03-Dec-2021

ସାଲେପୁର: ଜମିବାଡ଼ି ବିବାଦକୁ କେନ୍ଦ୍ରକରି ବୃଦ୍ଧାମହିଳାଙ୍କୁ ପଡ଼ୋଶୀଙ୍କ ଆକ୍ରମଣ। ବୃଦ୍ଧା ମହିଳା ଜଣଙ୍କ ଗୁରୁତର।ଥାନାରେ ଅଭିଯୋଗ।ଏଭଳି ଘଟଣା ଘଟିଛି କଟକ ଜିଲ୍ଲା ଜଗତପୁର ଥାନା ପାଗା ଫାଣ୍ଡି ସିଂହମାପୁର ଗ୍ରାମରେ। ଗୁରୁତର ବୃଦ୍ଧାମହିଳା ଜଣଙ୍କ ହେଲେ ଉର୍ମିଳା ନାଥ। ପଡ଼ୋଶୀ ଧ୍ରୁବ ନାଥଙ୍କ ପୁଅ ବିଚିତ୍ରା ନାଥ ଝିଅ ଲକ୍ଷ୍ମୀପ୍ରିୟା ନାଥ, ସରସ୍ୱତୀ ନାଥ କଟୁରି ଲୁହା ରଡ଼ ,କାଚ ବୋତଲ ସାହାର୍ଯ୍ୟରେ ଆକ୍ରମଣ କରିଥିଲେ। ଆକ୍ରମଣରେ ବୃଦ୍ଧା ଉର୍ମିଳାଙ୍କ ହାତରେ ଶକ୍ତ ଚୋଟ ସହୂ ଶରୀର ବିଭିନ୍ନ ସ୍ଥାନରେ ଆଘାତ ଲାଗିବାରୁ ତାଙ୍କୁ ଗାଁ ଲୋକେ ଉଦ୍ଧାରକରି ପ୍ରଥମେ ସାଲେପୁର ମେଡିକାଲକୁ

ନେଇଥିଲେ ପରେ ଅବସ୍ଥା ଗୁରୁତର ହେବାରୁ ତାଙ୍କୁ କଟକ ସ୍ଥାନତର କରିଥିଲେ। ଏବେ ଗୁରୁତର ଅବସ୍ଥାରେ ବୃଦ୍ଧା ଉର୍ମିଳା ନାଥ ଘରେ ଚିକିତ୍ସାଧୀନ ଅଛନ୍ତି। ମା କୁ ପଡ଼ୋଶୀଙ୍କ ଆକ୍ରମଣରୁ ଅଟକାଇବା ସମୟରେ ଦୁଇ ଝିଅ ମଧ୍ୟ  ଆକ୍ରମଣର ଶିକାର ହୋଇଥିଲେ। ଏନେଇ ବୃଦ୍ଧା ଉର୍ମିଳା ନାଥ ପାଗା ଫାଣ୍ଡି ଓ ଜଗତପୁର ଥାନାରେ ଅଭିଯୋଗ କରିଥିଲେ ମଧ୍ୟ ପୋଲିସ କେବଳ ଗୋଟେ କେଶ କରିଦେଇ ଚୁପ ମାରି ବସିପଡିଛି। ଘଟଣାକୁ ୭ଦିନ ବିତିଗଲା ପରେଭି ପୋଲିସ ର କର୍ଯ୍ୟାନୁଷ୍ଠାନ କୁ ନେଇ ପିଡିତା ପରିବାର ଏବେ ସୁରକ୍ଷା ଚିନ୍ତାରେ।ପାଗ ଫାଣ୍ଡି ଅଧିକାରୀ କାର୍ଯ୍ୟକୁ ନେଇ ପ୍ରଶ୍ନ ଉଠାଛି ପିଡିତ ପରିବାର। ଏପଟେ ପଡ଼ୋଶୀ ମଧ୍ୟ ପାଲଟା ଅଭିଯୋଗ କରିଥିବାର ପାଗା ଫାଣ୍ଡି ଅଧିକାରୀ ସୂଚନା ଦେଇଛନ୍ତି।