02-Nov-2020

ବରଗଡ଼(ମୁକୁନ୍ଦ  ଦାଶ),: ଚଳିତ ୨୦୧୯-୨୦ ଶିକ୍ଷାବର୍ଷ ରେ ବିପିୟୁଟି ଦ୍ୱାରା ଅନୁଷ୍ଠିତ ନଲେଜ୍ ବେସ୍‌ଡ୍ ଓପନ୍ ବୁକ୍ ଅନ୍‌ଲାଇନ୍ ଇଞ୍ଜିନିୟରିଂ ପରୀକ୍ଷା ରେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ୍ ଓ ରିମୋଟ୍ ପ୍ରୋକ୍ଟରିଂ ବେସ୍‌ଡ୍ ମନିଟରିଂ ବ୍ୟବସ୍ଥା ବ୍ୟବହୃତ ହୋଇଥିବାବେଳେ ଏହି ପରୀକ୍ଷାରେ ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଛାତ୍ରଛାତ୍ରୀ ଉତ୍କୃଷ୍ଟ ସଫଳତା ହାସଲ କରିଛନ୍ତି । ୬ଷ୍ଠ ସେମିଷ୍ଟାର୍ ପରୀକ୍ଷାରେ କମ୍ପ୍ୟୁଟର ସାଇନ୍ସ୍ ଓ ଇଞ୍ଜିନିୟରିଂ ବିଭାଗର ପ୍ରଭାତ ମେହେର ଓ ରୁକ୍‌ସାର୍ ବାନୋ ୯.୬୭ ଏସ୍‌ଜିପିଏ, ଇଲେକ୍ଟ୍ରିକାଲ୍ ଏଣ୍ଡ୍ ଇଲେକ୍ଟ୍ରୋନିକ୍ସ୍ ଇଞ୍ଜିନିୟରିଂ ବିଭାଗର ପ୍ରିୟବ୍ରତ ସର ଓ ଦେବାଶିଷ ତ୍ରିପାଠୀ ୯.୬୭ ଏସ୍‌ଜିପିଏ, ସିଭିଲ୍ ଇଞ୍ଜିନିୟରିଂ ବିଭାଗର ଅବିନାଶ ରାୟ ୯.୫ ଏସ୍‌ଜିପିଏ, ମେକାନିକାଲ୍ ଇଞ୍ଜିନିୟରିଂ ବିଭାଗର ସୁସ୍ମିତ୍ ପ୍ରମାଣିକ ୯.୧୭ ଏସ୍‌ଜିପିଏ ମାର୍କ୍‌, ଇଲେକ୍ଟ୍ରୋନିକ୍ସ୍ ଏଣ୍ଡ୍ କମ୍ୟୁନିକେସନ୍ ଇଞ୍ଜିନିୟରିଂ ବିଭାଗର ରାଜେଶ ରୋଶନ ମିଶ୍ର ଓ ବନ୍ଦିତା ପ୍ରଧାନ ୯ ଏସ୍‌ଜିପିଏ ମାର୍କ୍ ସହ କଲେଜ ଟପ୍ପର୍ ହୋଇଛନ୍ତି ବୋଲି ବିକାଶ ଗ୍ରୁପ୍‌ର ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀଯୁକ୍ତ ଡି.