05-Nov-2021

ପାଟଣାଗଡ଼(ପୂର୍ଣ୍ଣ ଶଶୀ ଶେଖର ରାଓ)-ଗତ ୧ ତାରିଖ ପାଟଣାଗଡ଼ ବ୍ଲକ ଭଇଁଷା ଗ୍ରାମରେ ପୂର୍ବ ଶତୃତାକୁ କେନ୍ଦ୍ର କରି ଏକ ହତ୍ୟାକାଣ୍ଡା ଘଟି ଯାଇଛି । ସୂଚନାରୁ ପ୍ରକାଶ ଯେ, ଭାଇଁଷା ଗାଁ ର ଡୋଲାମଣି ରାଉତ(୩୯) ରାତି ୧ଠ ଟା ସମୟରେ ଖାଇ ସାରି  ନିଜ ଘର ସମ୍ମୁଖରେ ବସିଥିବା ବେଳେ ଗ୍ରାମର ମନୋଜ ପଟେଲ ନାମକ ଜଣେ ଯୁବକ ଏକ ବୋଲେରୋ(ଓଆର୍‌୧୪ କ୍‌ୁ୍ୟ ୮୭ଠ୪)କୁ ଜାଣିଶୁଣି ଡୋଲାମଣି ଉପରେ ଚଢ଼ାଇ ଦେଇଥିଲା । ଗୁରୁତର ଆହାତ  ଅବସ୍ଥାରେ ଡୋଳାମଣିକୁ ପାଟଣାଗଡ଼ ଉପଖଣ୍ଡ ସରକାରୀ ଡାକ୍ତରଖାନାକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ତେବେ ପୂର୍ବ ଶତୃତାକୁ କେନ୍ଦ୍ର କରି ଏହି ଘଟଣା ଘଟାଇଛି ବୋଲି ମୃତକଙ୍କ ଶ୍ୱଶୁର ଜନାର୍ଦ୍ଦନ ସିଂହ ପାଟଣାଗଡ଼ ଥାନାରେ ଲିଖିତ ଅଭିଯୋଗ କରିଛନ୍ତି । ଘଟଣାର ଉପଯୁକ୍ତ ତଦନ୍ତ କରାଯାଇ ଦୋଷୀ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଡୋଲାମଣିଙ୍କ ଶ୍ୱଶୁର ପୋଲିସ ପ୍ରଶାସନ ଠାରେ ଦାବି କରିଛନ୍ତି । ସୂଚନାଯୋଗ୍ୟ ଯେ, ଗତ ୩ ମାସ ପୂର୍ବରୁ ଡୋଳାମଣିଙ୍କ ବିବାହ ବେଲପଡା ସହରର ଜନାର୍ଦ୍ଦନ ସିଂ ଙ୍କ ଝିଅଙ୍କ ସହ ହୋଇଥିବା ବେଳେ ତାଙ୍କ ଅକାଳ ବିୟୋଗ ଅଂଚଳରେ ଶୋକର ଛାୟା ଖେଳିଯାଇଛି ।