03-Nov-2021

ପଦ୍ମପୁର(ନିରଞ୍ଜନ ତ୍ରିପାଠୀ) :ପଦ୍ମପୁର ଉପଖଣ୍ଡ ଅଧିନସ୍ଥ ପାଇକମାଲ ବିନ୍ଧ୍ୟବାସିନୀ ଡିଗ୍ରୀ ମହାବିଦ୍ୟାଳୟରେ ଯୁବ ରେଡକ୍ରସ ପକ୍ଷରୁ ଏକ ସ୍ଵେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ଲୋହିତ କୁମାର ବାରିକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ରକ୍ତଦାନ ଶିବିରରେ ମୁଖ୍ୟ ଅତିଥି ଭାବରେ ପାଇକମାଲ ବି.ଡି.ଓ ଉପାଞ୍ଜଳୀ ମାଝୀ

ଯୋଗଦାନ କରିଥିଲେ । ସମ୍ମାନନୀୟ ଅତିଥି ଭାବରେ ବୁକୁରାମୁଣ୍ଡା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଅଧିକାରୀ ସୌମ୍ୟରଞ୍ଜନ ଦାସ, ପାଇକମାଲ ବିଦ୍ୟୁତ ବିଭାଗର ଏସ.ଡି.ଓ ପୁରନ୍ଦର ସାହୁ, ଏ.ବି.ଡି.ଓ ଭୀଷ୍ମ ଦେବ ମାଝୀ, ଡା.ସୁରେଶ ଅଗ୍ରୱାଲ,ବୁକୁରାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ରେ କାର୍ଯ୍ୟରତ ପି.ଏଚ.ଇ.ଓ  ତୁଷ କୁମାର ଚନ୍ଦ୍ରକାର,ବି.ପି.ଓ ରେବତି ମୋହନ ଜେନା, ସାମ୍ବାଦିକ ସୁରଥ ସାହୁ ଯୋଗଦାନ କରିଥିଲେ । ପଦ୍ମପୁର ରକ୍ତ ଭଣ୍ଡାର ର ଟେକନିସିଆନ୍ ସଂଗ୍ରାମ କେଶରୀ ମହନ୍ତ ଓ କର୍ମଚାରୀ ମାନେ ରକ୍ତ  ସଂଗ୍ରହ କରିବାରେ ସାହାଯ୍ୟ

କରିଥିଲେ । ଏଥିରେ ସମୁଦାୟ ୨୦ ୟୁନିଟ ରକ୍ତ ସଂଗ୍ରହ କରାଯାଇଥିଲା । ଯୁବ ରେଡକ୍ରସ ସଂଯୋଜକ ଦେବରାଜ ସାହୁ ରକ୍ତଦାନ ଶିବିର ପରିଚାଳନା କରିଥିବା ବେଳେ ମାସ ସଂଯୋଜକ ଆଦିକନ୍ଦ ବିଶ୍ବାଳ, ଆଜକା ଅନୁଷ୍ଠାନ ର ନିତ୍ୟାନନ୍ଦ ଜେନା, ମହାବିଦ୍ୟାଳୟର ଅଧ୍ୟାପକ ପ୍ରଦୀପ୍ତ କୁମାର ସାହୁ, ପ୍ରଭାତ କୁମାର ବିଶ୍ଵାଳ, ପ୍ରଦୀପ ଦେୱାନ , ମୀନା କୁମାରୀ ସାହୁ ପ୍ରମୁଖ ଅଧ୍ୟାପକ ଅଧ୍ୟାପିକା ତଥା  ମହାବିଦ୍ୟାଳୟର ସମସ୍ତ କର୍ମଚାରୀ ଓ ଛାତ୍ର ଛାତ୍ରୀମାନେ  ବିଭିନ୍ନ କାର୍ଯ୍ୟରେ ସହଯୋଗ କରିଥିଲେ ।