18-Oct-2021

ପାଟଣାଗଡ଼ (ପ୍ରେରଣା ଖବର) ବଲାଙ୍ଗିର ଜିଲ୍ଲା ବେଲପଡା ସହର ଗିରି ଗୋବର୍ଦ୍ଧନ ମନ୍ଦିର ଖେଳ ପଡିଆ ରେ ୮ ଦିନ ଧରି ଚାଲିଥିବା ଜୟବୀର ହେଲ୍ଦ କ୍ଳବ ତରଫରୁ ଫୁଟବଲ ଟୁର୍ନାମେଣ୍ଟ ର ଫାଇନାଲ ମ୍ୟାଚ ଆଜି ଅନୁଷ୍ଠିତ ହୋଇଥିଲା। ସମସ୍ତ ଦଳ କୁ ହରାଇ ବିଛୁବାହାଲି ଓ ଦର୍ଲିମୁଣ୍ଡା ମଧ୍ୟରେ ଆଜି ଫାଇନାଲ ମ୍ୟାଚ ହୋଇଥିବାରୁ ଆଜି ମୁଖ୍ୟ ଅତିଥି ଭାବେ

ଗୌତମ ଅଗ୍ରୱାଲ ଯୋଗଦାନ କରିଥିଲେ। ସମ୍ମାନୀତ ଅତିଥି ଭାବେ ବେଲପଡା ସରପଞ୍ଚ ମହାଦେବ ମେହେର, ଏସ୍ ବି ଆଇ ବ୍ୟାଙ୍କ ମ୍ୟାନେଜର ପଣ୍ଡା ଯୋଗଦାନ କରି ଖେଳାଳି ଙ୍କୁ ଉତ୍ସାହିତ କରୁଥିଲେ। ଦୁଇ ଦଳ ମଧ୍ୟରେ ଜୋରଦାର ପ୍ରତିଯୋଗିତା ହେବା ପରେ ବିଛୁବାହାଲି କୁ ୩ ଗୋଲ୍ ଦେଇ ଦର୍ଲିମୁଣ୍ଡା ବିଜୟୀ ହୋଇଥିଲେ। ବିଜୟୀ ଦଳକୁ ୫୦୦୦ ଟଙ୍କା ଓ ରନର୍ସ ଦଳକୁ ୩୦୦୦ ଟଙ୍କା ପୁରସ୍କାର ଦିଆଯାଇଥିଲା।ଲକ୍ଷ୍ମଣ ଛତ୍ରୀଆ କୁ ମ୍ୟାନ ଅଫ ଦି ମ୍ୟାଚ ପୁରସ୍କାର ଦିଆଯାଇଥିବା ବେଳେ ଦର୍ଲିମୁଣ୍ଡା ର ଅଜିତ ଓ ସହଯୋଗୀ କୁ ମ୍ୟାନ ଅଫ ଦି ସିରିଜ ପ୍ରଦାନ କରାଯାଇଛି। ପୁରସ୍କାର ବିତରଣ ସମୟରେ ଜୟବୀର ହେଲ୍ଦ କ୍ଳବ ର ସଭାପତି ହରିଶ ବୁଡେକ, ସମ୍ପାଦକ ନରୋତ୍ତମ ସେଠ,ଖେଳ ପରିଚାଳନା ଚୈତନ୍ୟ ସାହୁ ଓ କ୍ଳବ ର ସଦସ୍ୟ ଧର୍ମେନ୍ଦ୍ର ସେଠ, ଜନ୍ମଜୟ ପୁଟେଲ, ଆଲୋକ ବେହେରା, ପିଣ୍ଟୁ ଅଗ୍ରୱାଲ, ଅକ୍ଷୟ

ବେହେରା, ମୋହନ ସେଠ, ଯୁଧିଷ୍ଠିର ସେଠ ଏବଂ ଦୁଇ କୁନି ସଦସ୍ୟ ସମୀର ବୁଡେକ ଓ ସୁଧିର ବୁଡେକ ଉପସ୍ଥିତ ରହି ସହଯୋଗ କରିଥିଲେ। ଆଜି ର ମ୍ୟାଚ ଦେଖିବାକୁ ବେଲପଡା ଅଞ୍ଚଳ ର ଅନେକ ଦର୍ଶକ ଆସିଥିଲେ। ଆଗାମୀ ଦିନରେ ଏହି ମ୍ୟାଚ କୁ ଆହୁରି ସୁଦୃଢ଼ ଓ ସୌନ୍ଦର୍ଯ୍ୟ କରିବା ପାଇଁ ଚେଷ୍ଟା ଚାଲିଥିବ ବୋଲି ସଭାପତି ହରିଶ ବୁଡେକ ମନ୍ତବ୍ୟ ଦେଇଛନ୍ତି।