28-Nov-2021

ବିନିକା(ହିମାଂଶୁ ଶେଖର ପୁଟେଲ) ବିନିକା ବ୍ଲକ ଅନ୍ତର୍ଗତ ଫୁଲମୁଠି ବ୍ରଜ ବିହାରୀ ନୃତ୍ୟ କଲା ପରିଷଦ ପକ୍ଷରୁ ଚାଲିଥିବା ଗୋକୁଲାଷ୍ଟମି ଯାତ୍ରାର ଆଜି ଚତୁର୍ଥ ଦିବସରେ ମାନ୍ୟବର ପରିବହନ ମନ୍ତ୍ରୀ ପଦ୍ମନାଭ ବେହେରା କଂସ ଦରବାରରେ ଅତିଥି ଭାବେ ଯୋଗଦେଇ ଉପସ୍ଥିତ ମଥୁରା ନଗରୀ ବାସୀଙ୍କୁ  "ହେ କୃଷ୍ଣ ଦିନ ବାନ୍ଧବ....." ଗୀତ ଗାଇ ସମସ୍ତଙ୍କୁ ମୁଗଧ କରିଥିଲେ ।ଏହି ଅବସରରେ ଗ୍ରାମର ବରିଷ୍ଠ ନାଗରିକ ପ୍ରମୋଦ ଦାଶ,ମାହେଶ୍ୱରୀ କମିଟି ସଭାପତି ଫଗୁ ପାତ୍ର,ଯୁବ ନେତା ବାବୁଲା ପଣ୍ଡା,ଚାଷୀନେତା ଭୀମସେନ ସାହୁ ପ୍ରମୁଖ

ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ । ସ୍ଥାନୀୟ ମାହେଶ୍ୱରୀ ମନ୍ଦିର ପ୍ରାଙ୍ଗଣରେ ମଥୁରା ନଗରୀ ରାଜଦରବ ରାକୁ ମହାରାଜ କଂସ ତାଙ୍କ ସୈନ୍ୟ ସାମନ୍ତଙ୍କ ସହ ଆସିଥିଲେ । କୃଷ୍ଣଙ୍କୁ ମାରିବା ପାଇଁ ପଠାଇଥିବା ପୂତୁନାର ମୃତ୍ୟୁ ଖବର ଶୁଣି ଜର୍ଜରିତ ହୋଇ ପୁଣି କୃଷ୍ଣ ବଳରାମଙ୍କୁ ମାରିବା ପାଇଁ ବକାସୁର ରାକ୍ଷସକୁ ପ୍ରେରଣ ଆଦି ଦୃଶ୍ୟକୁ ହଜାର ହଜାର ଲୋକ ଉପଭୋଗ କରିଥିଲେ ।ସେହିପରି ଅନ୍ୟ ପକ୍ଷରେ ଗୋପପୁର ଆଖ୍ୟା ବହନ କରିଥିବା ମେଲଣ ପଡ଼ିଆରେ କୃଷ୍ଣ ବଳରାମ କଂସ ପ୍ରେରିତ ବକାସୂର 
ସହିତ ଘମାଘୋଟ ଯୁଦ୍ଧ କରି ତାକୁ ନିହତ କରିବା ଦୃଶ୍ୟ ପ୍ରଦର୍ଶିତ ହୋଇଥିଲା ! କମିଟି ସଭାପତି ଆନନ୍ଦ ହୋତାଙ୍କ ପରିଚାଳନାରେ ସମସ୍ତ ସଦସ୍ୟ ସହଯୋଗ କରୁଛନ୍ତି ।