24-Oct-2021

ପଦ୍ମପୁର(ନିରଞ୍ଜନ ତ୍ରିପାଠୀ) : ବରଗଡ଼ ଜିଲ୍ଲା ରାଜବୋଡାସମ୍ୱର ବ୍ଳକର ଦହିତା ଗ୍ରାମପଞ୍ଚାୟତ ଅନ୍ତର୍ଗତ ଭାଲୁଡୁଙ୍ଗୁରୀ ଗ୍ରାମରେ ପ୍ରକୃତି ବଂଧୁ ମୀନକେତନ ସାହୁଙ୍କ ଆହ୍ୱାନ କ୍ରମେ ଭାଲୁଡୁଙ୍ଗୁରୀ ବନସୁରକ୍ଷା ସମିତିର ସଭାପତି ଚୈତନ୍ୟ ବରିହାଙ୍କ ସଭାପତିତ୍ବରେ ଗ୍ରାମର ଯୁବକ ମାନଙ୍କୁ ନେଇ ଏକ ବୈଠକ ସ୍ଥାନୀୟ କଲ୍ୟାଣ ମଣ୍ଡପ ଠାରେ ଅନୁଷ୍ଠିତ ହୋଇଯାଇଅଛି l ଉକ୍ତ ବୈଠକରେ ପ୍ରକୃତି ବଂଧୁ ମୀନକେତନ ସାହୁ ଯୋଗଦେଇ ବୃକ୍ଷରୋପଣ, ଜଙ୍ଗଲ ସୁରକ୍ଷା,ବୃକ୍ଷର ଯତ୍ନ ସହ ତାର ବଂଶବିସ୍ତାର ସମ୍ପର୍କରେ ଉଦବୋଧନ ଦେବାସହ ପ୍ରାକୃତିକ ବିପର୍ଯ୍ୟୟରୁ ରକ୍ଷାପାଇଁ ସମସ୍ତ ଜନସାଧାରଣ ଏଦିଗରେ ସଚେତନ ପୂର୍ବକ ଆଗେଇ ଆସିବାକୁ ଆହ୍ୱାନ ଦେଇଥିଲେ l ଗ୍ରାମର ପିଲାମାନେ କାର୍ଯ୍ୟକ୍ରମରେ ସକ୍ରିୟ ଅଂଶଗ୍ରହଣ ପୂର୍ବକ ଉପସ୍ଥିତ ଯୁବକ ମାନଙ୍କୁ ନେଇ ପରିବେଶ ସୁରକ୍ଷା ପାଇଁ କାମ କରିବାକୁ ସବୁଜ ସାଥି ଭାଲୁଡୁଙ୍ଗୁରୀ ନାମରେ ଏକ କମିଟି ଗଠିତ ହେଲା l ଏହି କମିଟିରେ ସୁରେଶ  ମେହେରଙ୍କୁ ସବୁଜ ସାଥିର ମୁଖ୍ୟ ଓ ପ୍ରବକ୍ତା ଭାବେ ଶ୍ୟାମସୁନ୍ଦର ମେହେରଙ୍କୁ ମନୋନୀତ କରାଯାଇଥିବା ବେଳେ ସର୍ବଶ୍ରୀ ରଜନୀକାନ୍ତ ମେହେର, କେଶବ ସେଠ, ସୁଶାନ୍ତ ବରିହା, ଗଙ୍ଗାଧର ସେଠ,ଅଜୟ କୁମାର ଭୋଇ, ରମେଶ ବରି‌ହା, ନାରାୟଣ ସେଠ,ବିଜୟ କୁମାର ଭୋଇ, ପ୍ରଶାନ୍ତ ଦୀପ, ପ୍ରହଲ୍ଲାଦ ସେଠ,ସୁଦାମ ତାଣ୍ଡି, ରବିନ୍ଦ୍ର ମେହେର, ଲକ୍ଷ୍ମଣ ବରି‌ହା,ମୋତିଲାଲ ମେହେର, ଖଗେଶ୍ବର ମେହେର ଏବଂ ସୁଧାଂଶୁ ଶେଖର ଭଇଁଶାଲଙ୍କୁ ସବୁଜ ସାଥି ର ସଭ୍ୟ ଭାବେ ମନୋନୀତ ହେଲେ l ପ୍ରତ୍ୟକ ସଭ୍ୟ ଗୋଟିଏ ଗୋଟିଏ ବୃକ୍ଷ ରୋପଣ ସହିତ ପୋଷ୍ୟ ଭାବେ ଗ୍ରହଣ କରି ପରିବେଶ ସୁରକ୍ଷା କାର୍ଯ୍ୟକ୍ରମକୁ ଆଗକୁ ଆଗେଇ ନେବାକୁ ଶପଥଗ୍ରହଣ କରିଛନ୍ତି l