09-Nov-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ପୌର ପରିଷଦ ପକ୍ଷରୁ ଆଜି ପଲିଥିନ ଓ ପ୍ଲାଷ୍ଟିକ ମୁକ୍ତ ସହର ଭାବେ ପରିଣତ କରିବା ପାଇଁ ସହରବାସୀଙ୍କ ଭିତରେ ସଚେତନତା ସୃଷ୍ଟି କରାଯାଇଛି  । ପୌର ପରିଷଦ କାର୍ଯ୍ୟାଳୟରୁ ପୌର ପରିଷଦ କର୍ମଚାରୀ , ସ୍ବେଛାସେବୀ , ସ୍ୱୟଂ ସହାୟକ ଗୋଷ୍ଠୀ ମହିଳା, ସ୍ୱଚ୍ଛ ସାଥି  ମାନଙ୍କୁ ନେଇ ଏକ ସଚେତନତା ଶୋଭାଯାତ୍ରା ସହର  ପରିକ୍ରମା କରିଛି l  ସହର  ର ବିଭିନ୍ନ ଅଞ୍ଚଳ ଓ ସାପ୍ତାହିକ ବଜ଼ାର ରେ ଆଜି ପ୍ରତ୍ୟେକ ବ୍ୟବସାୟୀ  ଓ  ଗ୍ରାହକ ମାନଙ୍କୁ ମଧ୍ୟ  ସଚେତନ କରାଯାଇଛି l ଉକ୍ତ ଶୋଭାଯାତ୍ରାରେ ପୌର ପରିଷଦ କର୍ମଚାରୀମାନେ ପ୍ଲାଷ୍ଟିକ ବର୍ଜନ କରିବା ପାଇଁ ସହରବାସୀଙ୍କୁ ଆହ୍ବାନ ଦେଇଛନ୍ତି  ।ପୌର ପରିଷଦ ପକ୍ଷରୁ ପୂର୍ଵ ରୁ ବିଭିନ୍ନ ସମୟରେ ପୋଲିସ ସହାୟତାରେ ପ୍ଲାଷ୍ଟିକ ବ୍ୟବସାୟ ପ୍ରତିଷ୍ଠାନ ଉପରେ ଚଢାଉ ଓ ଫାଇନ ଆଦାୟ କରାଯାଇଛି l ପ୍ଲାଷ୍ଟିକ ଓ ପଲିଥିନ ବିତରକ ,ଡିଲର ତଥା ବିଭିନ୍ନ ବ୍ୟବସାୟ ପ୍ରତିଷ୍ଠାନ ଗୁଡିକରେ ବି ଚଢାଉ କରାଯାଇ  ବାରମ୍ବାର ଫାଇନ ଆଦାୟ କରାଯାଉଛି  l ସହରର କାନ୍ଥବାଡରେ ପ୍ଲାଷ୍ଟିକ ଓ ପଲିଥିନ ବର୍ଜନ ପାଇଁ  ଵିଜ୍ଞାପନ ମାଧ୍ୟମରେ ଚିତ୍ର ସହିତ ବିଭିନ୍ନ ସ୍ଲୋଗାନ  ଗୁଡିକ ଲେଖା ଯାଇଛି  ।ତଥାପି ସହରରୁ ପ୍ରତ୍ୟେକ ଦିନ ପ୍ଲାଷ୍ଟିକ ଓ ପଲିଥିନ ଆବର୍ଜନା ବାହାରୁଛି  ।ଯାହା ଫଳରେ ସହରକୁ ପରିଷ୍କାର ପରିଛନ୍ନ ରଖିବା ପାଇଁ ପୌର ପରିଷଦର ସବୁ ଚେଷ୍ଟା ବିଫଳ ହେଉଛି  । ତେବେ ଆଜି ର ସଚେତନତା

କାର୍ଯ୍ୟକ୍ରମ ସହିତ  ପ୍ଲାଷ୍ଟିକ ,ପଲିଥିନ ବ୍ୟବହାର କଲେ  ଆଗାମୀ ଦିନ ରେ ମୋଟା ଅଙ୍କ ର ଫାଇନ ଆଦାୟ ସହିତ ଆଇନଗତ କାର୍ଯ୍ୟାନୁଷ୍ଠାନ  ଓ କଡା  ଦଣ୍ଡ ବିଧାନ  କରିବା ପାଇଁ ପୌର ପରିଷଦ  ନିଷ୍ପତ୍ତି  ନେଇଥିବା ବିଷୟ  ଆଜି ବିଭାଗ ପକ୍ଷରୁ  ସୂଚନା ମିଳିଛି l  ଆଜି ର ଏଇ ମହା ଅଭିଯାନ ରେ ପୌର ପରିଷଦ ର ନୋଡାଲ ଅଫିସର ଅଜିତ ନାଏକ, ସାନିଟାରୀ ଇନ୍ସପେକ୍ଟର କୈଳାଶ ଚନ୍ଦ୍ର ପାତ୍ର, ସାନିଟାରୀ ଏକ୍ସପର୍ଟ ହରିହର ଭୋଇ, ସି. ଏମ. ଏମ. ୟୁ ପ୍ରବଦ କୁମାର ବାରିକ ପ୍ରମୁଖ ସାମିଲ ଥିଲେ l ପୌର ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ଶୁଭ୍ରାଂଶୁ ରୁଟ ଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ଏ ଅଭିଯାନ ଚାଲୁ ରହିଛି l