25-Nov-2021

ବଲାଙ୍ଗିର ଜିଲ୍ଲା ଅଧିଷ୍ଠାତ୍ରୀ ଦେବି ମାଁ ପାଟଣେଶ୍ବରୀ ଙ୍କ ମନ୍ଦିର ସମ୍ମୁଖରେ କେଶରୀଆ ହିନ୍ଦୁ ବାହୀନି ରାଜ୍ୟ ସଭାପତି  ସନ୍ତୋଷ ଭୋଳଙ୍କ ନେତୃତ୍ବରେ ଏକ ଧାରଣା ଦେଇଥିଲେ l

  ପ୍ରକାଶ ଥାଉ କି  ଗତ ୧/୧୧/୨୦୨୧ ତାରିଖ ଠାରୁ ଜଣେ ଅଣହିନ୍ଦୁ ତଥା ଜଣେ ଇସ୍କନ ଧର୍ମାବଲମ୍ବୀର ବ୍ୟକ୍ତିବିଶେଷ ବଲାଙ୍ଗୀର ଜିଲ୍ଲା ଅଧିଷ୍ଠାତ୍ରୀ ଦେବୀ ମାଁ ପାଟଣେଶ୍ବରୀଙ୍କ ମନ୍ଦିର ରେ ପୂଜକ ରୂପେ ନିଯୁକ୍ତି ପାଇଛନ୍ତି। ଗତ ୨୧/୧୧/୨୦୨୧ ରବିବାର ଦିନ ସହରର କିଛି ଭକ୍ତ ମନ୍ଦିରଙ୍କୁ ପୂଜା କରିବାକୁ ଯାଇଥିବା ସମୟରେ ଏହା ଜାଣିବାକୁ ପାଇଥିଲେ।ଏବଂ ପୂଜକ ଜଣଙ୍କୁ ଏହି ବାବଦରେ ପଚାରି ବୁଝିଲା ବେଳକୁ ପୂଜକ ଏବଂ ତାଙ୍କ ପରିବାରର ଲୋକେ ଭକ୍ତ ମାନଙ୍କ ସହ ଯୁକ୍ତିତର୍କ କରିଥିଲେ ଏବଂ ସେମାନଙ୍କୁ ଦୁର୍ବ୍ୟବହାର କରିଥିଲେ ।ଜିଲ୍ଲା ପ୍ରଶାସନ ତଥା ଦେବୋତ୍ତର ବିଭାଗ କାହା ସ୍ବାର୍ଥରୁ ଏବଂ କେଉଁ ଦୃଷ୍ଟିକୋଣରୁ ଜଣେ ଈସ୍କନ ଧର୍ମାବଲମ୍ବୀର ବ୍ୟକ୍ତିଙ୍କୁ ମାଁ ଙ୍କ ମନ୍ଦିରରେ ପୂଜକ ରୂପେ ନିଯୁକ୍ତି ଦେଲେ ତାହା ପ୍ରଶ୍ନବାଚୀ ସୃଷ୍ଟି କରୁଛି। ଏମିତିକି ପୁରୀ ମୁକ୍ତିମଣ୍ଡପର ନିୟମ ଅନୁଯାୟୀ ଇସ୍କନ୍ ଧର୍ମାବଲମ୍ବୀର ବ୍ୟକ୍ତି କୌଣସି ହିନ୍ଦୁ ଦେବାଦେବୀଙ୍କ ମନ୍ଦିର ରେ ପୂଜା କରିପାରିବେ ନାହିଁ ଏହି ସବୁ ଘଟଣା ବାବଦରେ  ଜିଲ୍ଲା ପ୍ରଶାସନ ଅବଗତ ଥାଇ ସୁଦ୍ଧା ତାଙ୍କୁ ପୂଜକ ରୂପେ ନିଯୁକ୍ତି ଦେବା ଅତ୍ୟନ୍ତ ନିନ୍ଦନୀୟ ଏବଂ

