15-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ନିର୍ବାଚନ ମଣ୍ଡଳୀ ବେଲପଡା ବ୍ଳକ ଅନ୍ତର୍ଗତ ମଣ୍ଡଳ ଜୋନ୍ ରାଡବାହାଲ ଠାରେ ଭାରତୀୟ ଜନତା ପାର୍ଟିର କର୍ମୀ ସମ୍ମିଳନୀ ଅନୁଷ୍ଠିତ ହୋଇଥିଲା । ଏହି ସମ୍ମିଳନୀରେ ଆଗାମୀ ପଞ୍ଚାୟତ ନିର୍ବାଚନ ପାଇଁ କିପରି ଭାବରେ ଦଳ ସୁଦୃଢ ହେବ ଓ ପୁରାତନ ବିଜେପିଗଡ ଫେରାଇ ହେବ ସେହି ଚିନ୍ତାଧାରା ଉପରେ

ଆଲୋଚନା କରାଯାଇଥିଲା।ପାଟଣାଗଡ଼ ମହାରାଜା ତଥା ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହଦେଓ ପୁଣି ଥରେ ଭାଙ୍ଗିଯାଇଥିବା ଘରକୁ ସଜାଡି ଆଣିବା ପାଇଁ ପ୍ରୟାସ କଲେଣି ।୨୫ ବର୍ଷ ତଳେ ଯେଉଁ ନିର୍ବାଚନ ମଣ୍ଡଳୀ ରେ ଭାରତୀୟ ଜନତା ପାର୍ଟିର ପ୍ରତିନିଧି ଭାବେ ମହାରାଜା ସମସ୍ତଙ୍କୁ ପରାସ୍ତ କରି ଦୀର୍ଘଦିନ ଧରି ବିଧାୟକ ଥିଲେ। ସେଭଳି ପୁନଃରାବୃତ୍ତି କରିବା ପାଇଁ କର୍ମୀ ମାନଙ୍କୁ ପରାମର୍ଶ ଦେଇଥିଲେ। ନରେନ୍ଦ୍ର ମୋଦୀ ଙ୍କ ସ୍ବଚ୍ଛ ନିର୍ମଳ ଶାସନ ଓ କାର୍ଯ୍ୟ କଳାପରେ ଅନୁପ୍ରାଣିତ ହୋଇ ୨୬ ନମ୍ବର ଜୋନ୍ ର ୫୦ ଜଣ ବିଜେଡ଼ି ଓ କଂଗ୍ରେସ ନେତା ଯୋଗଦାନ କରିଥିଲେ। ଏହି ସମ୍ମିଳନୀରେ

ପାଟଣାଗଡ଼ ନିର୍ବାଚନ ମଣ୍ଡଳୀ ର ପୂର୍ବତନ ମନ୍ତ୍ରୀ କନକ ବର୍ଦ୍ଧନ ସିଂହଦେଓ ଙ୍କ ସହ ସାଂସଦ ପ୍ରତିନିଧି ନିଲ ପାଣିଗ୍ରାହୀ,ବେଲପଡା ବ୍ଳକ ଅଧ୍ୟକ୍ଷା ଶ୍ରୀମତୀ ବୈଜୟନ୍ତି ପାଣିଗ୍ରାହୀ, ବ୍ଳକ ଉପାଧ୍ୟକ୍ଷ ରୁକ୍ମଣ ସୁନା,୨୬ ନମ୍ବର ଜୋନ୍ ସଭାପତି କୁନୁ ମୁଣ୍ଡା,୨୫ ନମ୍ବର ଜୋନ୍ ସଭାପତି ଟିକେଶ୍ବର ମେହେର,ଶୋଭାକର ମେହେର, ପ୍ରଶାନ୍ତ ଦାସ,ସିହିନୀ ସରପଞ୍ଚ ଦିବାକର ନାଏକ,ସୁଲେକେଲା ସରପଞ୍ଚ ପ୍ରତିନିଧି ଭୀମସେନ ରଣା,ତେତେଲମୁଣ୍ଡା ସରପଞ୍ଚ ଭୀମସେନ ମେହେର ମଞ୍ଚାସୀନ ଥିବାବେଳେ ଅଞ୍ଚଳର ଶତାଧିକ ବିଜେପି କାର୍ଯ୍ୟ କର୍ତ୍ତା ଉପସ୍ଥିତ ଥିଲେ।