19-Nov-2021

ଆଜି ଟିଟିଲାଗଡ଼,ୱାର୍ଡ ନମ୍ବର-୨ ସ୍ଥିତ ରବିଦାସ ଭବନରେ ଶ୍ରୀ ବିଜୟ ମେହେର, ଯୁବ ସଭାପତି,ଆମ ଆଦମୀ ପାର୍ଟି ଟିଟିଲାଗଡ଼ଙ୍କ ସଭାପତିତ୍ୱରେ ମହିଳା ମାନଙ୍କୁ ନେଇ, ତାଙ୍କର ସମସ୍ୟା ଓ ତାର ଆସୁ ସମାଧାନ ପାଇଁ ଗୋଟିଏ ସାଧାରଣ ସଭା କରାଯାଇଥିଲା l ଏ ସଭା ରେ ମହିଳା ମାନେ ତାଙ୍କର ମୁଖ୍ୟ ସମସ୍ୟା ଯଥା ସ୍ଥାୟୀ ପଟ୍ଟାରୁ ବଞ୍ଚିତ,ଗୃହହୀନଙ୍କୁ 4 ଡିସିମିଲ ଜାଗା ପ୍ରଦାନ ରୁ ବଞ୍ଚିତ,ବିଜୁ ପକ୍କା ଘର/ପ୍ରଧାନମନ୍ତ୍ରୀ

ଆବାସ ଯୋଜନା ରେ ସାମିଲ ନ କରାଯିବା,ପାନୀୟ ଜଳ ସମସ୍ୟା,ସ୍ୱୟଂ ସହାୟକ ଗୋଷ୍ଠୀଙ୍କୁ ଋଣନରୁ ବଞ୍ଚିତ କରାଯିବା ଭଳି ସମସ୍ୟା ବିଷୟ ରେ ବିଜୟ ମେହେର ଙ୍କୁ ଜଣେଇ ଥିଲେ,ଏଥିରେ ବିଜୟ କହିଥିଲେ ଟିଟିଲାଗଡ଼ର ସମସ୍ତ ପଡ଼ା ଓ ଗାଁ ର ସମସ୍ୟା ପ୍ରାୟ ସମାନ,କିଛି ଦିନ ଭିତରେ ଏ ସବୁ ସମସ୍ୟାକୁ ନେଇ ଆମ ଆଦମୀ ପାର୍ଟିର କର୍ଯ୍ୟକର୍ତା ସ୍ଥାନୀୟ ପ୍ରଶାସନ ପାଖକୁ ପହଁଚିବେ ଓ ସମସ୍ୟା ଶୀଘ୍ର ସମାଧାନ ପାଇଁ ଦାବି କରିବେ, ତାପରେ ମଧ୍ୟ ଯଦି ସମସ୍ୟା ସମାଧାନ ନ ହୁଏ ପାର୍ଟି ଉପ-ଜିଲ୍ଲାପାଳ ଓ ଜିଲ୍ଲାପାଳ ଅଫିସ ଘେରାଓ କରିବାକୁ ପଛେଇବ ନାହିଁ l

ଏ ବୈଠକ ରେ ବିଜୟ ମେହେର ସମସ୍ତଙ୍କୁ ଦୃଢ଼ ପ୍ରତିଶୃତି ଦେଇଥିଲେ ଆଗାମୀ ଦିନରେ ପଡା ବାସିନ୍ଦାଙ୍କ ହକ ହାସଲ କରିବା ପାଇଁ ଯାହା ମଧ୍ୟ କରିବାକୁ ପଡିବ, ଆମ ଆଦମୀ ପାର୍ଟି ପଛଘୁଞ୍ଚା ଦେବ ନାହିଁ 

( ବଲାଙ୍ଗୀର ଜିଲ୍ଲାରୁ ଅନ୍ତର୍ୟାମୀ ସାହୁ ଙ୍କ ରିପୋର୍ଟ)