25-Oct-2021

ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଉପଖଣ୍ଡ ଗୋଟିଏ ଦାଦନ ପ୍ରବଣ ଅଞ୍ଚଳ ହୋଇଥିବାବେଳେ ଏବେ ସେହି ଦାଦନ ଚାଲାଣ ଋତୁ ଆସିଥିବାରୁ ଦାଦନ ଦଲାଲ୍ ମାନେ ଗାଁ ଗାଁ କୁ ଆସି ଦାଦନ ମାନଙ୍କୁ ବାହାର ରାଜ୍ୟ ନେବାକୁ ବସିଲେଣି। ସୂଚନାଯୋଗ୍ୟ ଯେ ୨୪/୧୦/୨୧ ବିଲମ୍ବିତ ରାତି ରେ ବେଲପଡା ପୋଲିସ ୧୫ ଜଣ ଦାଦନ ଶ୍ରମିକ ଉଦ୍ଧାର କରିବା ସହ ୨ ଜଣଙ୍କୁ ଗିରଫ କରିଥିବା ଜଣାପଡ଼ିଛି। ଗତକାଲି ରାତିରେ ଲୋଇସିଂହା ଅଞ୍ଚଳ ରୁ ଦାଦନ ଶ୍ରମିକ ଆଣି ବେଲପଡା ଥାନା ବେହେରା ମୁଣ୍ଡା ଗାଁ ର ଧର୍ମେନ୍ଦ୍ର ରାଉତ ଦାଦନ ଚାଲାଣ କରୁଥିବା ବେଳେ ଦର୍ହୋମୁଣ୍ଡା ଜଙ୍ଗଲ ଠାରୁ ଶ୍ରମିକ ଉଦ୍ଧାର କରିବା ସହ ସର୍ଦ୍ଦାର ଓ ଦର୍ଲିମୁଣ୍ଡା ର ଅଶୋକ ସାହୁ କୁ ଗିରଫ କରି ଥାନାକୁ ଆଣିଥିଲେ। ଦାଦନ ଶ୍ରମିକ ମଧ୍ୟରେ ୬ ମହିଳା ୭ଜଣ ପୁରୁଷ ଓ ୨ ଜଣ ଶିଶୁ ଥିଲେ। ଥାନା ରେ କେଶ ନମ୍ବର ୨୨୯/୨୧ ମାମଲା ରୁଜୁ କରି ସୋମବାର କୋର୍ଟ ଚାଲାଣ କରିଥିବା ସୂଚନା ମିଳିଛି। ଛୋଟ ଛୋଟ ପିମ୍ପୁଡ଼ି ମାନଙ୍କୁ ଧରି ବେଲପଡା ପୋଲିସ ବାହୋସ୍ପଟ ମାରୁଥିବା ବେଳେ କଣ୍ଟାବାଞ୍ଜି ଅଞ୍ଚଳର ବଡ଼ ବଡ଼ ଦାଦନ ଦଲାଲ୍ ବେଲପଡା ଅଞ୍ଚଳ ରୁ ଅନେକ ଦାଦନ ଶ୍ରମିକ ନେଉଛନ୍ତି ବୋଲି ଜନସାଧାରଣରେ ଚର୍ଚ୍ଚା ହେଉଛି। ଏମାନଙ୍କ ପ୍ରତି ଯଦି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାହୁଅନ୍ତା ତାହେଲେ ବହୁତ ଭଲ ହୁଅନ୍ତା ବୋଲି ଅଞ୍ଚଳରେ ରେ ଲୋକେ କୁହାକୁହି ହେଉଥିବା ଶୁଣିବାକୁ ମିଳୁଛି।