05-Nov-2021

ବଲାଙ୍ଗିର, ବିବେକ ଅଗ୍ରଓ୍ଵାଲ ନାମକ ବ୍ୟକ୍ତିଙ୍କ ୧୬୧ ବୟାନରୁ ମିଳିଲା ତଥ୍ୟ। ମମିତାଙ୍କ ଶବ ପୋଡ଼ିବାକୁ ବ୍ୟବହୃତ ଟାୟାର ଦେଇଥିଲେ ବିବେକ। ମମିତାଙ୍କୁ ହତ୍ୟା ପରେ ବିବେକଙ୍କୁ ଫୋନ୍‌ କରିଥିଲା ଗୋବିନ୍ଦ। ଗତ ୮ ତାରିଖ ମଧ୍ୟାହ୍ନ ପ୍ରାୟ ୧୨ଟା ୩୦ରେ ଫୋନ୍‌ କରିଥିଲା। ଡ୍ରାଇଭର ରାଧେଶ୍ୟାମ ଚଣ୍ଡି

ଯାଇ ୨ଟି ଟାୟାର ଆଣିବ କହିଥିଲା ।
 ମହାଳିଙ୍ଗ ମମିତା ହତ୍ୟାକାଣ୍ଡ ଘଟଣାରେ ପୁଣି ସାମ୍ନାକୁ ଆସିଲା ନୂଆ ତଥ୍ୟ । ସନ୍‌ସାଇନ୍‌ ସ୍କୁଲ ଶିକ୍ଷୟିତ୍ରୀ ମମିତା ମେହେର ହତ୍ୟା ଘଟଣାରେ ପଡ଼ୁନି ପୂର୍ଣ୍ଣଛେଦ। ଦିନ ଯେତେ ଗଡ଼ୁଛି ନୂଆ ନୂଆ ତଥ୍ୟ ସେତିକି ସାମ୍ନାକୁ ଆସୁଛି। ତେବେ ବର୍ତ୍ତମାନ ଆଉ ଏକ ଖୁଲାସା ହୋଇଛି। ବ୍ୟବସାୟୀ ବିବେକ ଅଗ୍ରଓ୍ବାଲ ନାମକ ବ୍ୟକ୍ତିଙ୍କ ବୟାନରୁ ଏହି ନୂଆ ତଥ୍ୟ ମିଳିଛି। ଘଟଣା ଦିନ ରାତିରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ତାର ସହଯୋଗୀ ଡ୍ରାଇଭର ରାଧେ ହାତରେ ବିବେକ ଅଗ୍ରୱାଲଙ୍କ ପାଖରୁ ମଗାଇ ଥିଲା ପୁରୁଣା ଟାୟାର । ବିବେକ ଅଗ୍ରୱାଲ ତା ଗୋଦାମରେ ଥିବା ଦୁଇଗୋଟି ପିକ ଅଫର ପୁରୁଣା ଟାୟାର ଦେଇଥିଲେ ।ସେହି ପୁରୁଣା ଟାୟାରରେ ମମିତାକୁ ପୋଡିବାରେ ବ୍ୟବହାର ହୋଇଥିଲା। ରାଧେର ୧୬୧ ବୟାନରେ କରିଛି ଖୁଲାସା।
 

ତେବେ ମମିତାଙ୍କ ଶବ ପୋଡ଼ିବାକୁ ବ୍ୟବହୃତ ଟାୟାର ଦେଇଥିଲେ ବିବେକ। ମମିତାଙ୍କୁ ହତ୍ୟା ପରେ ବିବେକଙ୍କୁ ଫୋନ୍ କରିଥିଲା ଗୋବିନ୍ଦ। ୮ ତାରିଖ ମଧ୍ୟାହ୍ନ ପ୍ରାୟ ସାଢ଼େ ୧୨ଟାରେ ଫୋନ୍‌ କରିଥିଲେ ଗୋବିନ୍ଦ। ଡ୍ରାଇଭର ରାଧେଶ୍ୟାମ ଚଣ୍ଡି ଯାଇ ୨ଟି ଟାୟାର ଆଣିବ ବୋଲି କହିଥିଲେ। ଦିନ ସାଢ଼େ ୩ଟାରେ ବିବେକଙ୍କଠାରୁ ଟାୟାର ଆଣିଥିଲା ରାଧେ। ଗୋବିନ୍ଦଙ୍କୁ ପିକ୍‌ ଅପ୍‌ ଭ୍ୟାନରେ ଟାୟାର ଦେଇଥିବା କହିଥିଲେ ବିବେକ ଅଗ୍ରଔଲା । ଘଟଣାରେ ସିଜ୍‌ ୭୦ ସାମଗ୍ରୀ ପଠାଗଲା ଫରେନସିକ୍‌ ଲାବ୍‌। ମୁଖ୍ୟ ଅଭିଯୁକ୍ତ ଗୋବିନ୍ଦଙ୍କ ନଖ, ଚୁଟି, ରକ୍ତ ନମୂନା ପଠାଯାଇଛି। ମୃତ ମମିତାଙ୍କ ଅସ୍ଥି, ମାଂସ, ବ୍ୟାଗ୍‌ ମଧ୍ୟ ଫରେନସିକ ଲାବ୍‌ ପଠାଯାଇଛି।

(ବଲାଙ୍ଗୀର ଜିଲ୍ଲାରୁ ଅନ୍ତର୍ୟାମି ସାହୁ ଙ୍କର ରିପୋର୍ଟ)