21-Sep-2021

ସୋନପୁର(ମନୋରଞ୍ଜନ ତ୍ରିପାଠୀ ): ଓଡିଶା ମୋ ପରିବାର ଆନୁକୂଲ୍ୟରେ ଓ ଜ଼ିଲ୍ଲା ଭାରତ ସ୍କାଉଡ଼ ଗାଇଡ଼ ଆୟୋଜନରେ ଆଜି ସୁବର୍ଣ୍ଣପୁର ମହାରାଜା ହାଇସ୍କୁଲ ଠାରେ ଏକ ଜୀବନ ବିନ୍ଦୁ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି l ଏହି କାର୍ଯ୍ୟକ୍ରମକୁ ରାଜ୍ୟ ପରିବହନ ମନ୍ତ୍ରୀ ପଦ୍ମନାଭ ବେହେରା ଯୋଗ ଦେଇ ଶୁଭ ଉଦଘାଟନ କରଥିବା ବେଳେ ସମ୍ମାନିତ ଅତିଥି ଭାବେ ସୁବର୍ଣ୍ଣପୁର ଜ଼ିଲ୍ଲାପାଳ ଆବୋଲି ସୁନୀଲ ନର୍ଭଣେ, ଜିଲ୍ଲା ଶିକ୍ଷଧିକାରୀ ଲକ୍ଷଣ ଭୋଇ, ଅତିରିକ୍ତ ଜ଼ିଲ୍ଲା ଶିକ୍ଷାଧିକାରୀ ରମାକାନ୍ତ ଗଦତିଆ, ବିଜେଡି ନେତା ରଂଜିତ ରଥ,ଜ଼ିଲ୍ଲା ବିଜ୍ଞାନ ନିରୀକ୍ଷକ ହିମାଂଶୁ କର, ଜ଼ିଲ୍ଲା ଶାରୀରିକ ଶିକ୍ଷା ନିରୀକ୍ଷକ ଦୁର୍ୟୋଧନ ରାଉତ, ଯୋଗ ଦେଇ  ଓଡିଶା ମୋ ପରିବାର ରକ୍ତ ଦାନ ଆୟୋଜନର ଲକ୍ଷ୍ୟ ଓ ଉଦ୍ଦେଶ୍ୟ ଉପରେ ଆଲୋକପାତ କରି ରକ୍ତଦାତା ଓ ଆୟୋଜକ  ଶିକ୍ଷକ ଶିକ୍ଷୟତ୍ରୀଙ୍କୁ ଉତ୍ସାହିତ କରିଥିଲେ l ସଭାକୁ  ଶ୍ରୀ ରାଉତ ସଂଯୋଜନା କରିଥିବା ବେଳେ ବାଙ୍କୀପାଳ ହାଇସ୍କୁଲ ପି ଇ ଟି ସଂଜୀବ ବାବୁ ଧନ୍ୟବାଦ ଅର୍ପଣ କରିଥିଲେ   ଆଜି ସମୁଦାୟ ଏହି 

 ଶିବିରରେ ୯0  ୟୁନିଟ ରକ୍ତ ସଂଗ୍ରହ ହୋଇ  ଥିବା ସୂଚନା ମିଳିଛି l ଜ଼ିଲ୍ଲା ର ସମସ୍ତ ବ୍ଲକ ର ବିଭିନ୍ନ ହାଇସ୍କୁଲ ରୁ ଶିକ୍ଷକ ଶିକ୍ଷୟତ୍ରୀ ଯୋଗ ଦେଇଥିବା ବେଳେ ଜ଼ିଲ୍ଲା ରକ୍ତଭଣ୍ଡାରର ଡା. ନରେନ୍ଦ୍ର କୁମାର ମେହେର, ଟେକନିସିଆନ ସୁଭାଷ ପଣ୍ଡା, ଜଗତ ଡରୁୱାନ, ଜିତୁ ଭୋଇ, ଟଙ୍କଧର କଅଁର ଏହି ଶିବିରକୁ ପରିଚାଲାନା କରିଥିଲେ l