23-Nov-2021

ଲୋଇସିଂହା, (ବିନୋଦ କୁମାର ଦୀପ): ରନ୍ଧନ ଗ୍ଯାସ ର ଅହେତୁକ ଦରବୃଦ୍ଧି ପ୍ରତିବାଦ ରେ ଆଜି ଲୋଇସିଂହା ବିଜୁ ଜନତା ଦଳ ପକ୍ଷରୁ ଜୋରଦାର ପ୍ରତିବାଦ ଓ ବିକ୍ଷୋଭ ପ୍ରଦର୍ଶନ କରାଯାଇଥିଲା l ମାନ୍ୟବର ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳ ସୁପ୍ରିମୋଙ୍କ ନିର୍ଦେଶକ୍ରମେ ଲୋଇସିଂହା ବ୍ଲକ ବିଜୁ ଜନତା ଦଳ ଛାତ୍ର, ଯୁବକ ଓ ମହିଳାଙ୍କ ଆହ୍ୱାନ କ୍ରମେ ମହାମହିମ ରାଷ୍ଟ୍ରପତିଙ୍କ ଉଦେଶ୍ୟରେ ଲୋଇସିଂହା ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀଙ୍କ ମାଧ୍ୟମରେ  ଏକ ଦାବୀପତ୍ର ଉପସ୍ଥାପନା କରାଯାଇଥିଲା l ଗଣଧାରଣା ଓ ପ୍ରତିବାଦ ସଭା ବ୍ଲକ ଯୁବ ସଭାପତି ପ୍ରକାଶ ମହାରଣାଙ୍କ ସଭାପତିତ୍ୱରେ ରାଜ୍ୟ ପରିଷଦ ସଭ୍ୟ ନିହାରରଞ୍ଜନ ବେହେରା ମୁଖ୍ୟ ଅତିଥିଭାବେ ଯୋଗ ଦେଇଥିବା ବେଳେ ମହିଳା ଶାଖାର ସଭାପତି ଜୋତ୍ସ୍ନାମୟୀ ନାଗ, ଉପ ସଭାପତି ପୁଷ୍ପାଞ୍ଜଳି ସାହୁ, ବିଜୁ ଛାତ୍ର ଜନତା ଦଳର ଜିଲ୍ଲା ଉପ ସଭାପତି ଟୀକୁଲୁ କଦମ୍ବ, ସାଧାରଣ ସମ୍ପାଦକ ଫିରୋଜ ଫତୁଆ, ଜିଲ୍ଲା କାର୍ଯ୍ୟକାରି ସମ୍ପାଦକ ନେହେରୁ ବିଶ୍ୱାଳ, ବରିଷ୍ଠ ସଭ୍ୟ ସହଦେଵ ସା, ସମିତି ସଭ୍ୟ କୁନା ଭୋଇ, ନରେନ୍ଦ୍ର ହାତୀ, ରବି ସାହୁ ବକ୍ତବ୍ୟ ରଖିଥିଲେ l ସଂଯୋଜନା ସରୋଜ କୁମାର ବିଶ୍ୱାଳ କରିଥିବା ବେଳେ ଧନ୍ୟବାଦ ଅର୍ପଣ କରିଥିଲେ କାର୍ଯ୍ୟକାରୀ ସଭାପତି ଅନନ୍ତ କୁମାର ସାହୁ l ଅଂଶୁମାନ ଗୁରୁ, ସାଧୁଚରଣ, ଶିବୁଲୁ କଦମ୍ବ ସହଯୋଗ କରିଥିଲେ l ରାକେଶ ଅଗ୍ରୱାଲ, ଜୟଦେବ ବାରିକ, ପୂର୍ବତନ ସରପଞ୍ଚ  ହୃଦାନନ୍ଦ ବେହେରା ଯୋଗ ଦେଇଥିଲେ l