ଦୁର୍ଭାଗ୍ୟଜନକ।  ପ୍ରକାଶ ଥାଉକି ବିଗତ ୧ ବର୍ଷ ପୂର୍ବରୁ ଏହି ପୂଜକଙ୍କୁ ନିଯୁକ୍ତି ଦିଆ ଯାଇଥିଲା ଏବଂସେହିସମୟରେ ମାଁଙ୍କ ମୂର୍ତ୍ତି ସମ୍ପୂର୍ଣ୍ଣ ରୂପେ ପୋଡ଼ି ଜଳି  ଯାଇଥିଲା। ଦେବୋତ୍ତର ବିଭାଗ ଏହାର ତଦନ୍ତ କରି ଉକ୍ତ ପୂଜକଙ୍କୁ ଦୋଷୀ ସାବ୍ୟସ୍ତ କରି ବହିଷ୍କାର କରିଥିଲା। ତାଙ୍କ ବିରୁଦ୍ଧରେ ବହୁତ୍ ଗୁଡାଏ ଅଭିଯୋଗ ଯେପରି କି ବେଶଭୂଷା, ପୋଷାକ ପରିଧାନ,ପୂଜା ଶୈଳୀ, ଆଚାର ବ୍ୟବହାରରୁ ଜଣାପଡେ ଯେ ସେ କୌଣସି ମତେ ଜଣେ ଦେବୀ ପୂଜକ ନୁହନ୍ତି। ଏମିତିକି ଦେବୀ ଙ୍କ ପାଖରେ ଭୋଗ ଲାଗି ସମୟ ରେ ପିତ୍ତଳ ଥାଳି ପରିବର୍ତ୍ତେ ଇସ୍କନ ଧର୍ମାନୁଯାୟୀ ଷ୍ଟିଲ ଥାଳି ରେ ଭୋଗ ଲଗାନ୍ତି। ଏହି ସବୁ ଘଟଣା ଦେବୋତ୍ତର ବିଭାଗ ର ଜ୍ଞାତ ରେ ଥାଇ ସୁଦ୍ଧା ତାଙ୍କର ନିଯୁକ୍ତି ଅତ୍ୟନ୍ତ ଦୁର୍ଭାଗ୍ୟଜନକ।ଏହା ହିନ୍ଦୁ ଧର୍ମ ପ୍ରତି କୁଠାରଘାତ ଏବଂ ବଲାଙ୍ଗିର ଜିଲ୍ଲାର ପ୍ରତ୍ୟେକ ହିନ୍ଦୁପରିବାରର ଭାବନାସହ ଖେଳିବା ଅନୁଚିତ୍। ବର୍ତ୍ତମାନ ଶୁଣିବାକୁ ମିଳୁଛି ଯେ ଦେବୋତ୍ତର ବିଭାଗ ନିଜର ଅନିଚ୍ଛା ସତ୍ତ୍ବେ ଦେବୋତ୍ତର ବିଭାଗର ଅତିରିକ୍ତ କମିଶନରଙ୍କ ବାଧ୍ୟବାଧକତାରେ ନିଯୁକ୍ତି ଦେଇଛନ୍ତି । ଏହା ସହ ଉକ୍ତ ପୂଜକ ଜଣେ ଛଦ୍ମନାମୀ କାରଣ ସେ  ଗୋଟିଏ ନମ୍ବର ରେ  ନିଜ ନାମ ଓ ନିଜ ପିତାଙ୍କ ନାମକୁ ବାରମ୍ବାର ବଦଳାଇ ୩ଟି ଲେଖାଏଁ  ଆଧାର କାର୍ଡ, ପାନ କାର୍ଡ  ଓ  ଭୋଟରକାର୍ଡ ତିଆରି କରିଛନ୍ତି। ପୂର୍ବରୁ ଏହି  ଘଟଣା ସମ୍ବନ୍ଧରେ କେଶରୀଆ ହିନ୍ଦୁ ବାହୀନି ,ବଲାଙ୍ଗିର  ଜିଲ୍ଲା ତରଫରୁ  ବଲାଙ୍ଗୀର ଟାଉନ ଥାନାରେ ଏକ ମାମଲା ରୁଜୁ କରାଯଇଛି ।ଏଣୁ ଏହି ଘଟଣାକୁ ସମ୍ପୂର୍ଣ୍ଣ ରୂପେ ବିରୋଧ କରି ଏବଂ ଏହି ପୂଜକଙ୍କୁ ଯଥା ଶୀଘ୍ର ମନ୍ଦିରରୁ

ବହିଷ୍କାର କରିବା ଦାବୀ  କରାଯାଇଥିଲା। ଯଦି ଉପୋରକ୍ତ ଦାବୀ କୁ ଯଥାଶୀଘ୍ର ପୂରଣ କରାନଯାଏ ତେବେ  କେଶରୀଆ ହିନ୍ଦୁ ବାହିନୀ ଆଗାମୀ ଦିନରେ ରାଜ ରାସ୍ତା କୁ ଓହ୍ଲାଇବ ଏବଂ ଅନିର୍ଦ୍ଧିଷ୍ଟ କଳା ପାଈଁ ଆମରଣ ଅନଶନରେ ବସିବ। ଉକ୍ତ କାର୍ଯକ୍ରମ ରେ  ରାଜ୍ୟ କୋଷାଧ୍ୟକ୍ଷ  ସୁଶିଲ ସାହୁ ,ଜିଲ୍ଲା ସଭାପତି ପ୍ରଦୀପ ତ୍ରିପାଠୀ,ଜିଲ୍ଲା ବରିଷ୍ଠ ଅଧିକାରି ଶଙ୍କର୍ଷଣ ଆଚାର୍ଯ୍ୟ, ଜିଲ୍ଲା ଉପ ସଭାପତି ପ୍ରଦୀପ ଦାଶ,ଜିଲ୍ଲା ସମ୍ପାଦକ ବିଶ୍ୱଜିତ ପ୍ରଧାନ, ଜିଲ୍ଲା ପ୍ରବକ୍ତା ଦେବାନନ୍ଦ ନାୟକ, ବୁଲୁ ପର୍ଦିଆ, ନେପାଲ ସା, ସୀତାରାମ ପ୍ରଧାନ, ସୁମନ୍ତ ବିଶ୍ଵାଳ, ପାଣ୍ଡବ ବିଶ୍ଵାଳ, ପ୍ରହଲ୍ଲାଦ ପ୍ରଧାନ, ଦେବରାଜ ନାଗ, ରାଜୁ ନାୟକ,ସୁରଜ୍ ବକୁଳ, ଅଂଶୁମାନ ପଟେଲ, ସନତ ପାତ୍ର, ଶମ୍ଭୁ ସୁନା, ଆଶିଷ ପଟ୍ଟନାୟକ, ପିଣ୍ଟୁ ତ୍ରିପାଠୀ, ବିରେନ୍ଦ୍ର ବାରିକ, ପ୍ରଦୀପ ସାହୁ, ଜିଲ୍ଲା ଯୁବ ମୋର୍ଚ୍ଚା ସଭାପତି ଆଲୋକ ପଣ୍ଡା ପ୍ରମୁଖ ଯୋଗ ଦେଇଥିଲେ।

(ବଲାଙ୍ଗୀର ଜିଲ୍ଲାରୁ ଅନ୍ତର୍ୟାମୀ ସାହୁଙ୍କ ରିପୋର୍ଟ)