02-Nov-2020

ବଲାଙ୍ଗିର(ସନ୍ତୋଷ କୁମାର ଠାକୁର), ଭାରତୀୟ ମଜଦୁର ସଂଘ ବଲାଙ୍ଗିର ଶାଖା ତରଫରୁ ଜିଲ୍ଲାପାଳ ବଲାଙ୍ଗିରଙ୍କ କାର୍ଯ୍ୟାଳୟ ସମ୍ମୁଖରେ ସମବେତ ହୋଇ ଭାରତ ସରକାରଙ୍କ ସଦ୍ୟ ଶ୍ରମିକ ନିତିକୁ ବିରୋଧ କରି ମାନ୍ୟବର ପ୍ରଧାନମନ୍ତ୍ରୀ ଭାରତ ସରକାରଙ୍କ ଶ୍ରମିକ ମାରଣ ନୀତି ଅତିଶିଘ୍ର ପ୍ରତ୍ୟାହାର କରିବା ପାଇଁ ଏକ ଦାବିପତ୍ର ଜିଲ୍ଲା ପ୍ରଶାସନ ତଥା ଜିଲ୍ଲାପାଳଙ୍କ ଜରିଆରେ ପ୍ରଦାନ କରାଯାଇଥିଲା । ଅରୁଣ କୁମାର ସାହୁ ରାଜ୍ୟ ସାଧାରଣ ସଂପାଦକ, ଅନଙ୍ଗ କୁମାର ଠାକୁର ଜିଲ୍ଲା ସଭାପତି, ଶିବ ନାରାୟଣ ପୁରୋହିତ ଜିଲ୍ଲା ସାଧାରଣ ସଂପାଦକ ଭାରତୀୟ ମଜଦୁର ସଂଘ ବଲାଙ୍ଗିର ଶାଖା, ଗୋପବନ୍ଧୁ ଶତପଥି ଜିଲ୍ଲା ମିଡିଆ ସେଲ ତଥା ଖାଉଟି କଲ୍ୟାଣ ମଂଚର ଜିଲ୍ଲା ସଭାପତି ଏବଂ ଅନ୍ୟାନ୍ୟ କର୍ମକର୍ତ୍ତା ଜିଲ୍ଲାପାଳଙ୍କ ପାଖରେ ଦାବିପତ୍ର ଉପସ୍ଥାପନ କରିଥିଲେ । ପଶ୍ଚିମବଙ୍ଗ ରାଜ୍ୟ ସରକାରଙ୍କ ପ୍ରତ୍ୟକ୍ଷ୍ୟ ହସ୍ତକ୍ଷେପରେ ଭାରତୀୟ ମଜଦୁର ସଂଘର କର୍ମକର୍ତ୍ତାମାନଙ୍କୁ ହତ୍ୟା କରି ଶ୍ରମିକ ଦମନ ନୀତି ଅବଲମ୍ବନ କରୁଥିବାରୁ ଏହାର ତିବ୍ର ପ୍ରତିବାଦ କରି ଆଇନଗତ ପଦକ୍ଷେପ ନେବା ପାଇଁ ଦାବି କରିଥିଲେ । ଆଶା ସାଥି ଓ ଅନ୍ୟାନ୍ୟ ମଜଦୁର ସଂଘ, ଅଲ ଓଡିଶା ଅଙ୍ଗନୱାଡି କର୍ମିି ସଂଘ କର୍ମକର୍ତ୍ତା ଦାବିପତ୍ର ପ୍ରଦାନରେ ଯୋଗ ଦେଇଥିଲେ ।