19-Oct-2021

ବୀରମହାରାଜପୁର ( ବିନୋଦ ପାଣ୍ଡେ   ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡ ର ମୁର୍ଷୃଣ୍ଢୀ ଠାରେ ହେବାକୁ ଥିବା ୩୯ ତମ ଗଜଲକ୍ଷ୍ମୀ ପୂଜା ପାଇଁ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି ।  ପୂଜା କମିଟି ର ସଦସ୍ଯ ଓ ଗ୍ରାମର ମହିଳା ମାନେ ଏକତ୍ରିତ ହୋଇ ନିକଟସ୍ଥ ପୋଖରୀ କୁ ଯାଇ 

ଗଙ୍ଗାମାତ ଙ୍କୁ ଆବାହନ କରି ପୂଜାର୍ଚ୍ଚନା କରିଥିଲେ । ଏକ ଆଧ୍ୟାତ୍ମିକ ପରିବେଶ ରେ ପୂର୍ଣ କଳସୀ ଧରି ନାମ ସଂକୀର୍ତ୍ତନ ସହ ହରିବୋଲ ହୁଳାହୁଳି   ଧ୍ବନିରେ ଗ୍ରାମ ପରିକ୍ରମା କରି ପଣ୍ଡପରେ ପହଞ୍ଚିଥିଲେ । ଚିତ୍ତରଞ୍ଜନ ସାହୁ ତାଙ୍କର ଧର୍ମ ପତ୍ନୀ ସୁନୀତା ସାହୁ କର୍ତ୍ତା ଭାବେ ଦାୟିତ୍ବ ତୁଲାଇ ଥିବା ବେଳେ ପଣ୍ଡିତ ସଚ୍ଚିଦାନନ୍ଦ ପଣ୍ଡା ପୂଜା କାର୍ଯ୍ୟ ତୁଲାଇଥିଲେ । ଆଜିଠାରୁ ଶହେରୁ ଅଧିକ କମିଟର  ସଦସ୍ଯ ନିଷ୍ଠା ଓ କାଷ୍ଠ ସହ ବ୍ରତ ଧାରଣ କରିଥାନ୍ତି । ଆସନ୍ତା କାଲି ଠାରୁ ତିନିଦିନ ଧରି  ମା ଗଜଲକ୍ଷ୍ମୀ ଙ୍କ ପୂଜା ଅନୁଷ୍ଠିତ ହେବ ଏବଂ ପ୍ରତ୍ୟେକ ଦିନ ରାମାୟଣ ପାରାୟଣ  ହେବା ସହ ସନ୍ଧ୍ୟାରେ ସମୟରେ

ଭୋଜନ ସମାରୋହ ଅନୁଷ୍ଠିତ ହେବା ନେଇ କମିଟିର ସଭାପତି ଲବକୁମାର ସାହୁ ସୂଚନା ଦେଇଛନ୍ତି । ପୂଜା କମିଟିର ରାଜଗୋପଲ ପାଣିଗ୍ରାହୀ, ସତ୍ଯ ମୋହନ ବେଦପାଣୀ, କୁଶ କୁମାର ସାହୁ, ବିଦ୍ୟାଧର ଖୁର୍ଡିଆ, ତ୍ରିୟଞ୍ଜିବ ମିଶ୍ର, ଧନଞ୍ଜୟ ସାହୁ, ବଳରାମ ପଧାନ, ଶାନ୍ତାନୁ ଖେତି , ସନ୍ତୋଷ ସମର୍ଥକ ସହ ଅନ୍ଯ ସଦ୍ୟସ ମାନେ ସାମିଲ ଥିଲେ ।