05-Nov-2021

ବୀରମହାରାଜପୁର,  (ବିନୋଦ ପାଣ୍ଡେ   ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ଜଟେସିଂହା ପଞ୍ଚାୟତ ଅନ୍ତର୍ଗତ ବଡଖମାର ସ୍ଥିତ ପ୍ରସିଦ୍ଧ ବରାହପଦର ମଠରେ ପବିତ୍ର ଗିରିଗୋବର୍ଦ୍ଧନ ପୂଜା ଅନୁଷ୍ଠିତ ହୋଇଯାଇଛି । ଏହି ପର୍ବ ଧୁମଧାମରେ ପାଳିତ ହୋଇଥିବା ବେଳେ ଏଠାରେ ଶ୍ରଦ୍ଧାଳୁ ମାନଙ୍କର ବିପୁଳ ସମାଗମ ହୋଇଥାଲା । ଏହି ଉପଲକ୍ଷେ ବିଭିନ୍ନ ଅଞ୍ଚଳରୁ ଆସିଥିବା ୫୦ ଦଳ ନାମ ସଙ୍କୀର୍ତ୍ତନ ସାଙ୍ଗକୁ ଶ୍ରଦ୍ଧାଳୁ ମାନଙ୍କ ନିମନ୍ତେ ସାମୂହିକ ଅନ୍ନପ୍ରସାଦ ସେବନ ବ୍ୟବସ୍ଥା ହୋଇଥିଲା । ବରାହପଦର ମଠ ବାବା ଶ୍ରୀ ନିତ୍ଯଗୋପାଳ ଦାସଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ପୂର୍ବବର୍ଷ ଭଳି ଏବର୍ଷ ମଧ୍ଯ ଆୟୋଜନ କରାଯାଇଥିଲା । ଏଠାକୁ  ହଜାର ।

ହଜାର ସଂଖ୍ୟାରେ ଶ୍ରଦ୍ଧାଳୁଙ୍କ ସୁଅ ଛୁଟି ଥିଲା । ଯାତ୍ରା ରେ ମୀନାବଜାର ସହ ଘର ଉପକରଣ ଓ ବିଭିନ୍ନ କିସମର ମନହରି ଦୋକାନ ପସରା ମେଲେଇ ଥିବାରୁ ଶ୍ରଦ୍ଧାଳୁ ମାନେ ଆନନ୍ଦରେ ମଜା ନେଇଥିଲେ । ଶାନ୍ତ ଶୃଙ୍ଖଳା ବଜାଇ ରଖିବା ପାଇଁ  ସୁବଳୟା ଥାନା ଭାରପ୍ରାପ୍ତ ଅଧିକାରୀ ଦିପ୍ତି ରଞ୍ଜନ ଦିଗାଲ ଙ୍କ ସହ ପୋଲିସ କର୍ମଚାରୀ ଉପସ୍ଥିତ ରହିଥିଲେ