28-Oct-2021

ଢେଙ୍କାନାଳ (ତାପସ ଦାସ) ଆଜି ଢେଙ୍କାନାଳର ମିନି ଷ୍ଟାଡିୟମ ଠାରେ ଇକୋ ବ୍ୟାଙ୍କ ତରଫରୁ ଏକ ବିରାଟ ଋଣ ମେଳାର ଆୟୋଜନ କରାଯାଇଥିଲା । ଏହି ଋଣ ମେଳାକୁ ଦ୍ୱୀପ ପ୍ରଜ୍ବଳନ କରି ଶୁଭ ଉଦ୍ଘାଟନ କରିଥିଲେ ଢେଙ୍କାନାଳର ବିଧାୟକ ସୁଧୀର କୁମାର ସାମଲ । ଅନ୍ୟ ଅତିଥିମାନଙ୍କ ମଧ୍ୟରେ ଢେଙ୍କାନାଳ ଜିଲ୍ଲାପାଳ ସରୋଜ କୁମାର ସେଠୀ, ନାବାର୍ଡ ର ଜେନେରାଲ ମ୍ୟାନେଜର ଡକ୍ଟର ଜ୍ଞାନେନ୍ଦ୍ର ରାଉତ, ଓଡିଶା ଗ୍ରାମ୍ୟ ବ୍ୟାଙ୍କ ର ରେଜିଓନାଲ ମ୍ୟାନେଜର ପ୍ରଭାକର ରାଉତ, ଉପଜିଲ୍ଲାପାଳ ରବିନାରାୟଣ ତ୍ରିପାଠୀ, ଡେପୁଟି ଜୋନାଲ ହେଡ଼ ଶ୍ରୀମତୀ ଚନ୍ଦ୍ରମା ଗିରେମ , ଏଲ୍ ଡି ଏମ୍  ଢେଙ୍କାନାଳ ଶ୍ରୀଯୁକ୍ତ ସନଜ ସିଂ ପ୍ରମୁଖ ଉପସ୍ଥିତ ଥିଲେ । ଆଜିର ଋଣ ମେଳାରେ ୨୨ଗୋଟି ବ୍ୟାଙ୍କ ସାମିଲ ହୋଇଥିଲେ । କୋଭିଡ଼ ସମୟରେ ସାହାଯ୍ୟର ହାତବଢ଼।ଇବା ପାଇଁ ବ୍ୟାଙ୍କ ମାନେ ଯେଉଁ ଆଗକୁ ଆସିଛନ୍ତି ସେଥିପାଇଁ ମାନ୍ୟବର ବିଧାୟକ ସେମାନଙ୍କୁ ସ୍ୱାଗତ କରିଥିଲେ । ମିଶନ ଶକ୍ତିକୁ ସୁଦୃଢ଼ କରିବା ପାଇଁ ସ୍ଵୟଂ ସହାୟକ ଗୋଷ୍ଟିମାନଙ୍କୁ ମାଛଚାଷ, ବାଉଁଶ କାମ,କୁକୁଡ଼ା ପାଳନ, ଗୋପାଳନ ଆଦି କାମପାଇଁ ଋଣ ପ୍ରଦାନ କରାଯାଇଥିଲା । ସ୍ଵୟଂ ସହାୟକ ଗୋଷ୍ଠି ମାନେ ଋଣ ନେଇ ସଠିକ ଭାବେ ଓ ସଠିକ ସମୟରେ ଋଣ ପରିଷୋଧ କରିବାକୁ ମାନନୀୟ ବିଧାୟକ କାମନା କରିଛନ୍ତି । ଜାହାଦ୍ୱାରାକି ବ୍ୟାଙ୍କର ଯେଉଁ ୧୦% ରୁ ୧୨%ଶୁଦ୍ଧ ଅଛି ସେଥିରୁ ମୁକ୍ତି ପାଇବେ ।ଆଗକୁ ଢେଙ୍କାନାଳ ଜିଲ୍ଲାରେ କୃଷିକୁ ଅଧିକ ଧ୍ୟାନ ଦେବାସହ ସେମାନଙ୍କୁ କିଭଳି ଭାବେ ସ୍ୱାବଲବୀ କରାଯାଇପାରିବ ସେଥିପ୍ରତି ଅଧିକ ଧ୍ୟାନ ଦିଆଜିବବୋଲି ଢେଙ୍କାନାଳର  ଜିଲ୍ଲାପାଳ ମତ ଦେଇଥିଲେ । ଆଜିର ଏହି ଋଣ ମେଳାରେ ୮୮୬ଟି ଆକାଉଣ୍ଟ କୁ ୩୪.୯୭ କୋଟି ଟଙ୍କା ଋଣ ପ୍ରଦାନ କରାଯାଇଥିଲା ।