ନାଗେଶ୍ୱର ରାଓ ସୂଚନା ଦେଇଛନ୍ତି । ମୋଟ୍ ୧୯ଜଣ ୯ ଏସ୍‌ଜିପିଏରୁ ଉର୍ଦ୍ଧ୍ୱ, ୨୪ଜଣ ୮ଏସ୍‌ଜିପିଏ ରୁ ୯ଏସ୍‌ଜିପିଏ ମଧ୍ୟରେ ମାର୍କ ରଖି ସଫଳ ହୋଇଛନ୍ତି । କମ୍ପ୍ୟୁଟର ସାଇନ୍ସ୍ ଓ ଇଞ୍ଜିନିୟରିଂ ବିଭାଗର ୭ଜଣ, ସିଭିଲ୍ ଇଞ୍ଜିନିୟରିଂ ବିଭାଗର ୩ଜଣ, ଇଲେକ୍ଟ୍ରିକାଲ୍ ଏଣ୍ଡ୍ ଇଲେକ୍ଟ୍ରୋନିକ୍ସ୍ ଇଞ୍ଜିନିୟରିଂ ବିଭାଗର ୫ଜଣ, ମେକାନିକାଲ୍ ଇଞ୍ଜିନିୟରିଂ ବିଭାଗର ୨ଜଣ, ଇଲେକ୍ଟ୍ରୋନିକ୍ସ୍ ଏଣ୍ଡ୍ କମ୍ୟୁନିକେସନ୍ ଇଞ୍ଜିନିୟରିଂ ବିଭାଗର ୨ଜଣ ଛାତ୍ରଛାତ୍ରୀ ୯ଏସ୍‌ଜିପିଏ ରୁ ଉର୍ଦ୍ଧ୍ୱ ମାର୍କ ରଖି ସଫଳ ହୋଇଛନ୍ତି । ୪ର୍ଥ ସେମିଷ୍ଟାର୍ ପରୀକ୍ଷାରେ କମ୍ପ୍ୟୁଟର ସାଇନ୍ସ୍ ଓ ଇଞ୍ଜିନିୟରିଂ ବିଭାଗର ନିତିଶ କୁମାର କୁଷ୍ଟା ୯.୩୮ ଏସ୍‌ଜିପିଏ, ଇଲେକ୍ଟ୍ରିକାଲ୍ ଏଣ୍ଡ୍ ଇଲେକ୍ଟ୍ରୋନିକ୍ସ୍ ଇଞ୍ଜିନିୟରିଂ ବିଭାଗର ପ୍ରୀତିମୟୀ ଖମାରୀ ୯.୨୫ ଏସ୍‌ଜିପିଏ, ସିଭିଲ୍ ଇଞ୍ଜିନିୟରିଂ ବିଭାଗର ଅବିନାଶ ମେହେର ୯.୨୫ ଏସ୍‌ଜିପିଏ, ମେକାନିକାଲ୍ ଇଞ୍ଜିନିୟରିଂ ବିଭାଗର ରୁଦ୍ର ପ୍ରତାପ ପ୍ରଧାନ ୯ ଏସ୍‌ଜିପିଏ ମାର୍କ୍ ସହ କଲେଜ ଟପ୍ପର୍ ହୋଇଛନ୍ତି ବୋଲି ବିକାଶ ଗ୍ରୁପ୍‌ର ଡାଇରେକ୍ଟର ଡ.ସମରେନ୍ଦ୍ରନାଥ ପଣ୍ଡା ସୂଚନା ଦେଇଛନ୍ତି । ମୋଟ୍ ୮ଜଣ ୯ ଏସ୍‌ଜିପିଏରୁ ଉର୍ଦ୍ଧ୍ୱ, ୩୫ଜଣ ୮ଏସ୍‌ଜିପିଏ ରୁ ୯ଏସ୍‌ଜିପିଏ ମଧ୍ୟରେ ମାର୍କ ରଖି ସଫଳ ହୋଇଛନ୍ତି । କମ୍ପ୍ୟୁଟର ସାଇନ୍ସ୍ ଓ ଇଞ୍ଜିନିୟରିଂ ବିଭାଗର ୨ଜଣ, ସିଭିଲ୍ ଇଞ୍ଜିନିୟରିଂ ବିଭାଗର ୩ଜଣ, ଇଲେକ୍ଟ୍ରିକାଲ୍ ଏଣ୍ଡ୍ ଇଲେକ୍ଟ୍ରୋନିକ୍ସ୍ ଇଞ୍ଜିନିୟରିଂ ବିଭାଗର ୨ଜଣ, ମେକାନିକାଲ୍ ଇଞ୍ଜିନିୟରିଂ ବିଭାଗର ୧ଜଣ ଛାତ୍ରଛାତ୍ରୀ ୯ଏସ୍‌ଜିପିଏ ରୁ ଉର୍ଦ୍ଧ୍ୱ ମାର୍କ ରଖି ସଫଳ ହୋଇଛନ୍ତି । ଏହି ଅନନ୍ୟ ସଫଳତାରେ ଅନୁଷ୍ଠାନର ଚେୟାରମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ଛାତ୍ରଛାତ୍ରୀମାନଙ୍କ କଠିନ ପରିଶ୍ରମ ଏବଂ ବିକାଶ ର ନିଜସ୍ୱ ପ୍ରସ୍ତୁତ ଭି-ଲର୍ଣ୍ଣିଂ ପୋର୍ଟାଲ୍ ଦ୍ୱାରା ଛାତ୍ରଛାତ୍ରୀମାନଙ୍କୁ ନିୟମିତ ନଲେଜ୍ ବେସ୍‌ଡ୍ ମଲ୍ଟିପୁଲ୍ ଚଏସ୍ ପ୍ରଶ୍ନପତ୍ର ଅଭ୍ୟାସ ଏହି ସଫଳତାର ରହସ୍ୟ ବୋଲି ମତବ୍ୟକ୍ତ କରିଛନ୍ତି । ଅନୁଷ୍ଠାନର ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଭି.ଶ୍ରୀନିବାସ, ଡାଇରେକ୍ଟର ଏକାଡେମିକ୍ସ୍ ଶ୍ରୀ ଜି.ରାମକ୍ରୀଷ୍ଣା, ଡାଇରେକ୍ଟର ଏଡ୍‌ମିନିଷ୍ଟ୍ରେସନ୍ ଶ୍ରୀ ଡି.ବିବେକ, ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍‌ନୋଲୋଜି ଅଧ୍ୟକ୍ଷ ଇଂ.ଅଜୟ ମହାପାତ୍ର ଏହି ସଫଳତାରେ ସନ୍ତୋଷ ବ୍ୟକ୍ତ କରିବା ସହିତ ଏଡ୍‌ମିନିଷ୍ଟ୍ରେଟର୍ ଇଂ.ପୂର୍ଣ୍ଣେନ୍ଦୁ ମିଶ୍ର, ସମସ୍ତ ବିଭାଗର ମୁଖ୍ୟ, ଏକାଡେମିକ୍ କୋଅର୍ଡିନେଟର୍ ତଥା ସମସ୍ତ ଅଧ୍ୟାପକ-ଅଧ୍ୟାପିକା ଏବଂ ଛାତ୍ରଛାତ୍ରୀ ତଥା ତାଙ୍କର ଅଭିଭାବକମାନଙ୍କୁ ପ୍ରଶଂସା କରିବା ସହିତ ସାଧୁବାଦ ଜଣାଇଛନ୍ତି । ଅନୁଷ୍ଠାନର ମ୍ୟାନେଜିଂ ଡାଇରେକ୍ଟର ଶ୍ରୀ ଜି.ଭାସ୍କର ରାଓ ଛାତ୍ରଛାତ୍ରୀମାନଙ୍କୁ ଶୁଭେଚ୍ଛା ଜଣାଇବା ସହ ପ୍ରଥମ ଥର ପାଇଁ ଚଳିତ ଶିକ୍ଷାବର୍ଷ ୨୦୨୦-୨୧ ରେ ୫ବର୍ଷିଆ ଇଣ୍ଟିଗ୍ରେଟେଡ୍ ଏମ୍‌.ଏସ୍‌ସି. (ଏପ୍ଲାଏଡ୍ ଫିଜିକ୍ସ୍‌, ଏପ୍ଲାଏଡ୍ କେମିଷ୍ଟ୍ରି ଏବଂ ମ୍ୟାଥ୍‌ମେଟିକ୍ସ୍ ଏଣ୍ଡ୍ କମ୍ପ୍ୟୁଟିଂ) ପାଠ୍ୟକ୍ରମ ନାମଲେଖା ପାଇଁ ଅନୁମତି ପାଇଥିବାରୁ ବିପିୟୁଟି କର୍ତୃପକ୍ଷ ଏବଂ ସମସ୍ତ ଅଭିଭାବକମାନଙ୍କୁ କୃତଜ୍ଞତା ଜଣାଇଛନ୍ତି ।