14-Nov-2021

ବିନିକା(ହିମାଂଶୁ ଶେଖର ପୁଟେଲ)) ସରକାରଙ୍କ ୫ଟିରେ ରୂପାନ୍ତରିତ ହୋଇ ନୁଆଁ ମଡେଲିଂ ଢାଞ୍ଚା ସହ ସ୍ମାର୍ଟକ୍ଲାସ କୋଠରୀରେ ସଜେଇ ହୋଇ ସାରିଥିବା ବିନିକା ବ୍ଲକର ୨ଟି ହାଇସ୍କୁଲ ସିନ୍ଦୂରପୁର ଓ କୁହିବାହାଲ କୁ ଆଜି ପବିତ୍ର ଶିଶୁ ଦିବସ ଅବସରରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସ ମାଧ୍ୟମରେ ଲୋକାର୍ପଣ କରିଥିବାରୁ ସ୍ମାର୍ଟ ସ୍କୁଲରେ ଅଧ୍ୟୟନ କରିବାକୁ ଯାଉଥିବା ଛାତ୍ରଛାତ୍ରୀଙ୍କ ମଧ୍ୟରେ ଯେତିକି ଉତ୍ସାହ ଉଦ୍ଦୀପନା ପରିଲକ୍ଷିତ ହୋଇଛି ତାଠାରୁ ଅଧିକ ସ୍କୁଲର ପୁରାତନ ଛାତ୍ରଛାତ୍ରୀ,ଶିକ୍ଷକ/ଶିକ୍ଷୟତ୍ରୀ,ମୋ ସ୍କୁଲ ଅଭିଯାନ କର୍ମକର୍ତ୍ତା, ଅଭିଭାବକ/ଅଭିଭାବିକା,ଶିକ୍ଷାବିତ ମହଲରେ ଖୁସିର ବାତାବରଣ ଖେଳିଯାଇଛି l ଏହି ଅବସରରେ ଡୁଙ୍ଗୁରିପାଲି ବ୍ଲକ କୋଶଲେଶ୍ୱର ହାଇସ୍କୁଲ ରେ

ଅନୁଷ୍ଟିତ କାର୍ଯ୍ୟକ୍ରମରେ ଅର୍ଥ ଓ ଅବକାରୀ ମନ୍ତ୍ରୀ ନିରଞ୍ଜନ ପୂଜାରୀ,ପରିବହନ ମନ୍ତ୍ରୀ ପଦ୍ମନାଭ ବେହେରା,ସୁବର୍ଣ୍ଣପୁର ଜିଲ୍ଲାପାଳ ଅବୋଲି ସୁନୀଲ ନରୱନେ ଯୋଗଦେଇଥିଲେ l  ସୂଚନା ଯୋଗ୍ୟଯେ ନବକଳେବର ପୂର୍ବରୁ ଏହି ସ୍କୁଲରେ ଥିବା ଭଙ୍ଗା ଦଦରା କୋଠରୀର ଆଉ ଚିହ୍ନବର୍ଣ୍ଣ ନାହିଁ l ସମ୍ପୁର୍ଣ୍ଣ ନୂଆଁ ଦାଞ୍ଛାରେ ନୂଆଁ ରୂପରେ ଶୋଭା ପାଉଛି ଉଭୟ ବିଦ୍ୟାଳୟ ।ସ୍କୁଲ କାନ୍ଥରେ ବିଶିଷ୍ଟ ମହାପୁରୁଷଙ୍କ ଚିତ୍ର ଶୋଭିତ କରୁଥିବା ବେଳେ ସ୍ମାର୍ଟକ୍ଲାସ ରୁମ,ଅତ୍ୟାଧୁନିକ ବିଜ୍ଞାନ ଲାବୋରୋଟାରି,ବିଜ୍ଞାନ ଉପକରଣ ,ବିଭିନ୍ନ

ଆସବାବପତ୍ର,ଇଣ୍ଟରନେଟ ସୁବିଧା,ଖେଳ ଉପକରଣ ସାମଗ୍ରୀ ସହ ସ୍କୁଲ ପରିବେଶକୁ ଫଳ ଓ ଫୁଲରେ ସୌନ୍ଦର୍ଯ୍ୟ କରଣ ଭଲି ଆହୁରି ଅନେକ ପରିବର୍ତନ ଘଟି ଥିବା ବେଳେ ଅତ୍ୟାଧୁନିକ ଶୌଚାଳୟ ନିର୍ମାଣ,ବିଶୁଦ୍ଧ ପାନୀୟ ଜଳ ଯୋଗାଣ,ୱାଟର ଫିଲଟର ବ୍ୟବସ୍ଥା ହୋଇଛି l ତେବେ ଏହି ସବୁ ସୁବିଧା ହେବାପରେ ନିଶ୍ଚିତ ଭାବରେ ଛାତ୍ରଛାତ୍ରୀଙ୍କ ପାଠପଢା ପ୍ରତି ଆଗ୍ରହ ବଢିବ ବୋଲି ଶିକ୍ଷା ପ୍ରେମୀ ମହଲରେ ଆଶା ପ୍ରକଟ ପାଇଛି l