16-Oct-2021

ବୀରମହାରାଜପୁର,   ( ବିନୋଦ ପାଣ୍ଡେ ) :ବିରାମହରାଜପୁର  ବ୍ଲକ ଅଧିନସ୍ଥ ମୁର୍ଷୁଣ୍ଢୀ ପଞ୍ଚାୟତ ଅନ୍ତର୍ଗତ ଯୁବରାଣୀ ସୀତାପୁର ଠାରେ  ନିଶାମୁକ୍ତ ପକ୍ଷ  ପାଳନ ଅନୁଷ୍ଠିତ ହୋଇଯାଇଛି l ଡ଼ୁମାଳ ସମାଜ ଗ୍ରାମ୍ୟ ସଭାପତି  ଲବ  ପଧାନ ପ୍ରଥମେ ମାହେଶ୍ୱରୀ ପୂଜାର୍ଚନା ସହ ସଭାପତିତ୍ୱ  କରିଥିଲେ l ଦେବାର୍ଚ୍ଚନ ଚାଉଳିଆ ମୁଖ୍ୟ  ଅତିଥି,

ସମ୍ମାନିତ ଅତିଥି  ଭାବେ  ସମାଜସେବୀ ସୁଦାମ ଗାଈଗରିଆ, ଦିଲ୍ଲୀପ ପଧାନ, ଦୀନବନ୍ଧୁ  ଶଙ୍ଖୁଆ, ଉପେନ୍ଦ୍ର ମହାକୁର, ଶଙ୍କର୍ଷଣ ଛନ୍ଦ,ଦୟା ସାଗର  ମେଣ୍ଡିଲି , ଅକ୍ରୁର ନାଏକ ପ୍ରମୁଖ  ଉପସ୍ଥିତ ଥିଲେ l ଏଥିରେ  ବିଭିନ୍ନ ପୂଜା ପାର୍ବଣ, ବିବାହ  କାର୍ଯ୍ୟକ୍ରମ ମାନଙ୍କରେ  ନିଶା ସେବନ  କୁ ସମ୍ପୂର୍ଣ ବନ୍ଦ କରିବାକୁ  ନିଷ୍ପତି ନିଆଯାଇଥିଲା l ସୁଦାମ ଗାଈଗରିଆ  ବାଲ୍ୟ ବିବାହ ଓ ନିଶା ନିବାରଣ ଉପରେ  ସମ୍ପୂର୍ଣ ଅବଗତ  କରିବା  ସହ   ବିଭିନ୍ନ  ଆଇନ ଉପରେ  ପରାମର୍ଶ  ପ୍ରଦାନ କରିଥିଲେ ଏବଂ ପ୍ରତ୍ୟେକ ଜାତି ସମାଜ  ନିଜେ ନିଜେ ସଚେତନ  ହେବା ସହ  ପରିବାର  ବର୍ଗ ଙ୍କୁ  ସଚେତନ  କରିବାକୁ ଅନୁରୋଧ  କରାଯାଇଥିଲା l ପଞ୍ଚାୟତ ର ସମସ୍ତ  ଗ୍ରାମ୍ୟ କମିଟି  ମାନଙ୍କୁ ମୁର୍ଷୁଣ୍ଢୀ  ଠାରେ  ନିର୍ମାଣ ହେବାକୁ ଥିବା  ମାହେଶ୍ୱରୀ ସଂସ୍କୃତି ଭବନ ସକାଶେ ସମସ୍ତ  ଙ୍କ ସାହାର୍ଯ୍ୟ ସହଯୋଗ  ପାଇଁ ନିବେଦନ କରାଯାଇଥିଲା l

ଗ୍ରାମ୍ୟ କମିଟି  ସଭ୍ୟ ଧୂବାଇ  ପଧାନ, ବୈଶାଖୁ  ପଧାନ, ବିଶ୍ଵାମିତ୍ର ପଧାନ, ଛଟା  ପଧାନ, ଧର୍ମୁ  ପଧାନ, ପ୍ରଫୁଲ୍ଲ ପଧାନ, ଅରୁଣ ପଧାନ, ହିରଣ୍ୟ ପଧାନ, ବିଷ୍ଣୁ ପଧାନ ପ୍ରମୁଖ  ସହଯୋଗ  କରିଥିଲେ l ଉମାଶଙ୍କର  ପଧାନ  ଧନ୍ୟବାଦ ଦେଇଥିଲେ l