29-Nov-2021

ବ୍ରହ୍ମପୁର (ଉମା ମହାରଣା) :ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟର ୩୨ତମ ପ୍ରତିଷ୍ଠା ଉତ୍ସବ ୨୮ ନଭେମ୍ବର ଅବସରରେ କ୍ଳବ ପରିସରରେ ପୂର୍ବତନ ସଭାପତି ବୃନ୍ଦ ତଥା ସଭ୍ୟ ମାନଙ୍କ ଉପସ୍ଥିତିରେ ମହାସମାରୋହରେ ପାଳିତ ହୋଇଯାଇଛି ।କ୍ଳବର ସଭାପତି କାମରାଜୁ ମହାରଣା ଙ୍କ ସଭାପତି ତ୍ବରେ ଅନୁଷ୍ଠିତ ଏଇ ଉତ୍ସବରେ ପ୍ରତିଷ୍ଠାତା ସଭାପତି ଭଗବାନ ପାଢୀ ମୁଖ୍ୟ ଅତିଥି ଭାବେ ଯୋଗଦେଇ କ୍ଳବ ଗଠନର ଇତିହାସ ଉପରେ ବକ୍ତବ୍ଯ ରଖିଥିଲେ ଏବଂ ରୋଟାରୀ ଜିଲ୍ଲା-3262 ରେ ରୋଟାରୀ ଇଷ୍ଟ ସବୁ ସମୟରେ ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ବିଷୟ ଗର୍ବର କଥା ଏବଂ ଏହି ଧାରା ବଜାୟ ରଖିବା ପାଇଁପରାମର୍ଶ ଦେଇଥିଲେ ।ଉପସ୍ଥିତ ସମସ୍ତ ପୂର୍ବତନ ସଭାପତି ବୃନ୍ଦ  ନିଜ ନିଜ ସମୟର ଅନୁଭୂତି ସ୍ମରଣ କରି  କ୍ଳବକୁ ଅଧିକ ଶକ୍ତିଶାଳୀ କରିବା ପାଇଁ ପରାମର୍ଶ ଦେଇଥିଲେ ।ପୂର୍ବତନ ସଭାପତି ବୃନ୍ଦ ଗଦାଧର ରାଉଳ, ଅରୁଣ ଚାନ୍ଦ ଦାଶ,ଶଭ୍ରଭାନୁ ଆଚାରୀ,ସ୍ବରାଜ୍ୟ ସାହୁ, ଧନ୍ବନ୍ତରୀ ରାଓ,ବିଜୟ କୁମାର ପରିଡା, ରାଜେଶ୍ବର  ରାଓ, ଗୌରୀ ଶଙ୍କର ପଣ୍ଡା, ଅଜିତ କୁମାର ପୃଷ୍ଟି, ସୁଧାଂଶୁ ଶେଖର ଖଡ୍ଗରାୟ,ରଞ୍ଜିତ କୁମାର ପାତ୍ର ପ୍ରମୁଖ ବକ୍ତବ୍ଯ ରଖିଥିଲେ ଏବଂ ଅନୁଭୂତି ସ୍ମରଣ କରିଥିଲେ ।ଏହି ଉତ୍ସବରେ ଇନରହ୍ବିଲ ଇଷ୍ଟର ସଭାନେତ୍ରୀ ଗାୟତ୍ରୀ ପଟ୍ଟନାୟକ ଓ ସଭ୍ୟାବୃନ୍ଦ, ରୋଟରୀ ଇନ୍ଟରାକ୍ଟ କ୍ଳବ ର ସଭ୍ୟ ମାନେ ଯୋଗଦେଇ ସଂଗୀତ ଆସରକୁ ଉପଭୋଗ କରିଥିଲେ ।ସଭାପତି ମହାରଣା ସମସ୍ତ ପୂର୍ବତନ ସଭାପତି ମାନଙ୍କୁ ଉପହାର ସହ ସମ୍ବର୍ଦ୍ଧିତ କରିଥିଲେ ।ସଂପାଦକ ଜୟନ୍ତ କିଶୋର ପାତ୍ର ଓ କୋଷାଧ୍ୟକ୍ଷ ଦୁର୍ଗା ରାଓ   ଉତ୍ସବ ପରିଚାଳନା କରିଥିଲେ ।