09-Nov-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ ) ବଲାଙ୍ଗିର ଜିଲ୍ଲା ବେଲପଡା ପୋଲିସ ଦ୍ବାରା ଏକ ଚାଉଳ ବୋଝେଇ ଟ୍ରକ ଜବତ ହେବା ସହ ଡ୍ରାଇଭରକୁ ଥାନାରେ ଅଟକ ରଖିଥିବା ଜଣାପଡିଛି। ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ଅନ୍ତର୍ଗତ ସଲଣ୍ଡି ପଞ୍ଚାୟତ ଅଧୀନସ୍ଥ ଉଡିଙ୍ଗ ଓ ଲଥାକେନ୍ଦ ମଝିରେ ଥିବା ଶ୍ୟାମ ଜୀ ମିଲ କୁ ରାତି ସମୟ   ୨ଟାରେ ଏକ ଦଶଚକିଆ ଟ୍ରକ ନମ୍ବର (ଓ ଆର୍ ୪୭ ଏସ୍ ୩୨୦୨) ରାଉରକେଲାରୁ ଆସୁଥିବା ବେଳେ ବେଲପଡା ଥାନା ଅଧିକାରୀ ବୁଳୁ ମୁଣ୍ଡା ଚଢ଼ାଉ କରି ଥାନାକୁ ଆଣିଥିଲେ ଓ ଡ୍ରାଇଭର ସୁରେଶ ଯାଦବ(୨୨) ପିତା.ହରିନ୍ଦ୍ର ଯାଦବକୁ ଥାନା

ରେ ଅଟକ ରଖି ପଚରାଉଚରା କରୁଛନ୍ତି। ସେହି ଟ୍ରକ୍ ଭିତରେ ୫୦ କେଜି ଓଜନ ର ୫୦୦ ବସ୍ତା ଚାଉଳ ଥିବା ଜଣାପଡିଛି। ଏଠି ପ୍ରଶ୍ନ ଉଠୁଛି ଯେ ଗତ ବର୍ଷ ବେଲପଡା ଅଞ୍ଚଳ ରେ ବହୁତ ପରିମାଣରେ ଧାନ ଫସଲ ହୋଇଥିଲା ଏବଂ ଧାନ ବିକ୍ରି ନ ହୋଇ କମ ମୂଲ୍ୟରେ ବିକ୍ରି କରିଥିଲେ। କିନ୍ତୁ କେଉଁ କାରଣରୁ ମିଲର୍ସ ଅନ୍ୟ ସ୍ଥାନରୁ ଚାଉଳ ଆଣୁଛନ୍ତି ତାହା ସନ୍ଦେହ ଜାତ ହେଉଛି। ମାମଲା ରଫାଦଫା କରିବା ପାଇଁ ଶ୍ୟାମ ଜୀ ମିଲ ମାଲିକ ଵେଲପଡା ଥାନା  କୁ ଆସିଥିଲେ। କିନ୍ତୁ କାଗଜପତ୍ର ଠିକ୍ ଭାବରେ ଦେଖାଇ ନ ଥିବାରୁ ପୁଣି ଚାଲିଯାଇଥିଲେ।ଏବେ ଟ୍ରକ କୁ ଜବତ କରି ଡ୍ରାଇଭର ଥାନା ରେ ଅଟକ ଥିବା ଥାନା ଅଧିକାରୀ ବୁଳୁ ମୁଣ୍ଡା ସୂଚନା ଦେଇଛନ୍ତି।ଏ ବିଷୟରେ ବେଲପଡା ଯୋଗଣ ଅଧିକାରୀ କୁ ପଚାରିବାରୁ ସେ କହିଲେ କି ତାହା ପିଡିଏସ ଚାଉଳ ନୁହେଁ ଓ ତାହା ଥାନା ଅଧିକାରୀ ତଦନ୍ତ କରିବେ। ଏହି ଘଟଣାର ପୁଙ୍ଖାନୁପୁଙ୍ଖ ତଦନ୍ତ କରି ଦୋଷୀ ବିରୋଧରେ ଦୃଢ଼ କରିବା ପାଇଁ ଅଞ୍ଚଳବାସୀ ଦାବି କରିଛନ୍ତି।