02-Nov-2021

ବରଗଡ/ପଦ୍ମପୁର(ନିରଞ୍ଜନ ତ୍ରିପାଠୀ) : ବରଗଡ ଜିଲ୍ଲାରେ ୨୦୨୧-୨୨ ନଭେମ୍ବର ୨୫ ରୁ ଖରିଫ ଧାନ ସଂଗ୍ରହ କାହା ସ୍ୱାର୍ଥରେ lବରଗଡ ଜିଲ୍ଲା ରେ ନିର୍ବାଚିତ ଜନପ୍ରତିନିଧି ଏବଂ ପ୍ରଶାସନ ମିଲର୍ସ ମାନଙ୍କ ହାତବାରିଶି ସାଜିବା ଏଥୁରୁ ସ୍ପଷ୍ଟ ଭାବରେ ପ୍ରମାଣିତ lକାରଣ ବରଗଡ ଜିଲ୍ଲା ରେ ୩୦% ରୁ ଅଧିକ ଧାନ ଅମଳ ହୋଇ ସାରିଲାଣି ଯାହା ଏମାନେ ପରା ଜାଣିନାହାନ୍ତି ତାହା ହାସ୍ୟାସ୍ପଦ ର ବିଷୟ ଅଟେ lଏଠି ଡି.ଏଲ.ପି.ସି ର ସଦସ୍ୟ ମାନଙ୍କୁ ଜୟ କିଶାନ ଆନ୍ଦୋଳନ ବରଗଡ ର ରମେଶ ମହାପାତ୍ର କେତୋଟି ପ୍ରଶ୍ନ କରନ୍ତି lଯାହାକି ଉଲ୍ଳେଖନୀୟ ଅଟେ lପ୍ରଶ୍ନ ନଂ-୧-ଓଡିଶା ସରକାର ଙ୍କ ଧାନ ସଂଗ୍ରହ ନୀତି ଅନୁଯାୟୀ ଜିଲ୍ଲା ପ୍ରଶାସନ ନିଜ ନିଜ ଜିଲ୍ଲା ମାନଙ୍କରେ କେବେ ଧାନ ସଂଗ୍ରହ ଆରମ୍ଭ କରିବେ ତାହାର ତାରିଖ ନିର୍ଦ୍ଧାରଣ କରିଥାନ୍ତି,ତା ହେଲେ ୨୫ ନଭେମ୍ବର ପୂର୍ବରୁ ଧାନ ଅମଳ ହେବ ନାହିଁ କି ?୨-ଚଳିତ ବର୍ଷ ରାଜ୍ୟ ସରକାର ଙ୍କ ବିଜ୍ଞପ୍ତି ପ୍ରକାଶ କରିଥିଲେ ଯେ, ନଭେମ୍ବର-୧ ରୁ ୩୧ ମାର୍ଚ୍ଚ ମାସ ରେ ଧାନ ସଂଗ୍ରହ କରାଯିବ lବରଗଡ ଜିଲ୍ଲା ରେ ୩୦% ଧାନ ଶସ୍ୟ ସଂଗ୍ରହ ହୋଇସାରିଥିଲା ବେଳେ ଧାନ ସଂଗ୍ରହ ୨୫ ତାରିଖ ନିର୍ଦ୍ଧାରଣ କାହା ସ୍ୱାର୍ଥ ପାଇଁ ନିଷ୍ପତ୍ତି ନିଆଯାଇଛି ?୩-ବିଗତ ବର୍ଷ ମାନଙ୍କରେ କେବେ ୧୧ ନଭେମ୍ବର ପରେ ଧାନ ସଂଗ୍ରହ ହୋଇଅଛି କି ? କାରଣ ଗତବର୍ଷ ୫ଲକ୍ଷ କ୍ୟୁଣ୍ଟାଲ ରୁ ଅଧିକ ଧାନ ସଂଗ୍ରହ ୨୫ ତାରିଖ ମଧ୍ୟରେ ହୋଇସାରିଥିଲା, ପ୍ରଶାସନ ପାଖରେ କିଛି ତଥ୍ୟ ନାହିଁକି ?ନାଁ ଜାଣିଶୁଣି ଅଜଣା ଚାଉଳ ରେ ଭାତ ଖାଉଛି !
୪-ଯେଉଁ ଚାଷୀ ଭାଇମାନେ ଧାନ ବିକ୍ରି ପାଇଁ ପଞ୍ଜିକରଣ ସମୟରେ ୧ ତାରିଖ ରୁ ୨୫ ତାରିଖ ମଧ୍ୟରେ ପୂରଣ କରିସାରିଛନ୍ତି, ସେମାନଙ୍କ ସମସ୍ୟା ପାଇଁ କିଏ ଦାୟୀ ?୫-ଚାଷୀ ତାହାର କଷ୍ଟ ଉପାର୍ଜିତ ଅମଳ ଧାନକୁ ନେଇ କେଉଁଠାରେ ରଖିବ ଏବଂ ଧାନ ବିକ୍ରୟ କରି ଆବଶ୍ୟକ ଖର୍ଚ୍ଚ ପୂରଣ କରିଥାଏ l ତାର ଝାଳବୁହା ମେହେନତ ର ଫଳ ସ୍ୱରୂପ ଉପାର୍ଜିତ ଧାନଥାଇ  ସାହୁକାର କୁ ଅଧିକ ସୁଧ ଦେଇ ଋଣ ଆଣିବାକୁ ବାଧ୍ୟ ହେବ ସେଥିପାଇଁ ଦାୟୀ କିଏ ?ଏପରି ଅନେକ ପ୍ରଶ୍ନରେ ଜର୍ଜରିତ ଏପରି ତ୍ରୁଟି ପୂର୍ଣ୍ଣ ଟୋକନ ବ୍ୟବସ୍ଥା ଫଳରେ ଓଡ଼ିଶାର ୩ ଲକ୍ଷ ଚାଷୀ, ବରଗଡ ଜିଲ୍ଲା ରେ ୨୦ ହଜାର ପଞ୍ଜିକୃତ ଚାଷୀ ଧାନ ବିକ୍ରି ନ ପାରିବାରୁ ହଜାରେ ଏଗାର ଶହ ଟଙ୍କା ରେ ବେପାରୀ ମାନଙ୍କ ପାଖରେ ବିକ୍ରୟ କରିବାକୁ ସେମାନେ ବାଧ୍ୟ ବୋଲି ଶ୍ରୀ ମହାପାତ୍ର ଆମ ସାମ୍ବାଦିକ ଙ୍କ ପ୍ରଶ୍ନ ରେ ପ୍ରକାଶ କରିଛନ୍ତି l