04-Nov-2020

ଉଲୁଣ୍ଡା,( ଗୌରଚନ୍ଦ୍ର ପରିଛା) ୪ା୧୧ ଉଲୁଣ୍ଡା ବ୍ଲକ କୋଟସମଲାଇ ପଂଚାୟତର ଖୁଂଟୁଲାପାଲି ଠାରେ ଜୟମାଁ ଗଜଲକ୍ଷ୍ମୀ କ୍ରିକେଟ ଟୁର୍ଣ୍ଣାମେଂଟ ଉଦଘାଟିତ ହୋଇଯାଇଛି ।  ଉଦଘାଟନୀ ମ୍ୟାଚରେ କୋଟସମଲାଇକୁ ପରାସ୍ତ କରି ଉଫୁଲା ଦଲ ସେମିଫାଇନାଲରେ ପ୍ରବେଶ କରିଛି । ଆୟୋଜିତ ଉଦଘାଟନୀ ଉତ୍ସବରେ ଉତର କୁମାର ପାତ୍ର ମୁଖ୍ୟ ଅତିଥି ଭାବରେ ଯୋଗଦେଇ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବରେ  ସନ୍ତୋଷ ଭୋଇ, ନନ୍ଦିଘୋଷ ବଘାର, ପ୍ରମୋଦ ପାତ୍ର ଯୋଗଦେଇଥିଲେ । ପ୍ରଥମ ମ୍ୟାଚରେ ଉଫୂଲା ଦଲ ଟସ ଜିଣି ପ୍ରଥମେ ବ୍ୟାଟିଙ୍ଗ କରି ନିର୍ଦ୍ଧାରିତ ୧୦ ଓଭରରେ ୯ ଉଇକେଟ ହରାଇ ୧୧୩ ରନ କରିଥିଲେ । ଦଲ ପକ୍ଷରୁ ସର୍ବାଧିକ ଗୁଗୁନ ୨୯ ରନ କରିଥିଲେ । ଏହାର ଜବାବରେ କିରାସିରା ବ୍ୟାଟିଙ୍ଗ ଆରମ୍ଭ କରି  ନିର୍ଦ୍ଧାରିତ ଓଭରରେ ସମସ୍ତ ଉଇକେଟ ହରାଇ ୧୦୪ ରନ କରି ପରାଜୟ ହୋଇଥିଲା । ଦ୍ୱୀତିୟ ମ୍ୟାଚରେ ଜାଲୋଏ ଦଲ ଟସ ଜିଣି ଫିଲଡିଙ୍ଗର ନିଷ୍ପତି ନେଇଥିଲା । କୋଟସମଲାଇ ଦଲ ବ୍ୟାଟିଙ୍ଗ କରି ନିର୍ଦ୍ଧାରିତ ୧୦ ଓଭରରେ ୬ ଉଇକେଟ ହରାଇ ୧୧୬ ରନ କରିଥିବା ବେଲେ ଜାଲୋଏ ଦଲ ୧୧୭ ରନର ବିଜୟ ଲକ୍ଷ ନେଇ ଖେଲ ଆରମ୍ଭ କରିଥିଲେ ମଧ୍ୟ ୧୦୬ ରନ କରି ପରାସ୍ତ ହୋଇଥିଲା । ପ୍ରଥମ କ୍ୱାଟର ଫାଇନାଲରେ କୋଟସମଲାଇ ଦଲ ନିର୍ଦ୍ଧାରିତ ୫ ଓଭରରେ ୮ ଉଇକେଟ ହରାଇ ୪୫ ରନ କରିଥିବା ବେଲେ  ଉଫୂଲା ଦଲ ଆବଶ୍ୟକ ରନ ସଂଗ୍ରହ କରି ସେମିଫାଇନାଲରେ ପ୍ରବେଶ କରିଥିଲା । ଖେଲକୁ ରଂଜନ ପାତ୍ର ଏବଂ ପ୍ରତ୍ୟୁସ ରଂଜନ ମିଶ୍ର ପରିଚାଲନା କରିଥିଲେ । ଅର୍ଜୂନ ସେଠୀ ଧାରାବିବରଣୀ ପ୍ରଦାନ କରିଥିବା ବେଲେ ଶ୍ୟାମ ସୁନ୍ଦର ଭୋଇ ସ୍କୋରର ଦାଇତ୍ୱ ତୁଲାଇଥିଲେ ।