13-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବିଗତ ଦୁଇ ବର୍ଷ ହେଲା କରୋନା ମହାମାରୀ ଯୋଗୁଁ ବସ୍ ଚଳାଚଳ ଠପ୍ ହୋଇଯାଇଥିଲା। ଚଳିତ ବର୍ଷ ଟିକିଏ ସୁଧାର ହେବା ଯୋଗୁଁ କିଛି ପରିମାଣରେ ଚଲାଚଳ ହେଉଛି। କିନ୍ତୁ ପେଟ୍ରୋଲ ଡିଜେଲ୍ ଦର ଅହେତୁକ ବୃଦ୍ଧି ପାଉଥିବା ଯୋଗୁଁ ବେସରକାରୀ ବସ୍ ସଂଘ ପକ୍ଷରୁ ୧୬ ତାରିଖ ଠାରୁ ବସ୍ ଚଳାଚଳ ବନ୍ଦ କରିବା ପାଇଁ ଚେତାବନୀ ଦେଇଥିବାବେଳେ ଏପଟେ ଓଡିଶା ରୁ ଆନ୍ଧ୍ର ପ୍ରଦେଶକୁ ବସ୍ ଚାଲିବା ଆରମ୍ଭ କଲେଣି। ଯଦି ଓ ଖରିଆର ରୁ ଭୁବନେଶ୍ଵର ବସ ରେ ଯାତ୍ରୀ ହୋଇପାରୁନାହିଁ ତାହେଲେ ଲୋକାଲ ବସ୍ ରେ ଯାତ୍ରୀ ହୋଇପାରୁନାହିଁ

ତାହେଲେ କେଉଁ ସ୍ବାର୍ଥ ରେ ରାଜ୍ୟ ସରକାର ଓଡ଼ିଶା ରୁ ଆନ୍ଧ୍ର ପ୍ରଦେଶ ବସ୍ ସେବା କରିଛନ୍ତି ବୋଲି ଲୋକ ଆଶ୍ଚର୍ଯ୍ୟ ହୋଇ ଯାଉଛନ୍ତି। ପ୍ରକୃତରେ ଏହି ବସ୍ ସବୁଦିନ ପାଇଁ ଚଳିବ ନା ଦାଦନ ଋତୁ ରେ ଚାଲିବ ବୋଲି ଜନସାଧାରଣରେ ଚର୍ଚ୍ଚା ହେଉଛି। ଯଦି ପ୍ରକୃତରେ ଜନସାଧାରଣ ଙ୍କ ସେବା ପାଇଁ ଚାଲିଛି ତାହା ହେଲେ ବହୁତ ସୁନ୍ଦର କଥା । ହେଲେ କିଛି ଦିନ ଚାଲି ବନ୍ଦ ହୋଇଯିବ ନାହିଁତ ? ନାଁ ଏବେ ଦାଦନ ଋତୁ ବୋଲି ଖାଲି ଚଲାଇଛନ୍ତି ବୋଲି ଜନସାଧାରଣରେ ପ୍ରଶ୍ନବାଚୀ ସୃଷ୍ଟି କରୁଛି।ଖରିଆର, ବଙ୍ଗୋମୁଣ୍ଡା,ବେଲପଡା, ବଲାଙ୍ଗିର, ଦେଇ ଯାତାୟତ କରୁଥିବା ରୁ ସନ୍ଦେହ ସୃଷ୍ଟି କରୁଛି।କାରଣ ଏହା ହେଉଛି ଦାଦନ ର ରାଜଧାନୀ ଏଠାକାର ଅଧିକାଂଶ ଲୋକ ବାହାର ରାଜ୍ୟକୁ ଦାଦନ ଖଟିବାକୁ ଯାଉଛନ୍ତି।