02-Nov-2020

କଳାହାଣ୍ଡି, ଧର୍ମଗଡ଼, (ତ୍ରିନାଥ ବେଶ୍ରା)- ଦୁର୍ନୀତି ନିବାରଣ ସପ୍ତାହ ଅବସରରେ ନେହେରୁ ଯୁବ କେନ୍ଦ୍ର,କଳାହାଣ୍ଡି ଶାଖା ତରଫରୁ ଧର୍ମଗଡ଼ ବ୍ଲକ ବେହେରା ଦନ୍ତେଶ୍ୱରୀ  ଯୁବକ ସଂଘ କାର୍ଯ୍ୟକ୍ରମ ପରିସରରେ  ଶପଥ ପାଠ ଉତ୍ସବ ଅନୁଷ୍ଠିତ ହୋଇଯାଇଛି । ଆୟୋଜିତ ଉତ୍ସବରେ ଧର୍ମଗଡ଼ବ୍ ପଞ୍ଚାୟତ ସମିତି ଅଧ୍ୟକ୍ଷ ବଳରାମ ପୂଜାରୀ ମୁଖ୍ୟ ଅତିଥି ଭାବେ ଏବଂ ସମ୍ମାନିତ ଅତିଥି  ତୁଳସୀରାମ ବାରିକ (ଅବସରପ୍ରାପ୍ତ ପ୍ରଧାନ ଶିକ୍ଷକ) ଯୋଗ ଦେଇଥିଲେ । ଦେଶରେ ହେଉଥିବା ଦୁର୍ନୀତି ବିରୋଧରେ କିପରି ଯୁବକ ମାନେ ସ୍ୱର ଉତ୍ତୋଳନ କରିବେ ତାହା ଅତିଥି ବୃନ୍ଦ ବ୍ୟକ୍ତବ୍ୟ ରଖିଥିଲେ । କୋଭିଡ ୧୯ ନିୟମାବଳୀ ପାଳନ କରି ଏହି ଉତ୍ସବ ପାଳନ କରାଯାଇଥିଲା । ନେହେରୁ ଯୁବ କେନ୍ଦ୍ର ର ଜାତୀୟ ଯୁବ ସ୍ବେଚ୍ଛାସେବୀ ଅକ୍ଷୟ କୁମାର ମେହେର କାର୍ଯ୍ୟକ୍ରମ ପରିଚାଳନା କରିଥିଲେ । ଯୁବକ ସଂଘର ସଭାପତି ଟଙ୍କଧର ପଟେଲ, ସୁରେନ୍ଦ୍ର ମାଝୀ, ପୂର୍ଣ୍ଣଚନ୍ଦ୍ର ଗଇତା , ରବି ବିଶି, ଦିଲୀପ ପଟେଲ ସହଯୋଗ କରିଥିଲେ ।