30-Nov-2021

ବରଗଡ଼(ନିରଞ୍ଜନ ତ୍ରିପାଠୀ) : ଆସନ୍ତା ଡିସେମ୍ବର ୩୧ ସହିଦ୍ ଦିବସ ଅବସର ରେ ରାଜ୍ ମିଡ଼ିଆ ପରିବାର ପକ୍ଷରୁ ହେବାକୁ ଥିବା ସ୍ୱେଚ୍ଛାକୃତ ରକ୍ତଦାନ ଶିବିର ପାଇଁ ଓଡ଼ିଶା ର ତଥା ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ଚକୁଳି ପଞ୍ଚାୟତ ୫୩ନଂ ଜାତୀୟ ରାଜପଥ ସମ୍ବଲପୁର - ବରଗଡ଼ ୱେ କଡ଼ରେ ଥିବା ଅଷ୍ଟଶମ୍ଭୁ ବିଶ୍ଵେଶ୍ଵର ବାବା ସରଣ୍ଡା ଙ୍କ ପୀଠ ରେ ରାଜ୍ ମିଡ଼ିଆ ପରିବାର ପଶ୍ଚିମ ଓଡ଼ିଶା ଚିଫ ବ୍ୟୁରୋ ଙ୍କ ଆହ୍ବାନ କ୍ରମେ ବିଦ୍ରୋହୀ କବି ତଥା ଅବସର ପ୍ରାପ୍ତ ଶିକ୍ଷକ କୈଳାଶ ମହାରଣା ଙ୍କ ସଭାପତିତ୍ବ ରେ ସ୍ଥାନୀୟ ଅଞ୍ଚଳବାସି ଙ୍କ ସହଯୋଗ ରେ ପ୍ରାକ୍ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି।ଏହି ଅବସର ରେ ନବୀନ ଦାଶ,ଶଙ୍କର ବାରିକ,ଅମୃତ ବାରିକ,ଦୁର୍ଲ୍ଲଭ ଗଡତିଆ ଯୋଗ ଦେଇ ଶିବିର କୁ ସଫଳ ମଣ୍ଡିତ୍ୟ କରିବା ପାଇଁ ନିଷ୍ପତ୍ତି ନେବା ସହ ଆଗାମୀ ଦିନରେ ଜନ ସମାଜ ପାଇଁ ଅନେକ ଜନ ହିତକର କାର୍ଯ୍ୟ ହାତକୁ ନିଆଯିବ ବୋଲି ନିଜ ନିଜ ବକ୍ତବ୍ୟ ରେ ପ୍ରକାଶ କରିଥିଲେ।ପ୍ରସ୍ତୁତି ବୈଠକ ପାଇଁ ଭରସା ପରିବାର ତଥା ସମାଜ ସେବୀ ନିହାଳ ସିଂ,ସମାଜ ସେବୀ,ଗବେଷକ ତଥା ଅଧ୍ୟାପକ ଅଜିତ କୁମାର ନାଥ,ଶିକ୍ଷକ ମନୋଜ କୁମାର ଭୋଇ, ଅଞ୍ଚଳର ରକ୍ତଦାତା ଭାବରେ ଥିବା ଲୋକେଶ୍ଵର ପ୍ରଧାନ ଓ ବୁର୍ଲା ରକ୍ତ ଭଣ୍ଡାର ଙ୍କ ସହିତ ଯୋଗାଯୋଗ କରି ଅନୁଷ୍ଠିତ ସ୍ୱେଚ୍ଛାକୃତ ରକ୍ତଦାନ ଶିବିର ରେ ଜନ ସଚେତନତା କାର୍ଯ୍ୟକ୍ରମ ସହ ମାଗଣାରେ ବ୍ଲଡ ଗୃପିଂଗ ଟେଷ୍ଟ,ହିମୋଗ୍ଲୋବିନ ଟେଷ୍ଟ କରାଯିବାର ଲୋକଙ୍କ ପାଇଁ ସଚେତନ ର ବାର୍ତ୍ତା ରହିବ ବୋଲି ବୈଠକରେ ନିଷ୍ପତ୍ତି ନିଆଯାଇ ଥିଲା।ରକ୍ତଦାନ ଶିବିର ରେ ସ୍ଵତନ୍ତ୍ର ଭାବରେ ଅଞ୍ଚଳ ରୁ ଯବାନ, କିଶାନ୍,ବିଦ୍ୱାନ ଙ୍କୁ ନିମନ୍ତ୍ରିତ କରାଯାଇ ତିନି ଭବ୍ୟ ଗୁରୁ ପୂଜ୍ୟ ଙ୍କୁ ସମ୍ବର୍ଦ୍ଧିତ କରାଯିବ ବୋଲି ଏକ ପ୍ରସ୍ତାବ ରହିଥିଲା।ପରିଶେଷରେ ଦୁର୍ଲ୍ଲଭ ଗଡତିଆ ଧନ୍ୟବାଦ ଅର୍ପଣ କରିଥିବାବେଳେ ଆଗାମୀ ଡ଼ିସେମ୍ବର ପ୍ରଥମ ରୁ ନିର୍ଦ୍ଧାରିତ ସମୟ ଅନୁଯାୟୀ ଆଉ ଏକ ଗୁରୁତ୍ୱ ପୂର୍ଣ୍ଣ ବୈଠକ ଅନୁଷ୍ଠିତ ହେବାର ସ୍ଥିରୀକୃତ ହୋଇଛି।ଯାହା ଅତିଥି ମାନଙ୍କ ଆତିଥ୍ୟ,ସହଯୋଗ,ସହାନୁଭୂତି,ଭଳ ପାଇବା,ଉପସ୍ଥିତି ଜାହିର କରି ଆଗାମୀ ପୁଣ୍ୟ ଦିବସରେ ହେବାକୁ ଥିବା ସ୍ୱେଚ୍ଛାକୃତ ରକ୍ତଦାନ ଶିବିର କୁ ସହିଦ୍ ପରିବାର ମାନଙ୍କ ପାଇଁ ଉତ୍ସର୍ଗୀକୃତ କରାଯିବ ବୋଲି ବୈଠକରେ ମତ ପ୍ରକାଶ ପାଇଥିଲା।