02-Nov-2021

 ବିନିକା(ହିମାଂଶୁ ଶେଖର ପୁଟେଲ) ଆଉ ଦିନକ ପରେ ଆଲୋକରର ପର୍ବ ଦୀପାବଳି l କୋଭିଡ଼ କଟକଣା ଯୋଗୁଁ ଗତବର୍ଷ ଆଡମ୍ବରପୂର୍ଣ୍ଣ ଭାବେ ପାଳନ ହୋଇନଥିବା ଏହି ପର୍ବକୁ ଏଥର କିନ୍ତୁ ଧୁମଧାମରେ ପାଳନ କରିବା ନେଇ ଆରମ୍ଭ ହୋଇଗଲାଣି ସଜବାଜ l ଆଗଭଳି ଦୀପାବଳି ପାଳନର ଆଦତା ବର୍ତ୍ତମାନର ଡିଜିଟାଲ ଦୁନିଆରେ ବଦଳି ଯାଇଛି l ଚିକନିକ ଇଲେକ୍ଟ୍ରି ବଳବ୍ ଓ ଭଳିକିଭଳି ରଙ୍ଗୀନ ମହମବତୀର ଚାହିଦା ବୃଦ୍ଧି ପାଉଥିବାରୁ ମାଟିଦୀପ ହଜିଗଲାଣି l ପୂଜାରେ ଲାଗିବା ପରମ୍ପରା ରହିଥିବାରୁ ଗୋଟିଏ ହେଉକି ଦୁଇଟି ଦୀପ ଜାଳି କାମ ସାରି ଦେଉଛନ୍ତି l ମାଟିଦୀପର ଚାହିଦା ଦିନକୁ ଦିନ କମୁଥିବାରୁ ଏହାରି ଉପରେ ନିର୍ଭର କରି ପେଟ ପୋଷୁଥିବା କାରିଗରଙ୍କ ଉପରେ ପ୍ରଭାବ ପକାଇଛି l ଫଳରେ କୁମ୍ଭକାର ମାନେ ଏହି ବୃତ୍ତିକୁ ମୁହଁ ମୋଡ଼ି ଦେଲେନି l ମାଟି କାମରୁ ଆଉ ଚଲି ହେଉ ନାହିଁ ବୋଲି ଦୁଃଖର ସହ ଫୁଲମୁଠି ଗ୍ରାମର ମାଖୁନ ରଣା କହିଛନ୍ତି l ଅଧିକାଂଶ ପରିବାର ନିଜର କୌଳିକ ବୃତ୍ତିକୁ ଛାଡି ଅନ୍ୟତ୍ର କାମ ଆପଣେଇଥିବା  ଜଣାପଡିଛି l ପର୍ବପର୍ବାଣୀରେ କୁମ୍ଭାର ମାନଙ୍କୁ ଲୋକେ ମନେ ପକାଉଥିବାରୁ ପୂର୍ବ ପୁରୁଷଙ୍କ ବୃତ୍ତିକୁ ବଞ୍ଚାଇବା ପାଇଁ କୁମ୍ଭକାର ପରିବାର ପୂଜାରେ ଲାଗୁଥିବା ସାମଗ୍ରୀ  ଲାଭକ୍ଷତି କୁ ସହି ତିଆରି କରୁଥିବା ସିଲାଟି ଗ୍ରାମର ବୃନ୍ଦାବନ ରଣା କହନ୍ତି l ବିଶେଷ କରି ଦୀପାବଳି ପର୍ବର କିଛିଦିନ ପୂର୍ବରୁ ବିନିକା ସହରରେ ଥିବା କୁମ୍ଭକାର ପରିବାର ଓ ଏହି ବ୍ଲକ ଅଧିନସ୍ଥ ଫୁଲମୁଠି, ସିଲାଟି,କୁହିବାହାଲ ଗ୍ରାମରେ ରହୁଥିବା ପରିବାର ଦୀପ ତିଆରି କରିଥାନ୍ତି l ସମୟ ଥିଲା ମାସକ ଆଗରୁ ଗ୍ରାହକ ମାନେ ଘରକୁ ଆସି ଦୀପ କିଣି ନେଉଥିବାରୁ ବେଶ ଦୁଇ ପଇସା ମିଳୁଥିଲା l ଏବେ କିନ୍ତୁ ମୂଲଚାଲ କରି ନିଜସ୍ଵ ଦୋକାନରେ ବିକ୍ରି କରୁଥିବାରୁ ପାରିଶ୍ରମିକ ମୂଲ୍ୟ ଉଚିତ ଭାବେ ମିଲୁ ନଥିବା କେତେକ କୁମ୍ଭକାର ପ୍ରକାଶ କରନ୍ତି l ପୂଜା ପାର୍ବଣ ଓ ବାହାଘର ବେଳେ ବିଭିନ୍ନ ମୂର୍ତ୍ତି,କଳସ,ଦୀପ,ଧିପାଲି,କୁପି,ହାଣ୍ଡି,ମାଠିଆ ଆଦି ଅନେକ ଜିନିଷ ତିଆରି ପାଇଁ ଲଟକା ମାଟି ଆବଶ୍ୟକ ହେଉଥିବାରୁ ଏହା ମଧ୍ୟ ଠିକ ଭାବରେ ମିଳୁ ନଥିବା,ପୋଡିବା ପାଇଁ ଜାଳେଣି ଅଭାବ,ପାରିଶ୍ରମିକ ମୂଲ୍ୟ ନ ମିଳିବା,ମାଟି ତିଆରି ସାମଗ୍ରୀ ବିକ୍ରୀ ହେଉ ନଥିବାରୁ ପରିବାର ଚଳାଇବା ପାଇଁ କୁମ୍ଭଜାର ବାଧ୍ୟହୋଇ ମାଟିକାମ ଛାଡି ଅନ୍ୟାନ୍ୟ କାମଧନ୍ଦାକୁ ବାଛି ନେଇଛନ୍ତି l ସରକାର ବିଭିନ୍ନ ଯୋଜନା ପ୍ରଣୟନ କରୁଛନ୍ତି ହେଲେ କୁମ୍ଭକାର ମାନଙ୍କ ପାଇଁ ସେଭଳି ଯୋଜନା ନଥିବାରୁ ପୂର୍ବପୁରୁଷଙ୍କ ବୃତ୍ତିକୁ ବଞ୍ଚାଇବାରେ ସଂଗ୍ରାମରତ କୁମ୍ଭକାରଙ୍କ କୌଳିକ ବୃତ୍ତି ଲୋପ ପାଇବାର ଆଶଙ୍କା ରହିଛି l ଏହାଯଦି ଲୋପ ପାଇ ଯାଏ ତେବେ ଆଗାମୀ ପିଢ଼ି କୁମ୍ଭକାର ମାନଙ୍କ ବୃତ୍ତି କଣ ଥିଲା,ସେମାନେ କଣ ତିଆରି କରୁଥିଲେ ତାହା ଭୁଲି ଯିବେ l ତେଣୁ ଏ ଦିଗରେ ଉଭୟ ରାଜ୍ୟ ଓ କେନ୍ଦ୍ର ସରକାର ଦୃଷ୍ଟି ଦେବାକୁ ଦାବି ହେଉଛି l