୀବନ ଦାସ ଓ ପ୍ରିୟ ରଞ୍ଜନ ଦାସ , ବୋହୂ ନାତି ନାତୁଣୀ ଙ୍କୁ ଛାଡି ଚାଲିଯାଇଛନ୍ତି । ତାଙ୍କର  ପରଲୋକ ହୋଇଥିଲା ଖବର ପାଇ  ଅଞ୍ଚଳର ବିଶିଷ୍ଟ ବ୍ୟକ୍ତି ବିଶେଷ ତାଙ୍କ ବାସଭବନକୁ ଯାଇ ଶେଷ ଦର୍ଶନ କରିଥିଲେ । ତାଙ୍କର ପରଲୋକରେ ଗ୍ରାମ ତଥା ଅଞ୍ଚଳରେ  ଛାତ୍ରଛାତ୍ରୀ ବୁଦ୍ଧୀଜିବୀ , କୋଶଳ ପ୍ରେମୀଙ୍କ ମଧ୍ୟରେ ଶୋକର ଛାୟା ଖେଳିଯାଇଛି । ନିଜ ଗ୍ରାମର ଶ୍ମଶାନରେ ସତ୍କାର କରାଯାଇଥିବା ବେଳେ  ତାଙ୍କର ବଡ଼ ପୁଅ ଜଗଜୀବନ ମୂଖାଗ୍ନି ଦେଇଥିଲେ । ସ୍ବର୍ଗତ ଦାସଙ୍କ ପରଲୋକରେ ଚାଷୀ ନେତା ସମାଜସେବୀ ସୈ।କିଲାଲା ସାହୁ ଗଭୀର ଶୋକ ପ୍ରକାଶ କରିବା ସହ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି ।