20-Nov-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) : ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟର ସ୍ତ୍ରୀ ଓ ପ୍ରସୂତି ବିଭାଗ ୱାର୍ଡରୁ ଆଜି ସକାଳେ ନବଜାତ ଶିଶୁ  କନ୍ୟା ଟିଏ ଚୋରୀ ହୋଇଥିବା ଥାନାରେ ଅଭିିଯୋଗ ହୋଇଛି  । ଗତକାଲି ବୀରମହାରାଜପୁର ଉପଖଣ୍ଡ ର ଷଣ୍ଢା ଗାଁର ଗଜେନ୍ଦ୍ର ତାଣ୍ଡି ନିଜ ପତ୍ନୀ ସନ୍ତୋଷିଣୀ ଙ୍କୁ 

ପ୍ରସୂତି ବିଭାଗରେ ଚିକିତ୍ସା ଆରମ୍ଭ କରାଇଥିଲେ l ଏବଂ ଗତକାଲି ସକାଳ ୯ ଟା ୧୫ ମିନିଟରେ ସନ୍ତୋଷିନୀ ଏକ ଶିଶୁ କନ୍ୟାକୁ ଜନ୍ମ ଦେଇଥିଲେ ।ସ୍ତ୍ରୀ ଓ ପ୍ରସୂତି ବିଭାଗରେ ଶଯ୍ୟା ଅଭାବରୁ ମା ଓ ଶିଶୁ ଉଭୟେ ପ୍ରସୂତି ୱାର୍ଡର ବାରଣ୍ଡାରେ ଆଶ୍ରୟ ନେଇ ଚିକିତ୍ସିତ ହେଉଥିଲେ  । ସନ୍ତୋଷିନୀଙ୍କ ସହିତ ତାଙ୍କ ଶାଶୁ ମଧ୍ୟ ସହାୟକ ଭାବେ ରହିଥିଲେ  । ଆଜି ସନ୍ତୋଷିନୀ ଶୌଚ  ପାଇଁ ଯିବା ସମୟରେ ତାଙ୍କ ଶାଶୁ ଶିଶୁ କନ୍ୟାଟିକୁ ଧରିଥିବା ଅବସ୍ଥାରେ ଜଣେ ମହିଳା ତାଙ୍କ ପାଖକୁ ଆସି କୌଶଳ କ୍ରମେ କନ୍ୟାସନ୍ତାନ ଟିକୁ ଟୀକା ଦେବାକୁ  ନେବା ପାଇଁ  କହି ପୂର୍ବରୁ ମେଡିକାଲ କ୍ୟାମ୍ପସ ବାହାରେ ପ୍ରସ୍ତୁତ ଥିବା ଜଣେ ବାଇକ ଆରୋହୀଙ୍କ ସହିତ  ମାଷ୍ଟର ମାଇଣ୍ଡ  ମହିଳା  ଚୋର   ଚମ୍ପଟ ହୋଇଥିବା ସନ୍ଧୟ ହେଉଛି l  ପ୍ରକାଶ ଯେ ଗତ କାଲି ମଧ୍ୟ  ସେଇ ମହିଳା ଜଣକ ମେଡିକାଲ ଆସି  ଏ ଛୁଆ କୁ  ଟୀକାଦେବା ବାହାନାରେ ନେଇ  ପୁଣି ଦାଇତ୍ୱର ସହ ଫେରାଇ ଦେଇଥିଲା l  ଯାହାକି  ମାଷ୍ଟର ମାଇଣ୍ଡ ମହିଳା  ଏଭଳି ଅଭିନବ ଉପାୟରେ ପୂର୍ବ ଦିନରୁ ଏକ  ଯୋଜନା ପ୍ରସ୍ତୁତି  ଓ ଅଭ୍ୟାସ କରିଥିଲା l ଏ ନେଇ ମୁଖ୍ୟ ଚିକିତ୍ସାଳୟ କର୍ତ୍ତୃପକ୍ଷଙ୍କ ପାଖରେ ମୌଖିକ ଓ ଥାନାରେ ଲିଖିତ ଅଭିଯୋଗ ହୋଇଛି । ଏହି ଶିଶୁ ଚୋରୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ପ୍ରଥମ ଘଟଣା ହୋଇଥିବା ବେଳେ ଶିଶୁ କନ୍ୟାର ଖୋଜଖବର ପାଇଁ ଚିକିତ୍ସାଳୟ କର୍ତ୍ତୃପକ୍ଷ ସଦର ଟାଉନ ଥାନାରେ ରିପୋର୍ଟ କରିଥିବା ଜଣା ପଡିଛି l ସୋନପୁର ପୋଲିସ ଆଇ ଆଇ ସି ଓ ମେଡିକାଲ କର୍ତ୍ତୃପକ୍ଷ  ଏବେ  ସି ସି ଟି ଭି ଫୁଟେଜ ଆଧାରରେ ଖୁବ ଗୁରୁତର ସହ ଏଘଟଣାର ଅନୁସନ୍ଧାନ ଜାରି ରଖିଥିବା ଜଣା ଯାଇଛି l ଦିନ କୁ ଦିନ ସୁବର୍ଣ୍ଣପୁର ସହରରେ ଚୋରି, ଲୁଟମାର  ପୁଣି ବିଭିନ୍ନ ମନ୍ଦିରରୁ ଯାହାକି ସ୍ୱୟଂ ସୁବର୍ଣ୍ଣପୁର ଅଧିଷ୍ଠାତ୍ରୀ ଦେବୀ ମା ସୁରେଶ୍ୱରୀ ଓ ଅଧିଷ୍ଠାତା ଦେବ ସୁବର୍ଣ୍ଣମେରୁ ମହାପ୍ରଭୁଙ୍କ ଘରୁ ଚୋରି ହେବା ଘଟଣା  ଏବଂ ଆଜି ପୁଣି ମେଡିକାଲ ରୁ ପିଲା ଚୋରି ଭଳି ଏଭଳି ସମ୍ବେଦନଶୀଳ ଘଟଣାକୁ  ସହରବାସୀ ପୋଲିସ ପ୍ରଶାସନକୁ ସମାଲୋଚନା କରିଛନ୍ତି l  ରୋଗୀ ଓ କର୍ମଚାରୀ

ଙ୍କୁ ୨୪ ଘଣ୍ଟl ସୁରକ୍ଷା ଦେଉଥିବା ପୋଲିସ ଫାଣ୍ଡି କୁ ଜ଼ିଲ୍ଲା ମୁଖ୍ୟ ଚିକିତ୍ସାଳୟ ରୁ ହଠାତ ଉଠାଯିବାର କାରଣ କଣ ବୋଲି ଲୋକେ ପ୍ରଶ୍ନ କରିଛନ୍ତି l  ଯେହେତୁ ମେଡିକାଲ ୱାର୍ଡ ର ବାହାରେ  ଏ ଘଟଣା  ଘଟିଛି,  ସିସିଟିଭି ଫୁଟେଜ  ନେଇ  ଏ ଘଟଣାର ଅନୁସନ୍ଧାନ  ଚାଲିଛି ଓ  ଖୁବ ଶୀଘ୍ର ପିଲାକୁ ଉଦ୍ଧାର କରାଯିବ ବୋଲି ଏସପି ଶ୍ରୀ ସୀତାରାମ ଶତପଥି ଓ ସିଡିଏମ ପ୍ରଦୀପ ଗୁରୁ  ମିଡ଼ିଆ ଆଗରେ ପ୍ରକାଶ କରିଛନ୍ତି l