02-Nov-2020

ବଲାଙ୍ଗୀର, (ପ୍ରେରଣା ଖବର)- ଅବସରପ୍ରାପ୍ତ ସୈନିକ ସଂଘର ବିକାଶ ଠାରୁ ଆରମ୍ଭ କରି ସଂଘ କାର୍ଯ୍ୟାଳୟର ଆନୁସଙ୍ଗିକ ସୁବିଧା ପ୍ରଦାନ କରିବାରେ ବଲାଙ୍ଗୀର ମୁନିସିପାଲିଟିର କାର୍ଯ୍ୟନିର୍ବାହୀ ଅଧିକାରୀ  ବିପୀନବିହାରୀ  ଦୀପ ସବୁବେଳେ ପ୍ରାଥମିକତା ଦେଇ ଆସିଛନ୍ତି ।    ଗତ  କାର୍ଗିଲ ବିଜୟ ଦିବସ(୨୬/୦୭/୨୦୨୦)ରେ  ଅବସରପ୍ରାପ୍ତ ସୈନିକ ସଂଘ ତରଫରୁ ଆୟୋଜିତ ଏକ ଉତ୍ସବରେ ଶ୍ରୀ ଦୀପ ମୁଖ୍ୟ ଅତିଥି  ଭାବରେ ଯୋଗ ଦେଇ ସଂଘର ବିକାଶ ପାଇଁ ନିଜ ତରଫରୁ ଯାହା ଆବଶ୍ୟକ ସେ ସହଯୋଗ କରିବା ପାଇଁ ପ୍ରସ୍ତୁତ ଅଛି ବୋଲି କହିଥିଲେ । ଏଥିପାଇଁ ଅବସରପ୍ରାପ୍ତ ସୈନିକ ସଂଘ ତରଫରୁ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ଦୀପଙ୍କୁ ଗଭୀର କୃତଜ୍ଞତା ଜଣାଇଛି । ଆଜି ଅବସରପ୍ରାପ୍ତ ସୈନିକ ସଂଘର ସଂପାଦକ ପ୍ରତାପ ଚନ୍ଦ୍ର ରଥ ଓ ଅନ୍ୟ ସଭ୍ୟ ମାନେ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ଦୀପଙ୍କୁ ସମ୍ମାନସ୍ୱରୂପ ତାଙ୍କ କାର୍ଯ୍ୟାଳୟରେ  ସାକ୍ଷାତ କରି  ଭାରତ ମାନଚିତ୍ର ଏକ ଫଳକ ପ୍ରଦାନ କରିଛନ୍ତି ।  ଶିଳ୍ପୀ ନୀଳାଞ୍ଚଳ ପଟେଲଙ୍କ ଦ୍ୱାର ତିଆରି ହୋଇଥିବା ଏହି ଫଳକକୁ ଅବସରପ୍ରାପ୍ତ ସୈନିକ ସଂଘର ସଂପାଦକ ପ୍ରତାପ ଚନ୍ଦ୍ର ରଥ ପ୍ରଦାନ କରିଥିବା ବେଳେ ସଂଘ ପାଇଁ କାର୍ଯ୍ୟନିର୍ବାହୀ ଅଧିକାରୀଙ୍କ ସହଯୋଗକୁ ସମସ୍ତେ ପ୍ରଶଂସା କରିଥିଲେ ।