15-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଅନ୍ତର୍ଗତ ତେତେଲମୁଣ୍ଡା ପଞ୍ଚାୟତ ଡେବ୍ରିପାଲି ଗାଁ ର ସ୍ପୋର୍ଟିଂ କ୍ଳବ ତରଫରୁ ଫୁଟବଲ ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଅଛି। ସେହି ଟୁର୍ଣ୍ଣାମେଣ୍ଟର ଆଜି ଚତୁର୍ଥ ଦିବସ ଥିବାବେଳେ ମୁଖ୍ୟ ଅତିଥି ଭାବେ ଯୋଗିଲାଲ ମେହେର ଯୋଗଦାନ କରି କାର୍ଯ୍ୟକୁ ଆରମ୍ଭ କରିଥିଲେ। ପ୍ରଥମ ରାଉଣ୍ଡ ରେ ହଟକଟ ଓ ସର୍ଗୁଲ ମଧ୍ୟରେ ପ୍ରତିଯୋଗିତା ହୋଇଥିଲା ଏବଂ ଦୁଇ ଦଳ ଭିତରେ ପେନାଲିଟି ହୋଇ ୨.୧ ରେ ହଟକଟ ଉତ୍ତିର୍ଣ୍ଣ ହୋଇଛି।ଓ ଦ୍ବିତୀୟ ରାଉଣ୍ଡ ରେ ମଧ୍ୟପୁର ଓ ବଙ୍ଗୋମୁଣ୍ଡାବାହାଲ ମଧ୍ୟରେ ଲଢେ଼ଇ ଥିବାବେଳେ ୪.୨ ରେ ବଙ୍ଗୋମୁଣ୍ଡାବାହାଲ ଆଗେଇ ଯାଇଥିଲେ। ଏହି ଫୁଟବଲ ପ୍ରତିଯୋଗିତା ରେ ଅମ୍ପେୟାର ଭାବେ ଚୈତନ୍ୟ ସାହୁ ଓ ହରେରାମ କୁଅଁର କାର୍ଯ୍ୟ ତୁଲାଉଥିବାବେଲେ ତ୍ରିନାଥ ଚନ୍ଦନ ରାଏଫରି ହିସାବରେ କାର୍ଯ୍ୟ କରୁଛନ୍ତି । ଆଜି ଏହି ପ୍ରତିଯୋଗିତାରେ ସମ୍ମାନିତ ଅତିଥି ଭାବେ ଦିଲିପ୍ ନାଗ, ବୃନ୍ଦାବନ ମେହେର,ଶରତ ମେହେର ଯୋଗଦାନ କରି ଖେଳାଳି ମାନଙ୍କୁ ଉତ୍ସାହିତ କରୁଥିଲେ। ସମସ୍ତ ଦଳ କୁ ଉତ୍ସାହିତ ଓ ଦର୍ଶକ ମାନଙ୍କ ଶାନ୍ତି ଶୃଙ୍ଖଳା ରକ୍ଷା କରିବା ପାଇଁ ନେତ୍ରାନନ୍ଦ ନାଗ, ଲୋକନାଥ ନାଏକ,ଲକ୍ଷିନ୍ଦ୍ର ହଂସ, ସୁଦାମ ଭୁଏ, ଫକିର ଖମାରୀ, ଜଗଦୀଶ ନାଗ,କ୍ଷୀରୋଦ୍ର ନାଏକ ଭଲଣ୍ଟିଅର ଭାବେ କାର୍ଯ୍ୟ ତୁଲାଉଛନ୍ତି।